Part 4

1604 Words

الحلقة الرابعة صل علي محمد...... نبدأ روايتنا بالصلاة والسلام على رسول الله ♥... * وقفنا الحلقة اللي فاتت عند........ * عند تمارا وفهد...... مستخبيين في الاوضة وفهد بيبص يشوف مين اللي دخل البيت...... فهد بص لتمارا وقال: اوعي تعملي اي صوت تمارا رجعت لورا خبطت كوباية وقعت ع الارض.... فهد: يا بنت الغبية وفجأة ظهر صوت مخيف وهو صوت نمر....... تمارا: اوعي يكون اللي في بالي فهد: في نمر برة يخربيتك تمارا: يالهوي هنعمل اي فهد: هنزغرط يعني.... اجريييي النمر هجم علي الاوضة..... وبيكسر في الباب بمخالبه وبإيده..... وفهد وتمارا جوة الاوضة....... فهد بيبص حواليه وشاف شباك صغير....... فهد: تعالي نطلع من الشباك ده تمارا جريت ناحية الشباك وبتحاول تطلع منه لإن الشباك صغير جدا....... وفجأة النمر كسر الباب.... تمارا: فهد فهد بزعيق قال: اخرجي انتي تمارا بتحاول تخرج من الشباك وبعد معاناه قدرت تخرج برة...... فهد بيبص حواليه وشاف حديدة مسكها وبيدافع بيها عن نفسه قدام النمر........ تمارا: فهد اخرج فهد: اجري انتي يا تمارا وانا هحصلك تمارا: مش هسيبك فهد بعصبية قال: قولتلك اجري النمر بيقرب من فهد..... وفهد بيبعد وبيحاول يخوف النمر بالحديدة اللي في ايده...... تمارا جريت ولفت الناحية التانية ودخلت البيت بالراحة وخبطت برجلها ع الارض.... فهد: يخربيتك اي اللي جابك تاني تمارا: يعني اسيبك للنمر ياكلك فهد: اجري يا هبلة يا بنت الهبلة تمارا مسكت كوباية ورمتها ع الارض كسرتها النمر بص وراه وشاف تمارا وهي بتطلع لسانها للنمر..... تمارا: تعال ورايا تمارا جريت بأقصي سرعتها...... والنمر بيجري وراها...... فهد بيبص بصدمة: يخربيتك تمارت نزلت من ع الشجرة ولسه هتجري وفجأة النمر نط من فوق الشجرة ووقف قدام تمارا........ فهد طلع من البيت وبيبص علي تمارا....... وشافها واقفة والنمر واقف قدامها....... ــــــــــــــــــــــــــــــــــــــــــــــــــــــــــــــ * عند حمزة ومليكة ويزن....... حمزة ومليكة ويزن ماشيين في الصحرا..... يزن: الحمد لله البنطلون زي الفل مليكة: محصلش فيه خدش حمزة كان ماشي والبنطلون من ورا مقطوع....... حمزة وقف وبص ليهم بعصبية وقال: اللي هينطق فيكم هدفنه هنا وسابهم ومشي ومليكة ويزن بيبصو لبعض وبيضحكو بصوت واطي....... التلاتة ماشيين لحد ما وصلو للغابة........ مليكة: واااااو يزن: غابة في الصحرا.... هو المسيخ الدجال هيظهر امتا حمزة: اتحركو.... اكيد هنلاقي ماية هنا التلاتة دخلو الغابة...... ومليكة كانت مبهورة اوي بمنظر الغابة وجمالها...... مليكة: الله.... لو الواحد يقعد هنا حمزة: هنا فين انتي كمان مليكة: انا من رأيي نمشي كدة حمزة: محدش كان طلب رأيك اصلا يزن: يا شباب بصو كدة حمزة ومليكة بيتخانقو مع بعض........ وفجأة...... مليكة: خلاااااص حمزة: يلا قدامي... يلا يا يزن مليكة: يزن حمزة بيبص ملقاش يزن: يزن فين مليكة بتنادي عليه: يزااااان حمزة: يزن.... انت فين مليكة: يكونش رجع تاني المعسكر حمزة: رجع من غير ما يقول.... اي التخلف ده مليكة: هنعمل اي هنرجع حمزة: اكيد لأ.... احنا هندور علي ماية مليكة وحمزة مشيو في الغابة يدورو علي اي مصدر للماية........ مليكة وحمزة ماشيين وسط الأعشاب الطويلة...... حمزة: حاسبي وانتي ماشية مليكة: متقلقش كله متأمن حمزة: أمان مليكة: طبعا وفجأة...... مليكة داست علي حبل تحت رجلها من غير ما تاخد بالها ووطت عشان تجيب عصاية........ وفجأة..... الحبل فلت وهوووب نزل فرع شجرة خبط في حمزة..... وحمزة طار ووقع من علي منحدر........ مليكة قامت من مكانها وبتبص حواليها ملقتش حمزة...... مليكة: حمزة.... انت فين حمزة: امان يا بنت المدايقة مليكة: انت اي اللي وقعك كدة حمزة: انتي عملتي اي مليكة: والله ما عملت حاجه.... استنا انا جايه اهو مليكة جريت عشان تروح ل حمزة.......... ـــــــــــــــــــــــــــــــــــــــــــــــــــــــــــ * بالنسبة ل يزن..... يزن وهو ماشي ورا مليكة وحمزة..... شاف اثار اقدام في الاتجاه المعاكس...... يزن: يا شباب بصو كدة يزن شاف مليكة وحمزة بيتخانقو سابهم ومشي ورا اثار الأقدام يمكن يلاقي حد يساعدهم.... * عند هنا....... هنا وقعت من ع المنحدر وقامت من مكانها..... هنا: ااااه يا مفاصلي.... يا عضمااااي.... انا كان مالي ومال المهمة الزفت دي وفجأة هنا بصت قدامها بانبهار........ وكان في كهف كبير اوي...... هنا: اي ده.... كل ده كهف.... يا تري في اي جوا وطبعا كأي بنت زينا عندها فضول وهتموت وتعرف في اي قررت انها تدخل تستكشف الكهف..... هنا دخلت الكهف وبتبص بانبهار علي اللي موجود في الكهف..... وكان في نقوش علي الحيطان غريبة ونار متولعة...... هنا ماشية وبتبص حواليها بإعجاب بالمكان...... هنا: لو كان معايا تليفوني كنت صورت دلوقتي ولكن هنا وهي ماشية في الكهف وصلت لآخر الكهف وووقف مكانها من الصدمه....... خرجت من الكهف وكان في اشجار طويلة وبيوت من الخشب كإنه عالم تاني ومحدش يعرف عنه حاجه....... هنا وقفت تبص ع المكان وجريت استخبت ورا صخرة كبيرة لما شافت ناس شكلها غريبة معدية.... هنا وهي بتبص حواليها فتحت بوقها مترين من اللي شافته....... وفجأة وهي بترجع لورا صرخت....... ـــــــــــــــــــــــــــــــــــــــــــــــــــــــــــــــ * عند تمارا وفهد....... فهد واقف بيبص علي تمارا..... وشاف تمارا واقفة والنمر واقف قدامها....... تمارا: اهداا.... احنا أصدقاء مش هنأذيك وفجأة النمر هجم علي تمارا وفتح بوقه.... تمارا لسه هتجري لكن النمر مسك هدومها وشدها ببوقه........ تمارا بتقرب من النمر: اهداا.... سلام النمر قرب علي تمارا وهي اتخضت ووقعت ع الارض........ فهد دخل البيت وشد شبكة حديد لقاها جوة البيت....... النمر لسه هيهجم علي تمارا وفهد نط من فوق الشجرة ورمي الشبكة الحديد نزلت ع النمر والنمر كان بيحاول يخلص نفسه من الشبكة....... فهد قرب من النمر وكان معاه السلاح بتاعه ووجهه ناحية النمر...... فهد بيبص للنمر وفجأة مسك سلاحه حطه في جييه....... وجري علي تمارا ومسك ايدها وشدها من ع الارض...... تمارا: هنعمل اي فهد: الجري نص الجدعنه ـــــــــــــــــــــــــــــــــــــــــــــــــــــــــــــــ * اما عند مليكة وحمزة...... حمزة وقع من فوق المنحدر ولكن لسوء حظه نزل في مكان فيه طين...... مليكة: انا جاية اهو مليكة نزلت ل حمزة....... واول ما شافت منظره ضحكت..... مليكة بضحك قالت: اي ده.... شكلك بقا شبه الغوريلا حمزة: لمي نفسك مليكة: ههههههه.... الحمد لله.... يمهل ولا يهمل حمزة: انتي مالك شمتانه فيا كدة لي مليكة: اصل بصراحه تستاهل حمزة: شوفيلي اي حاجه انضف نفسي يا حيوانه مليكة: متغلطش حمزة: طب اتفضلي يا استاذة مليكة مشيت وحمزة وراها وكل شويه تبصله وتضحك علي شكله....... حمزة بعصبية قال: ممكن تقفلي بوقك شويه مليكة: طيب.... هههههههههههه حمزة: يا مصبر الوحش ع الجحش مليكة وحمزة مشيو لحد ما وصلو لشلال ماية...... مليكة: الله.... في شلال هنا مليكة جريت وبدأت تشرب وحمزة وقف تحت الماية عشان ينضف نفسه........ وفجأة سمعو صوت ضرب نار........ ـــــــــــــــــــــــــــــــــــــــــــــــــــــــــــــــ * اما ساندي وليل....... ساندي الناس خدوها ومشيو وليل مشي وراها...... لحد ما وصلو للمكان بتاعهم...... وربطو ساندي في جذع شجرة وحطو حواليها خشب........ ومكان تاني فيه إبريق طبخ بس بحجم كبير اووووي....... ساندي: اي ده يا جماعة.... احتفال الفلانتاين ده ولا اي ليل اتحرك بالراحة من غير ما حد يشوفه....... ساندي: اي ده ليل.... يا ليييييل ليل بص ليها بصدمة........ ولكن وهو بيمشي ساندي شافته وندهت عليه بصوت عالي وده اللي خلا الناس تاخد بالها منه وتهجم عليه وتمسكه........ الناس مسكوه وربطوه جمب ساندي....... ليل بعصبية قال: منك لله يا بنت المدايقة ساندي: الاه وانا مالي يا لمبي ليل: انتي بتنادي عليا هو انا تايه ساندي: بنادي عليك عشان تشوفني ليل: ده علي اساس اني مش شايفك يعني ساندي: هيعملو مننا يخني ليل: اخرسي بقا.... انا مش عارف اي اللي جابنا هنا.... وازاي الناس دي موجوده مصر ساندي: انت لسه مقتنع ان احنا في مصر ليل: احنا لازم نخرج من هنا بأي طريقة ساندي: فكر وانا معاك * اما هنا..... هنا شافت العالم التاني ولسه بترجع لورا وفجأة صرخت لما حد حط ايده علي بوقها...... هنا: اممممم... امممممم يزن: هشششش... بس ده انا هنا: يزن انت بتعمل اي هنا يزن: من حظي الحلو.... كنت ماشي وشوفت اثار اقدام مشيت وراها لقيت نفسي قدام كهف كبير دخلت وشوفتك.... وانتي هنا: انا كنت مع ساندي وليل ووقعت من فوق ع الارض ولقيت نفسي قدام الكهف بردو ودخلت ادزر علي حد يساعدنا يزن: بس مين الناس دي... وشكلهم عامل كدة لي هنا: سيبك من الناس.... ساندي وليل متربطين يزن: ساندي وليل ... ازاي هنا: المهم دلوقتي نفكر هنخرجهم ازاي.... انا بدأت اشك ان احنا مش في مصر اصلا.... اكيد في حاجه غلط يزن: اكيد.... بس ازاي نوصل هنا.... وازاي يكون في ناس بتاكل لحوم البشر هنا: يالهوي.... بياكلو لحم البشر يزن: اومال رابطين ساندي وليل لي.... بيلعبو معاهم هنا: اتصرف يا يزن.... احنا لازم نخرجهم من هنا بسرعه يزن: اتصرف ازاي هنا: لقيتها يزن وهنا مسكو اتنين وضربوهم واغمي عليهم..... وخدو اللبس بتاعهم ولبسو زي الناس ودهنو نفسهم اسود....... يزن: انا مش عارف ازاي وافقتك علي كدة هنا: بقولك اي مفيش قدامنا حل تاني يزن وهنا اتحركو وراحو ناحية الناس وبدأو يرقصو معاهم زي ما هما بيرقصو....... وفجأة........ فهد وتمارا بيجرو من النمر...... وهما بيجرو شافو الناس دي قدامهم ورابطين ساندي وليل........ تمارا: الهنود الحمر في مصر فهد بزعيق قال: مصر ايييييي.... احنا مستحيل نكون في مصر تمارا: حاسة اني بحلم زعيم القبيلة شاور علي فهد وتمارا وأمر رجالته انهم يجيبوهم....... فهد: احنا هنهجم ونبقي في ضهر بعض وبيبص جمبه ملقاش تمارا....... تمار بتجري: نهجم علي مين دول كتير اووووي فهد طلع سلاحه وضرب طلقة في الهوا الناس رجعو لورا....... في نفس الوقت ده..... مليكة وحمزة سمعو صوت ضرب نار جريو علي مكان الصوت....... ليل: حبيبي يا فهد..... فكني بصرعة قبل ما اتسلق ساندي: هيطبخوناااااا الناس هجمت عليهم وفهد وحمزة بيضربو....... ومليكة وتمارا بيضربو معاهم...... هنا ويزن قربو من ساندي وليل عشان يفكوهم...... فهد جري ناحية ليل ومسك يزن وقبل ما ينطق هوووب ناوله بالبوكس في وشه..... يزن: اااااه.... عينييييييي هنا: ده يزن يا فهد ساندي: يزن... اومال انتي مين هنا: انا هنا يا بت ساندي: واي اللي عاملاه في نفسك ده هنا: مش وقته فهد: فكيهم وانا هتعامل يزن: ايد ماشية ع الارض..... ااااااه هنا بتفك ساندي وليل............ تمارا ومليكة ماسكين واحد وبيضربو فيه......... لحد ما فهد وقف قدام زعيم القبيلة....... فهد: اهلا زعيم القبيلة: احنا ممكن نتفاهم حمزة: مفيش تفاهم.... اي ده.... انت بتتكلم زينا.... طب ازاي وووووو ـــــــــــــــــــــــــــــــــــــــــــــــــــــــــــــــ ولحد هنا هنقف.......... يا تري اي اللي هيحصل مع ابطالنا...... واي رد فعلهم من اللي هيسمعوه........ سر هينكشف هيقلب كل الموازين.... اي هو السر ده * لحد دلوقتي لسه مهمتنا الحقيقية مبدأتش.... لكن يا تري المهمة دي هتبدأ ولا هيحصل حاجه توقفها........ كل الأسئلة اللي في دماغكم هنجاوب عليها انتظرونا في الحلقات اللي جاية من بنات في تل أبيب?........ دمتم في حفظ ورعاية الله ♥......... بقلمي/ اسراء جابر

Free reading for new users

Scan code to download app

App Store Google Play

Facebookexpand_more