"HEY, ANO pang itinatayo mo diyan? Kumain na tayo."
Hindi niya namalayan na nakatayo na pala sa tabi niya si Railey. Hinawakan siya nito sa kamay at hinila papunta sa kusina. Nakalatag sa island counter ang in-order nilang pagkain. Pinaupo siya nito at iminuwestra ang pagkain na nasa harap niya.
"C'mon, lets's eat," nakangiting sabi nito.
Nakaisang subo muna siya bago nagsimulang kumain si Railey.
"Okay lang ba sa iyo na ganito ang kinakain natin? Hindi ka ba nanghihinayang doon sa Chinese food na in-order mo?" maya-maya'y tanong niya.
"It doesn't matter. Ang importante ay kasama kitang kumakain ngayon. Kahit ano pang klaseng pagkain ang nakahain sa harap ko ay mag-eenjoy akong kumain basta ikaw ang kasama kong kakain."
Biglang tumalon ang puso niya sa sinabi nito. Hindi man niya
