TUWING naghihiwalay sila ng mga naging boyfriend ni Vivienne ay nasasaktan siya. Pero kinaya niya ang lahat ng sakit na naramdaman sa tatlong relasyong pinasok niya. Natuto siyang magpatawad at lumimot hanggang wala na siyang maramdamang sakit. Kaya lang bakit sa pagkakataong ito ay sobra-sobrang sakit ang naramdaman niya. Sakit na hindi niya alam kung kakayanin niya sa mga susunod na araw.
Matututunan pa kaya niyang lumimot? O, baka habang buhay na niyang iindahin ang sakit na dinadala.
Tama siguro ang Tatay Roberto niya. Hindi na siya magiging maligaya kahit kailan. Hindi siya mamahalin ng kahit na sinong lalaki, kahit na si Railey na natutunan na niyang mahalin sa maikling panahon na nakilala niya ito. Habambuhay na niyang dadalhin ang sumpang binitiwan ng nakagisnang ama.
NAKAT
