MARAHAS na iling ang tugon ni Vivienne. Ilang beses siyang huminga ng malalim bago nagsalita. Kaninang umaga pa niya pinag-iisipan ang sasabihin kay Railey. At ngayon na ang tamang panahon para sabihin niya ito sa binata. Baka kung i-delay pa niya ito ay hindi na siya magkakaroon ng lakas ng loob na masabi pa ito sa binata.
"Sinabi ko naman sa iyo, eh. Kaya ko ang sarili ko. Hindi mo na ako kailangan pang ihatid. Makakauwi naman akong mag-isa. Saka bakit ba kailangan mo pa akong alalahanin gayong empleyado mo lang naman ako? Mas dapat pa nga na mag-alala ka para sa sekretarya mo kasi mas malapit kayong dalawa. Eh, ako, bagong empleyado mo lang. Hindi mo na ako kailangan pang pag-aksayahan ng panahon."
"What are you talking about?" Napatiim ang mga bagang ni Railey. "What happened to you
