Zamora’s POV
Pagabi na nang hinatid ako ni Drac dahil sap ag-uusap namin ni Lourd. Ang trenta minutong hiningi niya nauwi ng ilang oras.
Pabagsak akong umupo sa mahabang kahoy na upuan na nasa labas ng bahay. Bumuga ako ng hangin. Hindi na muna ako pumasok ng bahay.
Isang malaking gulo talaga itong pinasok ko. Napayuko ako at hinawakan ang buhok at sinabunutan ang sarili.
“Ahh!” impit kong sigaw.
“Za, okay ka lang?”
Inangat ko ang tingin. Si Redson. Nasa lungga niya pala siya.
Sinandal ko ang likuran sa dingding ng bahay at tumingin sa kawalan.
“Pula, aalis muna ako ng bahay.”
“Huh?” Umupo siya sa tabi ko. “Kakarating mo pa nga lang, aalis ka na naman. Kamusta na ang pakiramdam mo? Maayos ba? Eh ang pag-uusap niyo ng Lourd na ‘yon?”
“Isa-isa nga lang. Ito naman, gulung-gulo na n
