Ibinalik ng ama ni Anthony ang kanyang condo unit kaya naman dito kami lumalagi ngayon. Pinakiusapan rin ng Ama nya na muli syang bumalik sa opisina upang pamahalaan ito. Ilalaan na lamang daw nito ang kanyang araw at oras sa pagaalaga sa kanyang may bahay.
Ilang linggo na rin ang nakalipas mula ng mag agaw buhay ang kanyang ina. Sa pangalawang pagkakataon, muli syang naka-survive sa kamuntikang pagkawala. Nailigtas sya ng mga doctor. Matapos din ang ilang linggong pamamalagi nito sa ospital ay pinayagan na rin silang makauwi ng bahay. Hindi na ito makalakad at makapagsalita ng diretso kaya naman kinakailangan nito ng therapist bukod dun ay ang magaasikaso dito sa araw araw.
Habang naglilinis naman ako ng pinag kainan namin ni Anthony sa umagang iyon, biglang tumunog ang doorbell namin.
