AGATHA
May damit na nakalatag sa gilid nang kama para sa akin ang nakahanda na para isuot ko ng lumabas ako sa banyo. Mabuti na lang at kahit paano ay marunong na akong gumamit ng shower.
Halos katulad lang rin naman ito ng ginagamit namin sa hostel kaya mabilis na natutunan ko kung paano gamitin, hindi gaya noong una na hindi ko alam kung ano ang gagawin ko. Inabot tuloy ako noon ng ilang oras sa banyo, bagay na ikinagalit ng husto ni Gayuna dahil nagtagal ako ng husto.
Elegante at pang mayaman ang mga gamit na nakita ko sa loob ng shower room ni Mr. Madrigal. Nakakatakot hawakan, lalo na at alam kong bawat isa ay mahal ang halaga.
Mabilis na nagbihis ako at siniguro na maayos ang suot ko. Wala akong nakitang sapin sa paa kaya nanatiling naka-paa ako habang nakatayo at hindi malaman
