AGATHA
Nagkamalay akong para akong dinuduyan habang nararamdaman ko ang galaw ng taong kasama ko. Pakiramdam ko ay buhat nito ang katawan ko, kaya unti-unting nagmulat ako ng mga mata, pero nakaramdam ako ng labis na pagkahilo.
Malabo ang paningin ko. Naaninag ko lang ang mukha ng taong kasama ko mula sa liwanag ng ilaw habang nanunuot sa ilong ko ang pabangong gamit nito at mabilis na naglalakad papunta sa kung saan.
Ilang ulit kong sinubukang kumurap hanggang sa narinig kong bumukas ang pintuan at unti-unting luminaw ang paningin ko. Napagtanto ko kung sino ang taong naglalakad habang buhat niya ang katawan ko.
"Bitawan mo po ako!" hindi ko napigilang sabihin ng malakas sa kanya, pero napalunok na lang ako ng tapunan nito ng matalim na mga mata at parang bingi na naglalakad ng mabi
