AGATHA
"Wake up, hon." Paos at mukhang inaantok pa ang tinig na ginising ako ni Draven. Naririnig ko rin ang malakas na alarm at tunog nang cellphone ko sa ulunan, dahilan para magising ang katabi ko.
"Good morning," mahinang bati ko kay Draven at yumakap sa kanya.
"It's time for you to get ready, pero kung ayaw mo, p'wede ka ulit matulog katabi ko," nakapikit na sabi ni Draven na tinampal ko ang braso.
Hindi p'wede ang suhestyon niya. Siguradong naghihintay si Theresa at ayaw ko naman na dahil sa inaantok lang ako ay hindi na kami tutuloy. Tama lang na maghanda na ako, para hindi kami abutin ng traffic sa daan.
Inalis ko ang nakayakap na braso ng katabi ko sa bewang ko at pagkatapos ay bumangon. Alas-kwatro na pala. Ganitong oras ang naka-set sa alarm ng cellphone ko bago ako matulo
