AGATHA
"Anong nangyari?" takang tanong ni Thesa nang mabilis na pumasok ako sa loob ng sasakyan kung saan siya naghihintay sa akin. "Bakit parang gusto mong sumugod sa giyera at sasabog ka?"
"Wala na akong bahay na babalikan dito, Thesa. Ipinagbili na nang magaling na kapatid ko," galit na sagot ko.
"Kahit mga gamit namin at mga alaala ng mga magulang ko ay itinapon na rin nila, kaya wala nang silbi na magtagal pa tayo dito, Thesa."
Tumango lang si Theresa habang ako naman ay nagpupuyos sa galit sa kinaupuan ko. Kung alam ko lang kung nasaan ngayon si Ate Crista, baka sinugod ko na siya dahil sa dami ng atraso niya sa akin.
"Paano na ngayon iyan? Saan mo gustong pumunta?" tanong ni Theresa na sinulyapan ang bahay na pinanggalingan ko.
"Gusto kong puntahan ang puntod ng mga magulang
