AGATHA
Ramdam ko ang malakas na kabog ng dibdib ko nang bumaba ako sa sasakyan at humakbang papasok sa ospital, kung saan ako paulit-ulit na nagmakaawa noon sa bawat staff na nakapaligid sa akin na iligtas ang mga magulang ko.
Hindi pa rin nawawala ang pamilyar na sakit sa puso ko, kahit halos isang taon na ang nakalipas. Parang kailan lang nangyari na helpless ako at sobrang natatakot, dahil mag-isa na lang ako at iniwan na nang mga magulang ko.
Lumapit kami ni Theresa sa information center at agad namang hinarap ng nurse na naka-duty. "I'm Attorney Lara Advincula. Nandito ako para kunin ang medical records ng mga magulang ng client ko, Alfredo and Regina Aguilar," pakilala ni Theresa sa kausap.
Sinabi ko ang ilang importanteng details na natatandaan ko, gaya kung kailan at ano ang ek
