AGATHA
Napabalikwas ako ng bangon, matapos magising sa sunod-sunod at malakas na katok mula sa labas ng pintuan. Sinulyapan ko muna si Draven na mahimbing na natutulog bago inabot ang roba at tinungo ang pintuan.
Nakasimangot na pekeng mukha ni Sofia ang bumungad sa akin at nakapamewang pa nang pagbukasan ko. Tila ba hindi na naman makapag-hintay ang babaeng ito at mukhang may mahalagang kailangan kaya narito.
"Good morning, Sofia," inaantok na bati ko sabay ngiti sa kanya.
"Anong good morning ka d'yan? My god, tanghali na, Agatha," nandidilat na sagot ng kaharap ko at itinaas pa ang relo na nasa braso.
"Alam mo ba kung nasaan si Draven? Ang magaling na lalaking iyon, mukhang pinagtataguan ako, hindi ko mahanap," lukot ang mukha at nagmamaktol na sabi pa nito.
"Teka, posibleng nariy
