AGATHA
Madilim ang lugar na pinasok ko. Hindi ko akalain na ganito ang makikita ko dito sa loob, kaya nangangapa ako. Wala akong naririnig na kahit ano. Nakakatakot ang katahimikan at wala akong tiwala dito, dahil ramdam ko ang panganib sa paligid ko, kaya alerto ako.
Segundo lang ang lumipas, umalingawngaw ang isang malakas na putok at ramdam ko ang balang tumama malapit sa direksyon ko. Mabuti na lang at nakakubli ako, dahil kahit may suot akong bullet vest, kinabahan pa rin ako na baka tamaan ako.
Kailangan kong mag-ingat, lalo na at alam ko ang panganib kapag tinamaan ako ng bala. Talagang seryoso si Draven na matuto akong humawak ng baril at makipaglaban ng sabayan. Bilang asawa niya, hindi biro ang banta sa buhay ko, kaya ginagawa ko ang lahat para protektahan ang sarili ko.
Gami
