AGATHA
Tanghali na ako nagising. Katulad ng inaasahan ko, wala si Draven sa tabi ko. For sure, hindi na naman siya umuwi kagabi, gaya ng malimit na ginagawa niya sa tuwing aalis at iiwan akong mag-isa dito sa penthouse niya.
Mabigat ang pakiramdam na bumangon ako at naligo. Kumakalam na naman kasi ang sikmura ko, dahil nalipasan na ako ng gutom. Almost twelve na pala. Tanghalian na, kaya hindi na ako nakapag-almusal kanina.
Nagulat ako ng datnan kong malinis na ang kusina. Wala na ang mga hugasin at mukhang may pumunta nang kasambahay galing sa mansion, para maglinis dito kanina, habang tulog pa ako.
May naka-handang pagkain na rin, kaya kumain na ako, dahil hindi talaga ako sanay kahit noon pa na wala sa oras ang pagkain ko.
Katatapos ko lang magligpit ng pinagkainan ko ng nadatna
