AGATHA
Hating-gabi nang magising akong kumakalam ang sikmura. Hindi man lang pala ako kumain ng hapunan, dahil bigla na lang dumating si Draven at nagpakasal kami, tapos hindi na ako nakalabas ng silid kasama siya.
Nabaling tuloy ang paningin ko sa lalaking katabi ko. Mahimbing ang tulog niya at para bang maamong tupa na walang kakayahang gumawa ng masama. Malayo sa nakikita ko kapag nagagalit siya at may hawak na barìl na kayang kumitil nang buhay ng isang tao sa isang pitik lamang nang kan'yang mga daliri.
Malalim na buntong-hininga ang pinakawalan ko sabay iwas ng tingin. Bigla na naman kasing bumilis ang tìbok ng puso ko habang nakatitig sa magandang hulma ng mukha ng lalaking pinakasalan ko. Kinakabahan na naman ako ngayong katabi ko siya at yakap ako ng mahigpit na para bang ayaw
