AGATHA
"Salamat po, Tiyang Raquel," nakangiting sabi ko nang bigyan niya ako ng stainless na pinggan na may nakalagay na kanin at ulam.
"Gusto mo bang kumain?" nag-aalangan na tanong ko kay Draven na tahimik at nakatingin lamang sa ginagawa ng mga kasama namin.
Paano, nilatag lang sa ibabaw ng nitso ang ilang patong na dahon ng saging at pagkatapos ay ibinuhos ang kanin at ulam na adobo. Ganito naman kami dito sa probinsya, naghugas lang sila ng kamay at presto, kainan na.
"We can share, I'm fine with that," maikling sagot ni Draven.
Alam kong naiilang rin sa kanya ang mga kasama ko. Kahit walang nagtatanong kung sino si Draven, nakikita naman ang pagiging bossy niya, lalo na at hindi maitatanggi na mayaman talaga siya, mula sa kilos bihis at pananalita, pero kahit paano ay kaswal n
