AGATHA
Nang matapos naming kumain, tinawagan ni Theresa si Sir Blake para makipagkita. Nagkasundo silang dalawa na magkikita sa restaurant sa bayan kaya maaga pa lang, naghanda na kami ng kaibigan ko para muling dalawin sa sementeryo ang puntod ng mga magulang ko.
Wala akong narinig na kahit anong reklamo kay Theresa sa bahay na tinuluyan namin. Natutuwa rin si Tiyang Raquel na kahit mukhang mayaman daw ang kasama ko ay magaling makibagay. Hindi gaya ng ibang nakakaangat sa bayan na halos hindi na malapitan.
Kasama si Tiyang Raquel at Macie, pati na rin ang ilang kalalakihan na inutusan kong bumili ng semento at materyales na gagamitin para sa gagawing bahay sa libingan ng mga magulang ko ay sumakay kami sa motor na may sidecar na siyang karaniwang gamit namin dito sa barrio at maghahat
