AGATHA
Tulog pa rin si Theresa nang bumalik kami. Hindi ko na siya ginising kasi pagod talaga siya sa mahabang oras ng pagmamaneho kahapon at halos maghapon kaming nasa kalsada, tapos sumama pa sa akin kagabi.
"Agatha, mag-almusal muna tayo. Sandali, mag-iinit ako ng tubig para makapagkape ka na," sabi ni Macie bago pumunta sa kusina at naiwan ako sa sala.
Nangunot ang noo ko ng kunin ko sa loob ng backpack na dala ko ang cellphone ko. Ang dami kong nakitang missed call at text messages mula kay Draven.
Natampal ko na lang ang noo ko habang naka-ngiwi dahil siguradong umuusok na ang bunbunan ng lalaking iyon ngayon, lalo na at almost one hundred times na ang missed call na naka-registered sa screen ko.
Mabilis na lumabas ako sa bakuran para hindi marinig ni Theresa at Macie ang pag
