AGATHA
Hindi ako komportable na kasama ang mga babaeng nasa paligid ko, kaya inaya ko si Theresa na lumusong sa tubig. Nararamdaman ko kasi ang matalim na mga mata ni Abby na nakasunod sa bawat kilos ko. Ako na ang kusang umiwas, dahil ayaw ko nang gulo, lalo na at alam kong wala akong laban sa kahit isa sa kanila.
Magaganda sila, mga modelo at may sinabi sa buhay. Kung hindi ako pinakasalan ni Draven, alam kong hindi ako makakapasok sa ganitong lugar. Mas mabuti pang manahimik na lang ako at umiwas sa gulo. Nararamdaman ko kasing hindi ako gusto ng ibang kasama namin dito sa pool.
"Okay ka lang? Huwag mo na silang pansinin. Mga frustrated sa buhay ang mga babaeng iyon. Palibhasa kahit ibandera pa nila ang katawan, hindi pinapansin ni boss," naka-ngising sabi ni Theresa na kinalabit pa
