AGATHA
Kahit malaki ang kasalanan ni Ate Crista sa akin, hindi ko siya kayang patayìn ng walang laban. Sapat na sa akin ngayon ang parusang binigay ko sa kanya, kaya nagpahatid na ako sa right hand ni Draven na si Brady sa bahay.
Sila na ang bahala sa babaeng iyon. Babalikan ko si Crista kapag nagkakamalay na ang babaeng iyon. Bigla na lang nawalan ng malay kanina dahil mukhang hindi na kinaya ng katawan ang matinding sakit dulot ng tama ng bala sa mga tuhod niya.
Madaling araw nang makarating ako dito sa bahay. Ramdam ko ang kakulangan na wala dito ang asawa ko, kaya minabuti kong maupo sa sala at huwag munang umakyat sa loob ng silid namin, dahil nakakaramdam ako ng labis na kalungkutan.
Sinadya kong huwag buksan ang ilaw at manatili sa dilim. Mas gusto ko ang ganito dahil tinatalo
