AGATHA
Pinili kong huwag tawagan ang kahit na sinong related kay Draven. Alam niya kung nasaan ako at saan niya ako iniwan, kaya walang dahilan para hanapin ko siya. Kung gusto niyang umuwi at makita ako, siguro naman, hindi pa niya nakakalimutan kung saan ako babalikan.
Kahit mahirap at nangangapa kung anong magiging kapalaran ko at ng magiging mga anak ko dahil mga nangyayari ngayon ay binalewala ko muna ang takot at pati na rin ang mga tanong na laging gumugulo sa isip ko.
Hawak ni Brady si Ate Crista. Tuluyan nang hindi makalakad ang babaeng iyon dahil parehong na damage ang mga buto sa tuhod na binaril ko.
Katatapos lang ng last subject ko, pero imbes na umuwi sa bahay ay tinawagan ko si Brady na sunduin ako. Hindi na ako sumama kay Theresa dahil gusto kong pumunta sa base at mu
