Tumango-tango si Theresa na animo ay nag-iisip siya. Saglit na namayani ang katahimikan na maging ako ay hindi nakapagsalita.
"Anong sinasabi ng puso mo, Agatha?" tanong ni Theresa.
Naguguluhan na napatingin ako sa kanya, dahil hindi ko agad nakuha ang ibig niyang sabihin. "I mean, may instinct tayo. Bilang babae, nakakaramdam tayo kung ano ang mabuti at hindi para sa atin. Ikaw, anong sinasabi ng puso mo? Sino sa kanila ang paniniwalaan at mapagkakatiwalaan mo?'
Katahimikan ang muling namayani sa pagitan namin ni Theresa. Hindi ko makapa sa puso ko kung may tiwala pa bang natitira para sa dalawang taong pakiramdam ko ay bagay akong pinag-lalauran at ginagamit nila.
"Hindi ko alam. Hindi kita masasagot sa ngayon, Theresa. Sobrang naguguluhan ako," malungkot na sagot ko, kasabay ng mal
