Lahat ng plano ni Luis ay umaayon na sa kanya. Alam na rin ng lahat ng mga kamag-anak niya ang kasalang magaganap dahil sa matunog na matunog na ito, bilang sila ay respetadong tao. Ayaw man sana din ni Angela ng isang magarbong kasalan ngunit hindi naman papayag ang ina ni Luis. Halos siya ang nakatutok sa pagpaplano ng kasal at lahat ng maliliit na detalye ay dapat alam na alam niya. Kung tutuusin ay sabik na sabik siya na ikasal ang anak niya.
******
ARAW NG KASALAN..
Napili ng ina ni Luis na sa malawak na bakuran ng mansyon gagawin ang kasal at reception. Sumang-ayon din si Luis at Angela dito para maakomuda lahat ng tao. Pinalagyan nila ng napakagandang dekorasyon at iba't ibang uri ng bulaklak ang halos buong paligid. Ginawa nilang garden wedding ang theme kaya naman ay mabulaklak
