Kinaumagahan ay maagang nagising si Angela. Madilim pa sa paligid at hindi pa gising ang lahat ng bumaba siya mula sa kwarto nila ni Luis. Nadatnan niya ang isa nilang kasambahay sa kusina.
"Magandang umaga manang. Bakit naman ang aga ninyong gmising?" tanong niya dito.
"Kailangan kasing magligpit sa mga nagamit kahapon Ma'am Angela. Kayo po? Ba't ang aga ninyong gumising?" balik-tanong ni manang.
"Naku manang! Huwag mo na akong tawaging ma'am, Angela nalang. Uuwi sana ako sa bahay saglit kukuha ng gamit. Wala pa kasi akong gamit na nadadala dito eh."
"Ganun po ba? Teka po at gisingin ko na lang si mang oscar para ihatid kayo sa inyo."
"Huwag na po. Kung alam ninyo kung nasaan ang susi ng sasakyan ay 'yun na lang ang ibigay ninyo." utos niya. Agad naman na kinuha ni manang ang susi ng
