NAGPASYA NA SI John na maghanda. Alam din niya anumang oras ay darating na ang kanilang magulang.
Habang nasa pictorial ay humanap talaga si John ng tyempo para makausap si Christine tungkol sa pinadala nitong regalo. Pero hindi pa nagsisimula ang wedding ceremony ay mukhang nakainom na ito. Naging emotional rin ito noong makitang naglakad sa aisle si Kathleen. Dinaig pa nito ang parents ng Bride. Hindi na nga rin ito maawat nila Madz at Danica nang bigla na itong tumayo sa gitna ng reception area at binati ng pagkalakas-lakas ang bagong kasal. Pagkaraan ay nakita siya nito, “Johnny Boy!” malakas nitong tawag. Nagawa pa nitong lumapit, “Sayaw tayo, Johnny boy!”
Halos gusto na ni John na malusaw sa kahihiyan nang makita niyang nakatingin na ang ilang bisita nila James at Kath. Hindi niy
