PARA NAMANG BIGLANG nabuhayan si Christine nang marinig niya ang pangalan ng binata. Kaya naman halos talunin na niya ang daan papalapit sa naturang package.
"Hindi na kita kinatok kanina. Ako na lang ang nag-receive. Binigyan ko rin pala ng tip ‘yung Delivery Man kaya may utang ka sa akin!” sabi naman ni Danica.
Halos umabot hanggang tenga ang ngiti ni Christine nang mabasa niya ang pangalan ni Ike sa mismong sender. Doon na lang niya napansin na malayung-malayo ang itsura nito sa mystery box na natanggap noon ni Samuel. Kulay pula ang box na nasa harapan niya, at may napakagandang design ng ribbon. Kahit sinong babae ay magagawang kiligin kapag nakatanggap ng ganitong package na may nakapa-eleganteng design.
“Isaac Vela,” Halos hindi na rin niya maitago ang pagkakangiti sa kanyang mg
