شرفي عندك

دمت لي حباً لا يزول وفرحاً لا يغيب دمت لي املاً لا يخيب وسنداً لا يشيب دمت لي حياة وسنين ابي الغالي السلام عليكم اسمي آيسن مواليد ١٩٩٦ اني من عائله تتكون اب وام واربعة اخوه واحنه اثنين بنات ابويه رجال چبير فقير ما عنده بس التقاعد ويشتغل بالسوگ حتى يأمن عيشتنه ابويه مزوج على كبر من مزوج امي وأمي صغيره لهذا الفرق بيهم كلش چبير يعني ابويه بكد عمر امي مره ونص ولهذا امي دائمآ تتذمر من العيشه لكون على كد حالنه وتشكي وتحجي على أبويه وتگله شوف النسوان شتلبس وشلون متروسات ذهب وأني الفگر موتني وهن كل وحده جگمه واني متحملتك بفگرك لا ونوبه چبير بكد جدي وتگعد تندب حظها واحنه بس نسمعها من چنه صغار ما چنه نفهم بس من كبرنه گمنه نفهم امي شبيها من واحنه صغار نشوف هاي المشاكل بس الي يعجبنه ابويه ساكت شگد تحجي وتصيح وتعيره بفقره وبعمره بس ما يوم شفنه من عنده ردة فعل اكثر الأحيان جان يجاوبها ويكول يا مره جهالج صغار لا تفتحين عينهم على هاي السوالف وعندج بنات عينج عليهن ولدج ذوله مستقبلهم راح يضيع وانتي حايره باللبس والذهب بس هاي المشاكل كلها بالنهار وبالليل يتصالحون شلون ما أعرف وأول ما يصبح الصبح ترجع امي تتعارك ويا ابويه وهو يشيل الخضره يخليها بالعربانه ويطلع على باب الله ويخليها أدردم ورا وهي بيها طبيعه من ينطيها مصرف للبيت تضمه وكل ساع تخلينه نروح على واحد من الجوارين نطلب منهم يا طماطه لو خيار لو بتيته يعني خ** الحجي بين ما يجي الغده احنه مطلعي كله من الجوارين من يجي ابويه ويشوف الأكل قليل يحجي عليها بس هي تكله هو هذا المصرف الي أنطيتنيا يدوب يكفي الغده وبابا يسكت بمرور الوقت كبرنه وصرنه بالمدارس واحنه نريد مصرف بس الحال ما يسمح وعدنه اخويه الچبير شراني يشتري المشاكل بفلوس لهذا ابويه جان دائمآ يخاف من مشاكله ويكول -هذا من يكبر راح تكون مشاكلنه كلها من ورا وامي دائمآ بكل مشكله هي تغطيله وهي سكت ابويه بحجة شاب بعده ومن يكبر يعقل بس توقعات ابويه چانت بمكانها بعدين المصايب كلها أجتي من راس اخويه الچبير سجاد استمر وضع ضعف الحال الى سنة ٢٠٠٣ وصار السقوط واحنه بقينه بيتنه ما طلعنه لان الطلعه تريد فلوس واحنه على كد حالنه من خلصت الحرب وصار الفرهود ابويه جان ما يقبل اي شي يدخل للبيت بس اخويه سجاد ما يسمع كلام ابويه لهذا اخذ اخواني ويا علي ورشيد بس أخويه الصغير مصطفى ما قبل يروح وبيومها سجاد لزم مصطفى موته كتل خطيه حتى نفشخ براسه وهم راحوا طلعوا رايحين يم مصرف ومن داخلين ماخذين فلوس وطالعين اكو عصابات واكفه بالباب ياهو اليطلع ياخذون منه الفلوس ويقتلوا وصارت حرب عصابات يم هذا المصرف وصار الي ما جان بالحسبان ولا يخطر على بالنه أبويه أجى يدك على راسه ويكول -ولج دموع ولدج وين صارت حرب شوارع وهمه ماكو وهي جاوبه - يمعود طلعوا يشوفون رزقهم شو شغل وماكو عد همه يجيبون عيشه النه بيومها ابويه تخبل على امي ويكول - ولج انتي هم محسوبه ام لما اخاف الله الإ من زمان مطلكچ شلون تشجعين أبنچ على الحرام وتكولين رزق بس أمي هذا الحچي ما يمشي عدها وظلت تعوج بحلكها لليل واخواني ماكو وابويه يلوب ما يعرف وين يروح يسأل عليهم واحنه نمنه وابويه الليل كله كاعد كلما افز اشوف ابويه يدخن وصافن وثاني يوم الصبح اجى الخبر الي هز أركان البيت علي ورشيد مقتولين وسجاد بالمستشفى وامي ملخت شعرها ودك وتلطم على وجهه وتكول - ربي اخذت ولدي واني كتبت عليه اعيش ويا شايب وشبابي ضاع وهسه لحگتني على ولدي ليش انطيتهم ألي حتى يكبرون گدام عيني وهسه منيت عليه بيهم واخذتهم بوكتها چان عمري ٩سنوات يعني أفهم بس الناس أخذونه يمهم وبيومها جابوا جنازتين للبيت مال علي ورشيد ويا سبحان الله حتى الموت بي شماته جيرانه الي احنه يمهم تكول لزوجها - يمعود اطلع روح يم ابو سجاد خطيه ي**ر الخاطر ولده أثنين راحوا لرحمة الله وهو يجاوبها - يمعوده أروح أعزي بحراميه الله لا يرحمهم وهي تگله - أذكر الله حجي هسه همه راحوا شنو لزمة الحچي بعد وما يضحك غير بس كلمة حجي هو ما خلصوا منه لا الأموات ولا الأحياء ويصحوله حجي ما رجعنه للبيت الأ بعد ما راحوا دفنوا ورجعوا امي جانت منهاره وابويه جان مثل المخبل يفتر بالبيت وكل ساع يكول - هسه يرجعون علي ورشيد ما يعوفون أبوهم وحتى بالليل يظل كاعد بالحديقه ينتظرهم بس ماكو ميت رجع حتى صير معجزه ويرجعون اخواني ع** أمي الي جانت أقوى من أبويه ما مرالأسبوع حتى تمالكت أعصابها وكامت تروح لسجاد للمستشفى لأن كله بقوا ولد عمامي يمه لان ابويه وضعه ما يسمح مر اسبوعين وطلعوا سجاد من المستشفى وأيده م**وره ورجله هم لهذا جان يحتاج واحد يكومه ويمشي واخويه مصطفى ما يقبل يساعده لهذا جنت اني اساعده بس اني من جنت أكومه اريد أوصله للحمام احس أيده يمشيها على ص*ري لو على العضو التناسلي گمت اخاف منه حتى اخاف من يصيح عليه لا يرجع يتحسس بجسمي ومن يصيح عليه اروح بغرفة امي وما أطلع ألا يظل يصيح وتجي أمي وتگلي - ولج انتي طرشه ما تسمعين روحي لخوچ ساعتها بعد ما عندي عذر أروحله واني صاغره ما عندي حل وهاي الحاله تكررت مال التحرش الى بيوم كلي شسوي وياج ما تكولين ابد اذا حچيتي اذ*حج لهذا جنت اخاف منه ومو بس هو اخاف من اي واحد ولد صار بيه هوس حتى من أبويه صرت اخاف وصار يا هو اليجي ينطي وصف لحالتي شكل واحد يگول هاي متلبسها شيطان واحد يگول هاي تخبلت من ورا ما ماتوا أخوتها بس بقت علتي بكلبي وما حجيت لأي أنسان ومر على وفاة اخواني حدود السنه والنص بيها اني جنت بالخامس أبتدائي بيوم اني بالليل حسيت واحد يتلمس بيه ويريد ينزعني بس آذن الفجر وابويه گعد حتى يتوضى وهو گام وعافني اني گمت اركض لغرفة أمي ورحت اريد أنام يمها بس هي من شاف*ني صاحت بيه بصوت عالي گالت - وين امشي روحي نامي وتذكري بمكانچ ظليت واگفه وأجى أبويه صاح بيها گاللها - يا مره شوفي بنتچ شبيها نيميها يمچ حسسيها انتي أمها بس هي أصرت الأ أروح انام بمكاني اني گمت أبچي گتله- بابا سجاد هيچي يسوي بيه وحچيتله شيسوي بيه سجاد ابويه تخبل وأمي بسرعه رفعت راسها من المخده وتگول - عزه بعينج مو بنيه هجامة بيوت بعدج بگد نعال وتهمين أخوج لو كبرتي دخلين صاحبچ للبيت يصخمچ وتگولين هذا أخويه بس أبويه ما سمع من أمي وراح يركض على سجاد بس سجاد كأنه جان يعرف لأن گاعد ومتحضر اول ما شاف أبويه گام وگف ابويه گام يغلط ويسب بأخويه سجاد بس هو ل**نه وصخ ومن شاف الحچي عليه گام يگول - مخبله منو يصدگ بيها چذابه وامي أخذت جانب أخويه كالعاده وگامت ما أدري تحجي عليه ما أدري تحچي على أبويه وتگله لأبويه - شلون صدگ بوحده مخبله وچذب أبنك هذا الچبير باچر عگبه يصير سندك بالحياة بس أبويه ما سمع منهم ويگول - ما معقوله طفله ما تفهم بهاي السوالف لما هذا العار سجاد مسوي بيها هيجي بس الدفاع المدني امي ودفاعها المستمر عن سجاد سكت أبويه وكأنه شيء لم يكن بعدها مرت الأيام أمر من المر عليه من يطلع أبويه أمي تشد ويايه من ض*ب وغلط وأهانه ما عدا سجاد ض*به أليه بس من يشوفني بالمطبخ او بأي مكان وحدي يرجع يتلمس جسمي واني گمت أنهزم منه يعني أكون متواجده بالأماكن الي بيها امي او ابويه أو اخويه مصطفى بس امي بالآونه الأخيره گامت تشتري ملابس ومكياج واحنه الفگر كاتلنه وأنطلبت گامت من تجي الديانه طلعني لو اني او أختي موج لو اخويه مصطفى نگول - ألهم ما موجوده تكررت جيات الناس علينه للبيت بس أبويه ما يدري وبيوم وكت ظهر أجتي الدلاله ام أمير على أمي على مود الفلوس وجان دوامي ظهري اريد أطلع لازمتني امي گالت - لا طلعين ام أمير گاعده بالباب واني من شفتها من السطح أدگ بالباب ما فتحتها هسه تتعب من دگ الباب وتروح اصبري گمت أبچي وأگول - ألها بس اذا أتأخر على المدرسه المعلمه تض*بني ض*بتني على حلگي وهي تگلي - هاي اني ض*بتج قبلها أگعدي وأسكتي بقيت گاعده انتظر ام أمير تروح بس أمي ما حسبت حساب ام أمير فرشت عبايتها بالباب وگعدت هسه تروح وبعد شويه تروح وماكو ظلت بالباب الى ام أجى أبويه يدفع بعربانته وشافها گاعده بالباب وهي هم من شافته گامت وحطت العبايه على راسها وسلمت على أبويه وهم رد السلام وفتح الباب ودخل العربانه مال الخضره وهي تمشي ورا وتگله - ترضاها يا أبو سجاد أطلب ام سجاد فلوس وكل ما أجي يطلعون جهالك يگولون امي مو هنا واني على باب الله وعندي عائله معيشتها أبويه بالبدايه عباله المبلغ قليل طلع الي عنده مال الخضره ويريد ينطي ألها بس من سمع بالمبلغ شكد وجان مبلغ كلش عالي تخبل گال لأم أمير - ليش هلگد المبلغ ليش شماخذه منج وهي گعدت تعدد لأبويه على الي ما خذته أمي منها وابويه يحسب وياها لما خلصت ابويه گاللها - بس هذني ما يسون المبلغ الي تگولين عليه گالتله - عيني ابو سجاد غير أقساط يعني أحمل عليهن جاوبها ابويه - ادري بس مو هيچي أصبري عليه شكم يوم لما أدبرهن راحت الدلاله ام أمير ودخل ابويه أعصاب وهاي اول مره اشوسف ابويه هيچي لازم أمي من شعرها ويجر بيها طلعها من المطبخ ولزمها موتها كتل وهو يگول ألها - مخرفه بدال ما عينچ على بناتچ حايره بروحچ بس أمي ل**نها زفر رغم ما أبويه يض*ب بيها بس هي تغلط على أبويه بعدها دخل سجاد وشاف ابويه يض*ب بأمي خلص أمي من أيده وهي سب بأبويه لما راحت لبست عباتها وطلعت للكراج وهي تصرخ وتصيح على يا ناس ألحگولي هذا العاجز المخبل موتني كتل والناس اتجمعت علينه وكلها صيح حرام عليك شلون هيچي ضاربها ومتخاف من ألله وهي تشكي للنسوان على موتني من الجوع وهسه گام يض*بني واني متحمله لخاطر جهالي والناس تتوسل بيها تدخل للبيت بس هي أصرت تروح لأهلها وعاف*نه وراحت والناس هم راحت لبيوتها ودخلنه للبيت ويا أبويه وهي حمد لله ما مسويه غده گعد أبويه ينظف خضره كملها وغسلها وجاب خبز گعدنه يمه أكلنه وهو صافن حتى نحچي ويا مره يجاوب ومره لا خلصنه وگمنه غسلنه وگعدنه يمه والحمد دراسه ماكو لأن ما رحنه للمدرسه بقى هذا حالنه أيام بس نسمع الأخبار انه اهل أمي يتهددون على أبويه ويگولون بنتنه ما ترجع وابويه يسمع وما يجاوب وهو صار أب وأم ألنه واهل أمي من شافوا ابويه ما مهتم گاموا يوميه يدزون خبر يوم تبچي على جهالها يوم مريضه يوم شربت سم يعني مختصر مفيد يوميه فلم جديد وابويه مطنش الى بيوم أ**د غير حياتي وقدري من بنيه عاديه الى أنسانه منكوبه يوم لو الأنسان يعرف شراح يصير بي چان خله بينه وبين قدره بعد المشرق والمغرب يوم صرت بي أنسانه ملوثه لوثها أخوها بعد ما كمل شهر على طلعت أمي من البيت وما أكذب اذا أگول احنه مرتاحين بعدم وجودها چنت أروح. للمدرسه وارجع واني شاطره بمدرستي والمعلمات يحبوني واني مومن نوع الجريئه يعني من نوع الي أخاف وحتى چنت انطي أكلي للبنات الوكحات حتى لا يض*بوني بيوم رجعت للبيت وطلعونه من وكت رجعت للبيت دخلت ماكو احد بالبيت دا أبدل بملابسي بغرفة بابا دخل سجاد اول ما شفته خفت وهو يباوع عليه ويگول - شنو ماكو أحد بالبيت جاوبته والخوف مسيطر عليه - ما أدري وهو يتقدم عليه اني اريد أجر البطانيه مال بابا بس ما لحگت هو جرني قوي ونيمني بالگاع وصار فوگايه ونزعني الداخلي گمت أعيط بس هو سد حلگي بيده واني أرافس جواه بس هو ما هتم لأن في وقت الحادثه اني عمري ١١ سنه وسجاد عمره ٢٣ لهذا هو چان أقوى مني من سد حلگي حسيت بوجع بطني مو طبيعي اريد أعيط بس ايده الي على حلگي تمنعني من العياط استمر الوجع دقايق بس انفتح الباب ودخل أخويه الصغير مصطفى بذاك الوقت جان عمره ١٧سنه وهو من شاف سجاد شمسوي بيه گام يعيط عليه ويگله - ولك گو.... لك هاي أختك يا ما عندك دين ولا غيره سجاد عافني واني غرگانه بدمي وابچي أجى عليه مصطفى غطاني بملابس أبويه الي نزعهن الصبح وهو رجع يغلط على سجاد طلعوا أثنينهم من الغرفه واني على نفس النومه اني بين النايمه وبين الصاحيه اسمع صوت أمي قريب عليه ويمها مصطفى وهي تض*ب بيه وتگول - ولچ صخمتي وجهنه وجبتيلنه العار الله ياخذج فضحتينه بس مصطفى ما سكتلها گاللها - بس اريد أعرف أنتي هم يسموچ أم من عفتي البيت وطلعتي ما گلتي عندي بنات اخاف عليهن لو حايره بروحچ راجعه تراهقين وتصورين نفسچ صغيره هاي بنتچ راحت وضاعت وانتي متدرين بيها بدال ما گاعده تلومين بيها خلي ناخذها للمستشفى بعدها دخلت مرة خالي گامت تلطم على وجهه وتگول ولج هاي ماخذها لا خلي نوديها واجتي مرة خالي لبستني وامي كل ساع ضاربتني على نفضحنه طلعنه وخالي من جايب مرته جاي بالسياره ركبنه ويا ورحنه على مستشفى من وصلنه نزلوني وأخذتني مرة خالي وامي على الطوارئ ومرة خالي صاحت على دكتوره وشرحتلها الوضع والدكتوره من شاف*ني گالت متعجبه - شنو تريدون أفحص هاي الطفله انتوا مخابيل ماكو بنيه بهيچي عمر تنفحص بس مرة خالي ظلت تتوسل بيها والدكتوره قبلت تفحص گالت الدكتوره - نيميها على السديه حتى أفحصها أخذتني مرة خالي نيمتني على السديه وتريد تنزعني واني تخبلت أذكرت اخويه سجاد من نزعني أريد أگوم بس مرت خالي وأمي لازماتني وگوه مسيطرات عليه فحصتني الدكتوره تخبلت وگالت - هاي شنو متعرضه للأغتصاب ولازم أكتب بيها تقرير هسه قبل ما أدخلها للعمليات لأن محتاجه عمليه جراحيه حالآ وانصحچ اذا تعرفين منو سوه بيها هيچي بلغي عليه حتى يصير عندچ دليل برئتها حتى من تزوج يكون عندج دليل برائتها تقدمي أله وهسه أخلي الممرضات يجهزنها حتى ادخلها غرفة عمليات حالآ وهسه وبعد العمليه الشرطه تجي تحقق بالموضوع راحت الدكتوره وأمي ومرة خالي يتناقشن وامي تگول لمرة خالي - شلون ورا العمليه راح يحققون بالموضوع وراح يعرفون سجاد ورا المصيبه وينسجن شراح نسوي جاوبها مرة خالي - يمعوده بس خلي يسولها العمليه ومن تطلع من العمليه ناخذها ونطلع وماكو واحد راح يعرف أخوها أغتصبها وبالفعل أجتي ممرضه تريد تنزعني ملابسي حتى تلبسني ملابس العمليه لو گلبت الدنيا عليها عياط وبچي والممرضه تصيح عليه وتگول - ولطمه شنو هاي العرامه لا ويگولون عليها صغيره ولوهي الي شافته تبقى صغيره ولچ أوگفي واني أدفع بيدها وأعيط وابچي أجتي الدكتوره إلي فحصتني وبقت تحچي ويايه وشويه هدئت من أعصابي وصاحت على الممرضه ونزعتني ملابسي ولبستني مثل الروب ازرق ولمت شعري ودخلتني على غرفه كلها أدوات طبيه وبارده ثلج وگمت أرجف ماأدري من برودة غرفة العمليات ما أدري من الخوف صعدتني الممرضه على السديه وأجى واحد يمي اني شفته عطت وهو هم فز أجتي الدكتوره گالتله - أعذرها ترى متعرضه لأغتصاب لهذا تخاف وهو يگول - والله ما سويتلها شي والدكتوره تگلي لا تخافين حبيبتي اني يمچ ورجعت نيمتني على السديه وسولف ويايه وتگلي منو سوه بيچ هيچي جاوبتها - أخويه سجاد گالت - من تسألچ الشرطه گولي ألهم على أخوچ حتى بعد لا يسوي بعد بيچ هيچي وهذا الي شفته وخفت منه هو والدكتوره خلوا على خشمي استنشاق مال هواء بعدها ما حسيت بشي بس گعدت على راشديات على خدودي ويصيحون بأسمي بين النايمه والگاعده گمت اسمع صوت أمي ومرة خالي وأصوات تگول الحمد لله على سلامتها وشويه شويه گمت احس نفسي على كرسي متحرك ويمشون بيه من وعيت على نفسي گمت احس بوجع واني بسياره صرت ابچي واعيط من الوجع وامي تغلط عليه ومرة خالي گوه سكت بيها وتگول لامي خلي ناخذها يمنه للبيت شكم يوم حتى لا ابوها يشوفها وامي تگول - اي وشراح نگول لأبوها ليش اخذناها ومرة خالي جاوبها - يمعوده نگول أله البنيه تخربطت بالمدرسه وراح ناخذها يمنه أصير زينه ونرجعها بعده الوجع يگطع بيه وامي تعد وتصف على أبويه ليش سبه ما أعرف المهم وصلنه لبيت خالي واني أعيط واستريح من الوجع من دخلنه للبيت شفنه بيبي گالت لأمي - يمعوده دموع اجى ابو سجاد يدور على رزان جاوبتها امي - اي وشگلتي اله گالت بيبي - ما گتله شي بس گلت بنتك بالمستشفى امي من سمعت بيبي شمجاوبه ابويه تخبلت گالت امي -بس اريد اعرف ليش گتيله هسه نتعزه ونصخم بعدها امي ما مكمله كلامها واني أعيط وابچي سمعنه صوت أبويه بالگراج وهو يگول - والله اذا ما جبتوا بنتي هسه والا أشتكي عليكم انتوا خاطفيها وطلع خالي يسب بأبويه وصارت المشاده بينهم بس من سمع صوتي واني أبچي واعيط دخل واني من شفته رحت أركض عليه وهو يباوع عليه ويگول - شبيچ بنتي جرتني امي من يمه وهي تگله - كل شي ما بيها بس چفينه شرك بس بابا جرني منها وهو يگلي - شبيچ بنتي وليش أخذوچ للمستشفى من سألني شبيچ وجع الدنيا كله صار بيه حبيت أشكيله على ألي صار بيه گتله - بابا بطني توجعني لا ن سجاد سوه بيه وحچيتله شسوه وهو تخبل سحبني من أيدي وأخذني ويا وامي تغلط وصيح شافني أبچي وگف سياره وصعدنه ويا ابو ت**ي ورحنه للمستشفى وابويه كل ساع يسألني شنو الي يوجعچ واني أجاوبه أگله بطني الى ما وصلني لنفس المستشفى الي چنه بيها دخلنه وابويه يمشي بيه الى ما وصلني باب الدخلي للمستشفى بس ما قبلوا يدخلوا لان مستشفى نسائيه وحچى ويا ممرضه چانت تريد تدخل المستشفى وفهمه الوضع وهي گالت هاي الا دكتوره نسائيه تفحصها وانت رحمه لأهلك نريد وياها مره ما يصير تدخل وانت رجال أخذتني وياها ودخلتني للطوارئ واني ارجف خايفه والنسوان الي عدهن ولاده يتصارخن دخلتني اجتي دكتوره وگالت بعصبيه - هاي شجابها هنا ردت الممرضه عليها گالت - هاي البنيه اليوم جابوها متعرضه للأغتصاب وسوتلها عمليه دكتوره تغريد بس شو هسه رجعوها علينه بطنها توجعها گالت الدكتوره - ادري شنو رجعوها علينه غير سوينه العمليه بعد شكو گالتلها - والله ما اعرف بس البنيه بطنها توجعها حچت الدكتوره بنتر اخذيها نيميها على سرير وخليلها مغذي حتى نخليلها أبره مهدئ وبالفعل نيموني على سرير خلت المغذي واجتي الدكتوره جابت ابره وخلتها بالمغذي وبعدها بوقت هدئت بطني بس خلص المغذي حولوني على الردهه بعدها أجتي مرة خالي دك على وجهها وتكول ولج تعزينه وصخمنه ولج ابوج أشتكى على سجاد من يجون يسألوچ كولي مو سجاد فهمتي وبعدها تحجي دخل ضابط ويا أثنين شرطه حتى ياخذون أقوالي ومرة خالي واكفه تقرب عليه وسألني كال - منو أعتدى عليج مرة خالي تخزر بيه اني خفت منها وكتله ما اعرف كال يعني مو سجاد الي سوه بيچ هيچي احجي ترى ابوچ اشتكى على اخوج سجاد وگال هو اعتدى عليج احجي بنتي لا تخافين كتله - اي سجاد هو الي سوه بيه هيجي رجع گال الضابط - يعني اخوج هو الي اغتصبج كتله - اي هو اغتصبني تحياتي لكل متابعيني اختكم الزهيرية الزهيرية تصويتكم يسعدني