البارت الثاني عشر

3491 Words

يالله حيل ما ظل بيه جرح يلچم جرح ونگول مگظيه أبد ما ظل وجع ما جاس عافيتي آيسن/ كل نفس بما **بت رهينه بكتاب الله بس بقانون البشر يحملوك حتى أخطاء غيرك الي يرتكبها غيرك بحقك وساعتها الحق يضيع ما تعرف من الحق ومنو الباطل والدنيا والناس البيها ما ترحم احد بس الها الظاهر وتحكم على الهامش ودائماً أشوف اكو ناس من تنجح وتحقق ذاتك ماكو واحد يفرحلك بس من تخطئ او حتى اذا كان الخطأ انت مو سببه يجون ينصبون نفسهم قضاة ويحكمون عليك وأبسط مثال وائل أبن عمو كريم يعني من أمه رادت تطلعنه من يمها ما اعترض من سكنه بيت بالحواسم وإيجار وحتى أبويه مريض وما عدنه بس يزن ساعدنه وابد ما عافنه ما چان يعرفنه وحتى من أنجح بتفوق ما يعرفنه بس من طلعت مو بنيه والذنب مو ذنبي ذنب واحد نهش بكارتي تحت مسمى الأخ أجى وائل وصرت عار عليهم وصخمت وجوهم ويريدون يذ*حوني لا ويگلك نحلفها بالعباس أنهُ الصار غصبن عني والعباس بريء منهم من اتفقوا آنه أروح أحلف بالعباس وهما طلعوا هادرين دمي تحت مسمى العشيره وبحكم قانون وأعراف العشاير انه اذا مو باكر ين*در دمها وألي يذ*حها لو أخوها لو أبن عمها لهذا الشيخ من زوجته جابت تقرير من الدكتوره أنه اني مو بنيه بأمر من الشيخ ن*در دمي واني ما أدري وچان همهم يضمون السالفه على يزن خاف يساعدني وأبويه هم ميعرف وآني الغ*يه اخذت الموضوع بحسن نيه وصدگت اني رايحه على حلفان وأكبر غلط من الآنسان يفكر بحسن نيه لان دنياتنه ما بيها حسن نيه وحتى يزن من گالوا گدامه تحلف بالعباس حچى بشك گال يزن / هو الحلفان وين ما چان يحلف الا يروح يم الي يحلف بي يله يحلف شنو هذا الفلم لأن ما دى اصدگه بس اكو من يقنع لإن عمو كريم گال / هو الي يريد يحلف يرحون يحلفون بالعباس والسياره علينه أنت شعليك وسكت يزن وحتى موعد الحلفان من نروح مجهول ما نعرفه بحيث گالوا الأربعاء نروح وماكو وأحد اجى وبالليل گالوا باچر خميس ونروح لآن موعد الزيارات كله الخميس لهذا گعدت من الصبح وسبحت لان لازم أكون طاهره حتى علمود الحلفان وهم من ادخل للحضره حتى اصلي هناك وأدعي لأبويه الله يشفي وينطي صحه ويرجع يمشي وبقوته وأبويه أجى أبو الخضره ذبله شليف الخضره وراح واني من صرت بالاعدادية گمت ما أروح أودي الشليف للسوگ مثل قبل گام يجي ولد صغير أبو عربانه هو يودي الشليف مال الخضره للسوگ وأبويه يروح ويا لهذا طلع لسوگ وسجاد وموج ودموع نايمين بالغرفه لإن من دخلت اخذ دنبوس من موج سجاد رفع راسه وگلي / طفي الضوه واطلعي ولا تظلين كل شويه داخله هنا لا تحوسين يمنه اريد انام واني أصلاً سجاد أكرهه وأكره احچي ويا لهذا ما جاوبته وأخاف منه لهذا آخذت علبة دنابيس مال موج وطلعت أركض حتى دست على رجل دموع وهي رفعت الغطا وشاف*ني وظلت تفشر وتغلط حتى العشيره وأبوي ما خلصوا منها بس اني طلعت وسديت الباب عليهم وبدلت واكفه على المرايه أعدل بحجابي سمعت الباب نفتح مال بيت الباب الخارجي عرفت هاي واحد من الراح يروحون وياي للعباس سلام الله عليه وظني ما خطأ شفت بالمرايه وائل وياسين وهمه يتقربون عليه ومطيرين عيونهم مثل المطيرچيه وعينهم على المطبخ والغرفه الي نايمه بيه دموع وسجاد وموج وصار قريب عليه وائل وما حسيت غير طعنه بكتفي عطت عيطه والله وصلت لرب العرش تشكي الظلم إلي اني بي وائل خله ايده على حلگي وسحبني عليه ويجر بيه للصاله وانتبهت على ياسين واگف يم باب الغرفه الي بيها سجاد ودموع وموج وفتح الباب وما عرف شويه ورجع سده بسرعه الظاهر اخذ المفتاح ورجع قفله عليهم من بره لان صرت أسمع صوت سجاد وهو يگله/ أفتح الباب ياسين گوا .... شبيها آيسن ليش عاطت بس سبحان الله ياسين الي چنت اشوفه طيب الگلب وگلبه طيب صرت أشوف بعيونه انتقام اله اول ما اله آخر وحتى تحس أكو نار بگلبه وهاي النار يريد يحرگني بيها قبل ما يحترگ هو بيها أتقرب عليه وسحب الشال من راسي ودخل شخص ثالث وهو يعرب وبيده مكينه مال حلاقه وجع چتفي على ثلاثة رجال او يسمون رجال لأن ذرة رجوله ما عدهم وهمه ثلاثة ملتمين على بنيه لا حول ولا قوة بالله وهمه يعاقبوها على ذنب مو ذنبها وأستلم القياده ياسين واخذ المكينه من يعرب وهي على الشحن وأسمع يعرب يگول / من يم الغريب ناطيته لشرفچ سبيل ويا ابن عمها رفعت لباسها والمكينه بيد ياسين وگبل ما يبدي يزين شعري گال ياسين / وائل طلع موبايلك وصور حتى بقية بنات العشيره كلهن يشوفنه ويكون تنبيه الهن لا يسون مثلها وحتى ذ*حها يكون تصوير وائل طلع موبايله وبده يصور وبعد ياسين ايده عن حلگي لان من وائل ابتعد عني حتى ياسين يزيني خله ايده على حلگي لهذا من بعدها واني عطت ياسين ض*بني على حلگي حتى سنوني الاماميه الفوگ ن**رن وطفرن من حلگي وهو يگلي / صوتچ اذا أسمعه افرك حلگچ فهمتي ورجع بعد القراصه من شعري وبده يزين بي ويذب خصل خصل بصفي واني ما اعرف آلم چتفي ألي ما ينحمل ما أدري آلم سنوني بس والله مو مثل آلم روحي والي چان راعبني أكثر يعرب گدامي وهو بيده السچينه ألي انطعنت بيها وحتى دمي بيها هذا كله وصوت الفشار مال سجاد عليهم يوصل لآذني وهو يض*ب الباب بكل قوته حتى يفتحون الباب وگدر سجاد ي**ر الباب ودخل للصاله وشافهم لو تخبل اول ض*به من سجاد چانت لوائل حتى من قوة ض*بة سجاد وگع الموبايل من ايد وائل بس هجم يعرب على سجاد بطبله زجاج عدنه خاليها من يجي الخطار نقدم الهم الضيافه الهم وبعد سمعت صريخ دموع وموج وآخر طعنه الي چانت من ياسين حسيتها إخترقت القفص الص*ري من الجهة اليمنى وآخر شي شفته سجاد بالگاع مدد ودموع وموج يعيطن بعدها حسيت غشاوه على عيوني مثل الشي الأبيض ونزل عليها وروحي تنازع وبعدها ما حسيت بشي ما اعرف يمكن ألي يصير ويانه يكون جهل من عدنه ويمكن الجهل بشي يكون أفضل من العلم بي لهذا ما اعرف ليش صار كل هذا ويايه ويجي يوم ويصير العدو صديق والصديق يصير عدو وأكو مقوله عجبتني قريتها وحتى حفظتها وسبحان الله عبالك هاي المقوله آلي وعلى حياتي بالتحديد تگول هاي المقوله ( أحذر عدوك مره وأحذر صديقك ألف مره خوفًا أن ينقلب الصديق عدواً فهو اعلم بالمضره ) وهذا كله أطبق على حياتي حرفيًا من غبت عن عالم الوعي وانتقلت الى اللا وعي ما اعرف شگد بقيت لإن من صحيت اكو وحده يمي وهي مو غريبه عليه من فتحت عيني شفتها چانت موج گالت/ حمدلله على سلامتچ هسه خلي اصيح الدكتور واجي واجي وغابت ما اعرف شگد ورجعت وياها دكتور إجى الدكتور خله مثل الضوه بعيني وهو يگلي / دى شوفيني اذا متگدرين حركي اصابع ايدچ واني حركت أصابع أيدي گال الدكتور / يعني صاحيه وعقلها الواعي يميز لان حركت أصابعها مو مثل البارحه چانت تفتح عيونها بس مو بوعيها أريد احچي ما اگدر احس حلگي واحد مخلي ايده عليه وبديت أستوعب شصار ويايه واحس جسمي م**ر وايدي اليمنى أريد أرفعها ما أگدر وحتى جهاز التنفس على خشمي وحلگي ورجعت نمت احس نفسي م**ره ومن فتحت عيوني مره ثانيه لگيت يمي يزن وأبويه واثنينهم باسوا راسي من شافوني گعدت رجعت الذكرى الاليمة بدماغي ورفعت أيدي اليسرى وخليتها على حلگي أحسه مورم رجعت خليت أيدي على راسي وأكو اماكن أحسها تنغزني الشعر ألي بده يطلع وأكو أماكن بيها شعر طويل لإن مو كل الشعر لحگوا يزينوا نزلت دموعي وصعبت عليه نفسي ما چنت مصوره الناس بلغ بيها الشر لهاي المواصيل يعني الي صار بيه جريمه بحق الانسانية وخطيتي برگابهم انتبه عليه يزن وباس راسي وهو يواسي بيه گلي / لا تضوجين هسه يرجع شعرچ والله احلى من قبل وعمي اسنونچ عليه اني اسويلچ تخم مال سنون بس گومي بالسلامه وأبويه عيونه مورمه عيونه مال واحد يقضي اكثر وقته يبچي تنفست بس احس ص*ري عليه طابوگه وبعدها مر يومين واني حتى ما اگدر اكل بس سوائل وكل السوائل اخذها بالگصبه ولان حلگي ما اگدر افتحه وبعد يومين اجتي عليه الشرطه تسألني على الحادث وشنو السبب بس اني أبد ما فتحت حلگي وحچيت على شنو الي صار وهذا التحقيق صار وياهم يزن لإن جماعته موجودين الي يحققون ويايه ومن ما حچيت وياهم ولا جاوبتهم گال يزن / عدها إنهيار عصبي اي كلمه ما جاوب اني اگدر أجاوب على أسئلتكم وبدوا يسالون ويزن يجاوب وبعدين طلعوا بس تعجبت من يزن ذكر أسماء اخوانه وابن عمي وائل وآلي فهمته انه ذوله ثلاثتهم مسجونين قيد التحقيق وبقى سؤالين محيراتني السؤال الأول منو جابني للمستشفى والسؤال الثاني سجاد من ض*به يعرب شنو مات لو لا والي عرفته أنه من نض*ب سجاد دموع وموج گالبات الدنيا بالعياط وحتى موج طالعه للشارع تعيط وأكثر الناس ولكون من الصبح الحادثه أكثر الناس متوجهه لدوامهم وموج شايفه سياره ورايحه تركض واكفه گدام السياره وابو السياره واگف ونازل من سيارته وهي شافته نزل باقيه تتوسل بي على ولد عمي ذ*حوا أختي وأخويه وهو ولد ما مقصر بسرعه رايح على السيطره وجايبهم ويا بسرعه والارتباك ألي صاير عند وائل وياسين ويعرب هو خطأ يعرب من ض*ب سجاد وهمه أصلاً ما متوقعين دفاع سجاد عني او حتى تدخله لهذا ارتبكوا وبقوا محتارين بسجاد وعياط دموع وموج ثولهم لهذا دورية الجيش من اجتي أخذتهم متلبسين واحنه اني وسجاد نادوا الجيش على إسعاف عسكري اجتي نقلتنه للمستشفى اما سجاد محولي للجملة العصبية لأن الض*به صايره على راسه مسويه عند فطر بالجمجمة وتجمعات دموية بالنخاع يعني سجاد حالته أخطر من حالتي ودموع ما قا**ه يتعالج بالمستشفيات الحكوميه ناقلته لمستشفى العالمي وحاكمه على يزن وعمو كريم همه يدفعون تكاليف كلها لما سجاد يشفى والا هي راح ما تتنازل عنهم أبد وهمه مسويله لسجاد عمليه بس بعده غايب عن الوعي وبالمستشفى ودموع حالبتهم حلب فلوس واجيب أحسن الأدوية ويگولون عمه هناء وعمو كريم وام يزن يدگون ويلطمون لان يدفعون بكل مكان ما ادري على سجاد لو على الشرطه حتى لا يحولوهم لت***ب لو لمصاريف المحامي لو الهم مصرف لكون همه مسجونيين وأكثر الي مدمره نفسيتهم هي عمه هناء لان عمه هناء من النوع البخيله يعني الربع ما يطلع من يمها الا تاخذله سونار واشوفه صح ربع لو متنكر ويگولون كل ما أطلع فلوس وتنطيهن على مود سجاد أو القضية تگابل الفلوس قبل ما تنطيهن وتنعي وتبچي وتگول / يامن تعب يامن شگى ويامن على الحاضر لگه واني استخسر أروح اشلع سني يم دكتور اخصائي انطيهن لأبن دموع يدفعون اله حساب المستشفى أهلي وظل تبچي وتلطم اما اني حتى بهاي اكو تفرقه سجاد دخلوا مستشفى أهلي واني عبالك يريدوني أموت دخلوني مستشفى حكومي بس إرادة الله فوگ كل شي رغم تعرضت لأذه الله يعلم بي بس الله نجاني وطلعني من هاي الطعنات مال كتفي الطعنه سوت عندي سوفان بالكتف إما الطعنه الثانيه الي صارت واخترقت القفص الص*ري وداخله السچينه مخترقه الرئه اليمنى وتأذيه لهذا الدكتور گال / الض*به مال الكتف أحسن من ض*بة الرئه لان هذا المكان راح يظل فتره يجمع الخراج ولازم تنظيف الرئه كل خمسة أيام حتى لا يصير عندي مرض خبيث وبالاضافة الى آبر الالتهابات والحبوب الالتهابات باليوم 6 مرات حتى يساعد شفاء الرئه بأسرع وقت بعد مرور خمسة أيام من صحيت وشويه أحس نفسي أفضل بس نفسيتي تعبانه وزفت وهذا كله وبالرغم من آلي صار بيه ما عايفيني المحامي مال وائل وياسين ويعرب مقدم التصوير مال بيوم الحادثه وأنه موضوع شرف وانه ما متقصدين يقتلوها لسبب غير الشرف وكل جرائم الشرف حتى اذا انذ*حت البنيه الي ذ*حها يطلع سبع واخو خيته لكون غسل عاره بالدم وعشيرته تفتخر بي والقانون يحكمه بس سنه وحده ويكون عليه بس الحق العام يعني الي مثل حالتي تروح ضحية وتندفن والعالم تحچي عليها لان جابت العار لأهلها والظالم حر طليق ما عليه شي والسبب لان احنه مجتمع ذكوري يمجد الولد ويهين البنيه في حين الإسلام أجى كرم المرأه ليش الذكر والرجال يهينوها اجتي دكتوره وموج يمي بس الدكتوره گالت/ اليوم راح تتحولين للفحص يم الدكتوره النسائية كشف بكاره لان الي حاولوا يقتلوچ مدعين أنهم اقربائچ وهمه كانوا يحاولون يغسلون عارهم بقتلچ لهذا أجى امر تتحولين للفحص النسائي هنا صدگ تخبلت يعني گظيتها كله يوميه فاحصيني من عمري 11 سنه من اغتصبني سجاد الى هاي اللحظه واني يوميه فحص والله حتى تعبت نفسيتي اني هاي الأيام كلها ساكته بس من عرفت راح أتحول للفحص گمت أعيط وانهاريت بحيث الا ابره مال مهدئ يله نمت وخلصوا من صراخي وبعدها الدكتور كتبلي حبوب مهدئ الا اخذتهن يله حولوني على الفحص وأكدوا إنه اني مو باكر وهذا فادهم بقضية وائل وياسين ويعرب أما سجاد دموع لكون مغرگيه بالفلوس سكتت ما اشتكت ولكوني ما متت لهذا آي مسأله قانونيه ما عليهم وطلعوا براءة بعد الحادث مال الاعتداء عليه بشهر اما اني تحسنت وطلعت من المستشفى بعد أسبوعين يعني وائل وياسين ويعرب طلعوا بعدي خروجي بأسبوعين اما سجاد بعد الحادث ب 10 رجع لوعيه ولكون عار ما عليه شي ما بي اي شي ورجعنه على طلابة شرفهم الي ما غسلوا واني بعدني على قيد الحياة ومن طلعت من المستشفى الى ما گاموا يطالبون بغسل عارهم اني أبد ما اباوع بالمرايه أبد والله فوگ الراس چانت تجي مرة يزن خطيه دخلني للحمام تغسل راسي وايدي ورجلي وحريصه على انه ما يوصل مي لمكان الطعنه الي اخترقت القفص الص*ري تخاف عليه لا يلتهب وطلعني من الحمام ويوميه يجيبها يزن وحتى تكون طابخه النه أني وأبويه وجيبلنه وحتى كل خمسة ايام تاخذني للمستشفى ويدخلون مثل الصونده بمكان الطعنه بعد ما يخلون م**ر موضعي ويسحبون الخراج من الرئه وبالرغم من وجود الم**ر بس الوجع ما ينحمل وأصيح للخالق من الوجع وخطيه مرة يزن يمي حتى تلزم ايدي واظل اضغط عليها من الوجع بعد هاي الايام الكئيبه والموجعه اول مره بعد ما طلعتني زوجة يزن من الحمام وگفت گدام المرايه ونصدمت صدمة عمري وجرح عمري بنفس الوقت نجرحت نفسي وروحي بعد ما سحبت المنشفه من شعري وشفت شعري الحلو الي چانت تحسدني عليه دموع اكو اماكن ما بيها شعر وهسه بده يطلع شعروبعده صغير واكو شعر طويل لإن ياسين ما لحگ يزينه وسنوني الاماميه الفوگ م**رات ظليت اعيط وابچي وخطيه اجتي مرة يزن تركض عليه وتگلي وحدي الله حبيبتي ألمهم انتي بخير هذا الباقي كله سهل بس النفس عزيزه وذلوها صعبت عليه نفسي هيچي صار بيه وما الي ذنب بشي طلع سجاد من المستشفى كل شي ما عليه وحتى حصل فلوس هو ودموع واني حظي الاكشر بعدهم يطالبون بذ*حي لان اني عار عليهم وتحدد يوم يجون وياهم الشيخ حتى يتفقون يا يوم يسلموني بي لوائل حتى يذ*حني ويغسلون عارهم وتحدد يوم جمعه وصح الي گال يسلم من عيد ما يجي من بعيد واحنه إذا سلمنه من أقرب الناس النه الغريب سبحان الله ما تجي منه اذيه وبيوم الجمعه من الصبح اجتي عمه هناء وام يزن ومرة يزن والباقيات من الگرايب وجايبين وياهم مسواگ ويطبخن لإن الشيخ راح يجي وكل همهم الشيخ خطيه الشيخ شراح ياكل ولازم يسوون اكل يبيض وجهه عبالك جايين يتفقون على خطوبه مو أزهاق روح بشر وما يعرفون هذا البشر بريء مذنب مو مهم المهم الناس الي راح تجي شتاكل وبالمشاكل الناس تصرف فلوس عادي ما عدهم مشكله بس بعمل الخير ربع ماكو واحد ينطي والي جايات كلهن يشتغلن بهمه ومن كل گلبهن لو عدنه عرس ماكو واحد يطلعنه هيچي فزعه وسوالفهن وضحكهن صوتهن يوصل لمنطقة الخضراء وكل شويه يجي يزن عليهن للمطبخ ويصيح صوتچن واني گاعده على أول درجه من الدرج ومن يفوت يزن ويشوفني يهز براسه بمعنى لا تخافين بس هذا الخوف والقلق راح يصعد هرمون الادريالين عندي واحس بوجع راسي واحس جسمي يرجف من العصبية وأريد أدخل للمطبخ مره اگول لنفسي اطردهن ومره اگول اگلب الجدور على روسهن ومره اگول خلي أموت شمحصله من هاي الدنيا أصلا ً الموت راحه ألي يعني مختصر مفيد ما أدري شنو أريد عايشه بدوامه وشوكت أطلع منها الله أعلم ويا موعد آذان الظهر بدوا يجون أول الداخلين وائل وبعده ياسين ويعرب وذوله الثلاثة نظرات الحقد الي بعيونهم لو چنت عادمتهم بمقراضه ويرجعون للحياة مره ثانيه ما أشوف الحقد هذا الي هسه موجود بعيونهم وتصرفاتهم وبعدين بدوا يجون الباقين وتأخر الشيخ يله أجى وهو أجى آخر واحد الشيخ وبدوا يصبون بالغده وهذا الوقت كله سجاد ما طلع من الغرفه لا هو ولا دموع ألي عبالك خطار عدنه ولا موج بس من إجى الشيخ طلع بس سجاد وگعد بالصالة وياهم وچانت الصاله عباره عن روجه طگ روجه من الزلم الموجوده واكو بيهم حتى گاعدين بالگراج والنسوان والجهال بالممر والمطبخ وبدوا يصبون الاكل وينقلون للصاله واكو بيهم آكلوا بالگراج وبعد الغده وهمه بدوا يشربون چاي نفتح موضوعي وأكثر المطالبات أنه يذ*حوني لان هاي جابت النه العار هنآ ابويه بعد سنين ما سامعه صوته گال ابويه / عفيه ناس تلزمون الجمل لو الجمال شو نعوف الجاني ونلزم المجني عليه گاله الشيخ / ابو سجاد اي كلام عندك نسمعه أنت بنتك تعرف بيها مو بت بيت ليش ما حچيت ألا هسه جاوبه سجاد قبل أبويه/ البنيه مو من هسه من فقدت بكارتها من هي وصغيره من چانت الطائفية لان احنه ساكنين بمنطقة أغلبها مومن طائف*نه واغتصبوها صاح بي يزن/ چذاب انت تريد تذبها براس الطائفيه وهي السالفه كلها صارت على أيدك تخبل سجاد على يزن وهد على يزن يريد يض*به بس صاروا اكثرهم من الگرايب بينهم حتى لا يضاربون وأبويه رجع أكد آنه ألي اغتصبني كان سجاد ومو من هسه من چنت صغيره وسجاد گام يصيح گدام الشيخ ويگول/ اكو واحد يصدگ بمخرف اني ليش حجرت عليه غير مخرف ويريد يذب سالفة آيسن براسي حتى لا تنذ*ح والشيخ ظل ما يعرف المن يصدگ آخر شي گال الشيخ/ بقت بس البت جوبوها نسألها كم سؤال إجى عليه يزن گال / آيسن تعالي ويايه الشيخ يريدچ ولبسي عباية وطارف العباية خلي على وجهچ ولا تباوعين على جهة سجاد أبد وصيري قويه واحچي كل الي صار وياچ هذا شرفچ ولا تنزلين راس ابوچ أبد مفهوم آيسن وسويت مثل ما گال يزن وأكدت راح احچي كل الي صار بالحرف ورحت ويا لصاله گال الشيخ / تعالي بويه شسمچ گتله/ آيسن گال الشيخ/ بويه من تعرضتي لحادثة الا****ب تذكريها وشگد چان عمرچ في وقتها گتله/ أي اذكرها وچنت بالخامس ابتدائي وچنت راجعه من المدرسه والبيت كلهم ما موجودين ومن دخلت ابدل ودخل سجاد اغتصبني وكل الأنظار كلها توجهت لسجاد الي بده يصيح ويگول/ هاي مخبله وعدنه أوراق من مستشفى الأمراض العقلية تثبت انه مخبله وصاح على دموع وجابت التقرير الي عدها ويثبت آنه مخبله وظل الشيخ حاير بيني وبين سجاد في حين يزن وأبويه أكدوا كلامي بس أكثر الناس الها الظاهر مثل الشيخ لإن سجاد عنده أوراق رسمية اني مخبله وأبويه مخرف ومن حچى يزن گدام الشيخ وأكد انه قبل فتره هم مارس ويايه بس بدون سائل منوي والدكتوره اكدت انه اكو ممارسة بس عدم وجود السائل المنوي صعب تعرف من الي مارس سجاد گاله / يزن تحلف على كلام الله انه الا****ب وحادثة الممارسة جديده هسه سمعها منه انه انت شف*ني بعينك والشيخ رجع أيد كلام سجاد انه الي يحچي لازم يكون شايف بعينه وألا كلامه مرفوض وراح يكون مجرد اتهام واكيد هاي الاتهامات ما ينخذ بيها لان تكون اتهامات باطله يعني سجاد بعد يزن واني مخبله وأبويه مخرف فأكيد هو الراح يطلع الصادگ گدام الكل لهذا الشيخ گال/ هذا حظ وبخت ما اگدرانطي كلمه أخيره وهاي روح راح تصعد لخالقها واكيد تشكيني يم ربها ظلمي إلها وعليها تروحون للعباس عليه السلام وهي تحلف على كلامها وهو يحلف على كلامه لهذا اذا سجاد حلف انه ما م***بچ تنذ*حين وينغسل عارچ واذا سجاد ما حلف على صدق كلامه العشيره تهدر دمه وأي واحد من العشيره ينفذ ويهدر دمه وحذر سجاد انه ما يتعرضني بأذيه آو أبويه ما يتقرب عليه وكلها وافقت على كلام الشيخ وتقرر يوم الجمعة نروح للآمام العباس عليه السلام وبالفعل عبرت الايام الي بعد هذا الاتفاق واجى يوم الجمعة بس هل مره ويايه اخذت أبويه ويزن وطلعنه من الصبح بسيارة يزن وتقرر نلتقي بين الامامين واخذت الطريق كله ساكته گد ما تعبانه نفسيتي وين رايحه وشنو دى يصير ما يهمني والطريق كله يزن يريد يلطف الجو واسمع أبويه شلون يگول ليزن يعني تعقلها سجاد يحلف كذب جاوبه يزن ادري شنو يعني واذا حلف قابل هو من الائمه المعصومين شو هو شيخ الارهابيين وعادي هسه يحلف وهو شلون يخاف ربه هسه شوفون أنوب يدخل للآمام يحلف چب انوب صرت بواهس على كلام يزن ومره ابچي ب**ت ومره اقوي نفسي يعني شيدور براسي صعب واحد يفسر لان اني نفسي ما أفهم شي من گد الأفكار المزدحمه براسي وصلنه لكربلاء ودخلنه مطعم وحتى آكل ما أكلت من صار الحادث مال الطعن آكلي قليل وشگد رادوا يزن وأبويه إنه اكل بس رفضت وهمه كملوا آكل ورجعنه كملنه طريقنه وصلنه للآمام وتحديد بين الإمامين هنا صدگ دموعي نزلت وأني انخي الإمامين إنه يطلعني من هاي الشده ودخلنه يم الأمام العباس عليه السلام شفت دموع وعيونها دم وزوجة الشيخ وعمه هناء وموج ومن جهة الزلم يزن واخو الشيخ وابويه و وائل ويعرب وياسين بالبداية اني حچيت الحادثه وحلفت بالإمام بالعباس اني مو كذابه وصليت بالإمام واني ابچي وأدعي من ربي يرحمني وبجهة الزلم حالف سجاد انه ما م***بني وما لامسني وعلى حلفان سجاد طلعنه من الامام واني ابچي وبين الإمامين وأني عيوني مغورگه بالدموع إتصل اخو الشيخ على الشيخ نفسه وبلغوا بحلفاني وحلفان سجاد وحتى زوجته حجت ويا اكدت كلام اخو بحلفاني وطلعنه نهائيًا واني عيني معلگه بالإمام بس من نريد نرجع أبويه ما صعد ويايه بسيارة يزن صعد ويانه وائل گعد ليگدام بالمقعد الامامي يم يزن وآني وراهم بالمقاعد الخلفيه ومن طلعنه چان العصر ونمشي واكو سياره ورانه بيها يعرب وياسين واخو الشيخ وبعد ماكو أي سياره زين أبويه والنسوان ألي أجني وين راحوا واني گلبي گمت احس صار يدگ بالدقيقة الف دگه من الخوف وخصوصًا يزن دخل بينه طريق زراعي والدنيا صارت المغرب وقريت لافته مكتوب بيها بلدية المحمودية ترحب بكم والطريق بس احنه بي والسياره إلي ورانه ماكو اي بشر الخوف حسيته راح ينشف دمي حتى شفايفي يرجفن وأيدي من الرجفه گمت ما أحس بيها ارجف مثل السعفه وگف السياره يزن بوسط بستان وأول ما وكفت السياره نزل وائل واجى فتح باب السياره الي يمي وعيونه بيها نظرات شيطانيه وگالي وائل /(نزلي آيسن هذا مكانچ الأخير) يتبع ملاحظه/ الى كل متابعيني الي احبهم واعشقهم ومنورين صفحتي بتعليقاتهم تحية لكم من القلب الى القلب دمتم في آمان الله وحفظه أختكم الزهيرية الزهيرية تصويتكم يسعدني

Free reading for new users

Scan code to download app

App Store Google Play

Facebookexpand_more