البارت الثامن

3022 Words

گولوهم كلشي أنتهى وباب العتب سديته حلت مدارس وكلمن يروح لبيته لأن لا أعاتب آحدً عندي عتب ويا نفسي آيسن/ بعد ليله متعبه ومرهقه من سالفة سجاد وض*به ألي ونومي قلق يعني كل شويه اكوبس وهاي الكوابيس صارت إلها الجزء الاوفر من ليلتي حسيت ويا آذان الفجر على الصلاة ألي كل مره يگعدني عليها وأني دائماً انام بمكان أبويه من يكون ما موجود لان ريحته بالفراش لهذا احسه موجود اني بعدني بالفراش أسمع موبايل يزن ألي نام بالگراج يدگ گمت طلعت شفت يزن غاط بنوم عميق وموبايله يدگ مستمرشفته يعرب وأني أعرف يعرب وياسين بالمستشفى ويا أبويه بقوا ويا لهذا ظل بالي گعدت يزن من النوم لآن دى يتصل يعرب ومن رد بس يحچي بكلام ما مفهوم لان بخصوص شنو يحچون وذاك شيگول ما افهم غلق الموبايل ويا يعرب وگال يزن / آيسن ابوچ متخربط ولازم يسووله عملية قسطره لان دى يأثر على القلب عنده بس موهنا المشكله المشكله نجاحها مو أكيد و لازم مستشفى أهلي لان بمستشفى الحكومي ما مضمونه لان حمدلله بالعراق ألي يريد يموت يروح للمستشفى الحكومي والعملية تكلف فوگ المليون ونص لهذا راح ادفعهن وبقت يم الله وهو أرحم الراحمين گتله/ يزن افترض سوينه العمليه وما نجحت العمليه شلون يموت انت تگول ما مضمونه لا نسويها اله والله أخاف يموت وأبقى أني ما عندي احد بس الله وهو گال يزن /آيسن ترى بكل الأحوال لازم نسوي العمليه لإن هو مريض وحالته دى سوء اذا عفنا بكل الأحوال يموت لهذا نسوي الي علينه والباقي على الله سكتت بعد ما عندي حل لهذا گال/ راح أروح للمستشفى حتى نسوي أوراق تحويل لمستشفى اهلي گتله/ يزن الله عليك اخذني وياك والله اظل هنا روحي تلوج على أبويه گال/على السريع بين ما اصلي انتي جهزي نفسچ حتى نطلع اني هم عفته دى يتوضا ورحت أركض بدلت على السريع وهو بعده يصلي اني واكفه يمه كمل صلاة وگال/ شبسرعه بدلتي وگفتي على راسي والله انذهلت بسرعة خلصت صلاتي ما أدري هاي الصلاة محسوبه يم رب العالمين لو لا گتله/ محسوبه بس أمشي الله ينطيك الصلاة مضاعف لان ما خليتني انتظر ظل يهز بيده وطلعنه اني ويا وهو راكن سيارته بره صعدنه وشغل وطلع بينه للمستشفى وهو كمل كل الأوراق بين ما كمل التحويل مال المستشفى ظليت واكفه يم ياسين ويعرب أنتبهت على يعرب يباوع عليه بنظرات ق**حه شلون ينتبه على أماكن محدده وياسين انتبه عليه وكل شويه يخزر بي وهذا يصد وجهه لغير جهة بعدين گال ياسين/ تعالي آيسن أريد احچي وياچ ابتعدنه عن يعرب مسافه وگال ياسين/ انت شلون اجيتي ويا يزن وين شفتي من الصبح گتله/ شبيك ياسين غير يزن چان بايت عدنه بالبيت واني گعدت يزن من چان يعرب يتصل فتح عيونه وگال/ شنو نايم يمكم شنو انتي گعدتي من النوم ليش أنتي چنتي نايمه يمه گتله/ والله انت متستحي شنو أنام يمه نام هو بالگراج وأني بالصالة وموج بالغرفه گال / ودموع وين انخمدت شو ما ذكرتيها گتله/ يمعود دموع من رجعت من المستشفى بعد ما يزن أخذني حتى يثبت حالة العنف الأسري الي تعرضتله من سجاد واثار الض*ب رادت تض*بني و يزن ض*بها وطردها لهذا هو بقى يمنه ظل يباوع عليه ويسوي حركات بحواجبه انه شلون واحد يشك وگال/ ما شاء الله يزن كلش معجبه بي أنتي تحچين وأنتي تشجعين بي على اي تصرف وما معترضه بعدني أريد اجاوبه شفنه يزن يتقرب علينه وهو وصل يمنه گال يزن / كملت كل شي بقى بس يجي هذا الممرض ويا سديه وابو الاسعاف حتى ننقله لغير مستشفى بعدنه ما حچينه شي صاح يعرب ينبه على الممرض وجوده حتى ينقل أبويه واحنه كلنه ركضنه وما خلوا احد يدخل للانعاش بس الممرض ويزن وبعد وقت قليل طلعوا وأبويه حتى جهاز التنفس على حلگه وخشمه وراحوا بي لسيارة الاسعاف الي واكفه باب الطوارئ صعدوه واني ويزن وياسين صعدنه يا صاح يزن على يعرب وانطى سويچ سيارته وگله / أنت اصعد بسيارتي وتعال ورانه طلعت بينه الإسعاف لمستشفى أهلي وصلنه ونزلوا أبويه ومع الاسف لكون راح ندفع فلوس اجوي يركضون علينه وأخذوا ابويه وگبل تحاليل وايكو لا والأغرب انه آبو الاسعاف هم اخذ فلوس من يزن گتله/ هاي شنو يزن ليش انطيته فلوس مال شنو گال يزن / وانتي شنو عبالچ اذا حكومي بلاش لا حبابه الحكومي الرش*ه بي أكثر من الأهلي لا ويگلك حكومي مستشفياته موجوده وهي الحكومه راس الفساد ويحاربون الفساد انتي تدرين البارحه اخذنه خالي ابوچ من الطوارئ الى الايكو يريد 5الاف گتله ادري ما خذ ت**ي هم الت**ي أرخص لا تفكرين أحسن وعلى ضوء التحاليل والايكو قرروا يدخلون أبويه للعمليات هنا بدت الحرب النفسية والخوف من شي تفكر انه ممكن يصير وتدعي ما يصير بقينه بالانتظار القاتل الى ما كملت العمليه وطلعوا وهو يهذي بأسمينه كلنه وحتى اسماء علي ورشيد ومصطفى وأني وموج وحتى الحقير سجاد لآن بعده تحت تاثير البنج وحولوه هم على العنايه المركزه وما شي يقلق ويموتك بخوفك غير بس كلام الدكتور مال سوينه الي علينه وباقي على الله لإن هاي الجمله متعرف بيها العمليه ناجحه لو فاشله بقى وضع أبويه ما مستقر الى الليل يله أستقر وبده يصحى ونحمدالله ونشكره وحولوه على غرفه وحده وبقيت يمه اني ويزن لان راد ياسين يبقى هو يمي بس يزن ما قبل وياسين ويعرب رجعوا لبيتهم وأني ويزن بقينه ولكون مستشفى وين نروح لازم تنفتح مواضيع وسأل يزن على واقعة الا****ب وحچيتله كل التفاصيل كلها وحتى رجع سأل على كل تفاصيل الزواج مال ابو مازن الى ما گتله/ يزن يعني هسه اني مو زوجة أبو مازن غير يطلگني شلون إذا أريد ازوج مره ثانيه مو يعتبر حرام أنه اني على ذمة رجالين هنا يزن مات من الضحك وحتى عيونه دمعت من الضحك وگال / لا آيسن شنو تتطلگين من أبو مازن وشلون مازن منو يربي واحنه بشاربچ خطيه لا يطلع مازن تربيه سز گتله/ ترى دى احچي صدگ يزن حرام أني هسه غير على ذمة أبو مازن گال/ خاب ما تنچبين منو گلچ هذا زواج المتعه گواد....تحت مسمى الدين ومنو عقدلكم سجاد المرجع الديني الأعلى لجماعات الارهابيه هذا مو زواج روحي زوجي مره ثانيه وخطيتچ برگبتي معليچ بعدين گتله/ يزن أني أبد ما شعرت دموع أمي گال / لا تخلين هاي الأفكار براسچ وعيشي حياتچ وما اگلچ راح تنسين چذب هذا راح تبقى آثاره طول عمرچ وياچ بس تناسي حتى تگدرين تكملين حياتچ هزيت راسي موافقه على كلامه وهو ظل مركز بنظره بعيوني ويتأمل وجهي خجلت منه وصديت وجهي على الجهة الثانيه وهو انتبه عليه گام وگال / راح اطلع بره أشرب جگاره من تردين شي تعالي وطلع يزن من الغرفه واني شفت أبويه مستقره حالته ومن تعب غفيت وما حسيت الا يزن يسوي كمادات لأبويه لان درجة حرارته مرتفعة وچانت حدود الساعه 2 بالليل صرنه نتعاون على الكمادات اني ويا الى ما صار الفجر يله انخفضت الحراره ونام يزن والصبح آجى ياسين بس انتبهت نظرات الشك بعيون ياسين مو طبيعيه يباوع عليه ويباع على يزن النايم وشلون بعيونه نظرات اتهام اني حاولت اجاهل آي شي من جهة ياسين وحتى طلب مني أطلع بره حتى يريد يحچي ويايه اني شسويت دست على أيد يزن بقوه ويزن گعد وجهه مگلوب لان ما شابع نوم واني دست على ايده وگال / عمى بعينچ شنو الله خالقچ عميه انتبه على ياسين واگف وظل ياسين يگله / يمعود ام علاوي تسأل عليك وبيتك الي عايفه ولدك وبنتك يسالون عليك ويتقصد يذكر أهل بيت يزن ويباوع عليه اني ما فهمت على شنو هاي حركات ياسين اني شعليه بيزن وأبويه بده يصحى وفتح عيونه وظل يباوع علينه اني اخذت ايده وبيها كانوله وبستها على الرغم من وجود الزراگ بيده بس أحس روحي ردت الي لكون رجع فتح عيونه وسلموا عليه يزن وياسين واجى الدكتور عاين وضعه وگال/ تگدرون تاخذوا للبيت مع الراحه ومراقبة وضعه وعنده معاينه وره أسبوع مع الالتزام بنظام الغذائي الخالي من الدهون بعدها كتبلنه على خروج واخذنه يزن للبيت من دخلت لگيت بس موج وياها دموع بالغرفه گاعدات يسولفن بصوت خافت من فتحت الباب وشفتهن گبل سكتن آني هم عفتهن عدلت فراش أبويه ودخلت للمطبخ اسويله شوربه وعفت يمه ياسين ويزن كملتها ورجعت يمهم وكعدت أبويه وكلته شويه شوربه ومن خلص نام وطلعوا ياسين ويزن حدود الظهر ويزن يوصيني على أبويه وأنه شريد اتصل بي وياسين يباوع بطرف عينه ويزن مركز ويا ويگله عينك لا افگسه طلعوا واني رجعت دخلت يم أبويه وبقى أبويه مسوؤليتي ذاك اليوم وراح يزن اخذ اجازه من المدرسه واني اخذ واجباتي من صديقتي إيلاف وأدرس مر على خروج أبويه من المستشفى 4 ايام وخابرني يزن گلي على قضية سجاد انه دى يحققون ويا وأبو مازن ونطلبت للتحقيق ورحت ويايه يزن بس أبويه ما يدري بالي سوا سجاد بغيابه وبده التحقيق ويايه على الي صار وذكرت كل شي وربي شاهد عليه حرف ما زيدت مثل ما صارت الحادثه ذكرتها بده التحقيق ويا سجاد أول شي على حادثة أبويه مال المنوم وبعد التحقيقات رجعوا استدعوني وطلبوا مني أجيب العلاج مال ابويه ورجعت رحت ويا يزن وسالوني منو ينطي العلاج لابويه ذكرت أني الوحيده الي انطي العلاج يعني طابقة أقوالي ويا أقوال سجاد لان هو ذاكر أنه ُ أني انطي علاج لأبويه ومن اخذوا وعرضوا على لجنه طبيه ذاكرين إنه علاج ما بي اي نوع مال منوم وبقت الجرعه المنومه الي ماخذها أبويه مجهوله منو انطاها اله ورجعوا يحققون بأجباري على الزواج المتعه وهذا هم ماكو دليل عليه وگدروا يثبتون أنه اني مخبله وچنت بمستشفى امراض عقلية وانه في وقتها چانوا ماخذيني على سيد يعالجني وابو مازن يوصلنه لانه هو يندل مكانه لهذا طلع ابو مازن وبقى بس سجاد لان بقى على مود التعنيف الأسري الي تعرضتله من ض*بني بيها بيوم المحكمه وگفت گدام سجاد يم القاضي الي حكم عليه 6 أشهر سجن ومن أخذوا ودى يطلع من يم القاضي سوه حركه بوجهه وحواجبه بمعنى راجعلچ واحنه هم طلعنه اني ويزن ورجعنه للبيت بهاي الفتره أبويه چان تحسن ودموع بيوم الي نحكم بي سجاد اجتي گلبت الدنيا علينه وأبويه عرف بصار ويا سجاد بس ما أهتم وأني خلال هاي الفتره بعد الاجازه إلي أخذها ألي يزن أدرس ورجعت للمدرسه وكل ما اطلع الگى ياسين واگف بركن الفرع يسلم عليه ويگلي اجبچ وإنه عرض الزواج قائم شوكت ما أوافق يتم الزواج ودائمًا يخطر على بالي كلام يزن بخصوص ياسين لهذا أبد ما حبيت ياسين ويزن كذلك هم عرضه مال الزواج قائم حتى يستر عليه لهذا چنت دائمآ ارفض عرض يزن وبهاي الفتره أني نجحت للخامس ودخلت علمي وموج سقطت شنو السبب ما اعرف بس بديت ألاحظ اشياء عجيبه منها انهُ دموع دائماً تراسل وأكثر من مره أشوفها تراسل شباب بحيث أتعجب هي عمرها راح يصير 48سنه ودور شباب بس من ترسل صور تخلي مكياج لموج وتلبسها أحلى لبس يله تاخذلها الصور وترسل بعدين طورت الشغله صارت يطلعن بالساعات وين يروحن ماكو واحد يدري وماكو لا حسيب ولا رقيب على دموع وموج أبويه رجع يطلع للسوگ وأني المن احچي أكثر من مره نصحتها بس ما تقبل لهذا گمت ما احچي لان ما أخلص منها ولا من دموع ومر على حادثة زواجي العرفي 4 أشهر يعني بقه شهرين ويطلع سجاد وأني أخاف منه لهذا كل ما يقرب الموعد گلبي أحسه يريد يطلع لان ما معقوله سجاد راح يفوت ألي شكوتي عليه وسجني اله بس الي مطمني أنه أبويه موجود الى ما بيوم أجى يزن عيونه مو بمكانها بحيث گاعدين اني وابويه دى نتغده ودخل عبالك عاصفه يتهدد ويغلط ويصيح على موج وهي طلعت من الغرفه گبل هجم عليها وبده يض*ب بيها بس شنو موتها كتل ودموع چانت بالبيت تريد تخلصها من أيده ماكو وحبسوها بالغرفة بس شنو اني متت خوف ليش يض*ب بيها وحتى بده الصداع عندي وهي يض*ب بيها ويصيح / بنات دموع بس الفضايح وراچن ولچن شنو وين نروح منچن باچرعگبه اذا نعرفت سالفتچن نصير علچ بحلوگ الأوادم وحده ملعوب بيها و وحده رقمها وصورها عد الشرطه وتتواعد وتطلع صخمتن ووجوهنه أني انقهرت لان هذا الي يگلي ازوجچ من أقل شي يگول عليه ملعوب بيها صدگ هنا كرهت يزن وصرت أموت منه بيومها حكم على دموع وبنتها أنه ما يطلعن من البيت وشكو موبايل عدهن اخذه منهن ودموع اخذت موج وراحت للغرفه واني واكفه گعد يزن يم أبويه الي هو عاجز ولگه أبويه يبچي لكون ما يگدر يسوي شي وبيته الي ن*دم راحوا ولده الزينين وبقوا العاريه وبده يزن يسولف لأبويه يگول / اني گاعد واجى ولد عليه گلي تعال انطيك رقم مال بنيه هاي حتى تطلع وياك گتله/ شنو تطلع يعني تبياته گلي لا يعني نفتر تلزم أيدها يعني تتلمس جسمها اسوي وياها من بره لان بعدها بنيه وتنطيها فلوس يگول يزن / أني شمدريني اخذت رقمها من الولد والله صار يومين الرقم موجود بجهازي ابد ما دگيت عليه بس اليوم صدگ إتصلت المفاجأة من دگيت الرقم بجهازي طلع أسم دموع تخبلت رحت على نفس الولد گتله /اريد صورة البنيه صاحبة الرقم الي انطيته الي ومن نطاني الصوره ظليت فاك حلگي هاي موج رجعت سالته انت طالع وياها گالي اي وأكثر من واحد من منتسبين الشرطه طالعين وياها ظليت ما اعرف شگول أدري شنو من بشر ما تخافين من الله وبشرفهمنه ما تخافين على نفسچ لا يسوون بيها شي بوقتها يزن متخبل ورجع كمل وگال / لازم تنفحص حتى نتأكد وحق جلال الله اذا مو بنيه إلا اذ*حها بوقتها بصوته الي يطرش صاح على دموع وگاللها/على السريع گولي لبنتچ خلي تبدل وتجي ودموع متقبل موج تروح ويا يزن وهو يگللها/ بنتچ لما بيها شي ما تخافين هسه اذ*حها يعني من متقبلين يعني ملعوب بيها مثل أختها الچبيره هنا بعد ما تحملت الحچي عليه لآن كل مره يگول عليه ملعوب بيها واني الصداع بده يصير قوي عندي گتله/ انچب بالك تحچي عليه فهمت وما اسمحلك بعد تحچي أكثر من هيچي انت مو ولي امرنه وما تگدر تحكمنه وهو تخبل رجع عليه بصياح ويگول / عفيه بنت دموع سكتناله دخل بحماره انتي سكتنه على عارچ گمتي طولين ل**نچ نوبه عليه الخبله هجم عليه ض*بني على راسي واني عندي صداع صرت ما أشوف شي گدامي گعدت بالگاع تحت بس اتمالك نفسي ويزن دخل للغرفه وطلعها يسحل بيها وهي تعيط ودموع جر بموج وهو يسأل بدموع/ موج بعدها بنيه لو ملعوب بيها مثل أختها البعيره ودموع جاوبه/ يعني هذا شغل منين نعيش لعد وبعدها بنيه آني موج بعدها بنيه بت بيت وهو جاوبها/ يعني بس أنتي تعيشين بالگوا...لو متعلمه وابو الطبع ما يجوز من طبعه وهسه اخذها لقا**ه أتأكد بنيه لو لا بس اذا گالت مو بنيه وكلام الله اذ*حها وادفنها بمكان أبليس ما يندل هي وين رادت تروح ويا دموع بس هو رفض نهائيًا تجي وطلع يسحل بيها ودموع تركض وراها حتى بس تلحگ تنطيها عباية على الراس اني ما أكرهه موج ربي يشهد عليه بس هي شبيها ويايه ما اعرف انقهرت عليها ويزن يسحل بيها وهي تخلي أيدها على حلگها حتى تكتم صرختها لان يزن گاللها / اذا سمعت صوتچ يطلع ادفنچ ظليت واكفه لما صعد يزن موج بسيارته وشلون شمرها بالمقاعد الخلفية والله شلون عبالك يشمر شي ما يريده وبس يريد يخلص منه نفس الوضع سحب العبايه من دموع وشمرها عليها وسد باب السياره وراح ما نعرف بعد ترجع موج لو بعد ما اشوفها لان حياتها واكفه على كلمه وهاي الكلمه هي تحدد تعيش لو تموت اني التفت على أبويه شفته لازم النعال مالته ويض*ب بي على راسه ويبچي صعبه عليه يشوف بناته وحده أغتصبت على ايد أخوها وحده مسويه علاقات وامها تگول شغل اتقربت عليه وسحبت منه النعال وهو ظل يدگ على راسه ودخلت دموع ظلت تغلط وتسب كالعاده وتنسى نفسها ولا تحمل نفسها الغلط واگول ويا نفسي منو جبركم تخلفون وانتي اذا ما ترغ*ين بالچبير شكو ازوجتي وخلفتينه الضيم والقهر استمروا على هذا الوضع هي تغلط وسب وهو يدگ على راسه وعلى رجله وبس يعيط ما تفهم منه شي واني من الصداع اخذت حبايه علاجي للصداع ومن أخذها أنام مباشرةً واني نايمه حلمت بموج ماكو وأسمع صوت دموع تگول ذ*ح موج يزن وشفت بيده سچينه كلها دم وهو يتقرب عليه فزيت مرعوبه طلع كابوس گعدت لگيت أبويه گاعد وبيده القران ودموع گاعده بالگراج وصافنه وصار المغرب وموج بعده يزن ما جايبها وعبرت صلاة المغرب وبعدها حدود الساعتين دخل يزن كل كفخه ينطيها لموج ولا الثانيه نريد نفهم شبيها ما نعرف وهي وجهه صاير ألوان ومورم اني من شفتها تخبلت گمت أخاف من يزن وأموت منه گد ما كرهته رحت أركض بالترك حتى كل شي ما أشوف بس سبحان الله ما نشوف بس نسمع وأسمع صريخه من ض*ب يزن بس شبيها ما فهمت بعدها عافها يزن بالغرفه وطلع لان گمت ما اسمع الصريخ بعدها سمعت يزن من صاح عليه بس اني اخاف منه واتخيل شكله شلون بالحلم من لازم السچينه وبيها دم وأخلي أيدي على أذني حتى لا أسمع صوته وأغمض عيوني ما أحس الا يزن واگف فوگ راسي فزيت لان صاح بيه بصوت عالي وگال / انتي طرشه مو دى اصيح عليچ گتله/ والله يزن ما مسويه شي لا تذ*حني گال بنتر / أمشي گدامي يله اني من خوفي ركضت گدامه وهو ورايه دخلنه للمطبخ ورايه يزن ورجعنه للصاله وگال يزن لأبويه/ اني راح ازوج آيسن واشوف حل لذيچ هم لأن ذني ما يگعدن راحه وراح يجيبن مصايب اني هنا تخبلت اني يزن أخاف منه واكرهه أنوب ازوجه بس سكتت خوف منه وابويه بس يهز براسه بالموافقة وبعدها راح يزن واني ميته خوف لا يرجع مره ثانيه وعلى ثاني يوم صار شي ما متوقع اجتي مرة يزن هدت علينه للبيت لان يزن مفاتح اهله وزوجته أنه يريد يزوجني وهي متخبله شلون يزوج عليها ويزن مرته اكبر منه بعشر سنين يعني من دى يزوجني يزن عمره 51 سنه وهي عمرها 61 سنه بوقتها دخلت علينه من الصبح وهي سب وتعيط وتغلط وطلعتلها دموع سب وتغلط عليها وما يسولف الي صار ودموع مو محبةً بيه بس كراهيةً بيزن طلعتها من البيت وهي تلعن الساعه السوده ألي اجتي بيها علينه للبيت اني مرة يزن أحبها لان فقيره بس خطيه من عرفت يزن يريد يزوج تخبلت واجتي هدت علينه من حلات روحها بعدها للعصر أجى يزن اني من خوفي منه انهزمت للمطبخ بس من صاح عليه رحت للصاله وهو گاعد يم أبويه گام وگال/ تعالي للگراج أريد احچي وياچ طلع وطلعت ويا وگالي / انتي سمعتي بقراري اني راح ازوجچ بس على ورق وراها تگدرين تطلگين وتشوفين حياتچ مالي غرض بيچ ومن هسه اگلچ اي شي صار وياچ لا ذكري يم أهلي ابد لان متعرفين شيصير بعدين بيچ يمهم من يعرفون أنتي مو بنيه يخلون بيها أن گتله/ يزن الله يخليك اني ما أريد ازوجك والله أخاف منك لا تذ*حني گال / شبيچ آيسن ترى اني عصبت وحچيت عليچ من چنت احچي على موج من عصبيتي لا أكثر گتله/ اني ما أريد وكل زواج ما أريد عوفني وعفته ودخلت للبيت لان ما أطيق اشوف وجهه وهو هم ما رد عليه وراح مرت الايام وما بقى شي على فتحت المدارس واجانه بيوم بنص الليل خبر ما چان على بالنه انه ابو يزن الي هو زوج عمتي راح لرحمة الله طبعًا بس أبويه راح للفاتحه ويوميه يروح من الصبح الى الساعه 11 بالليل يجي يجيبه ياسين وياسين أبد ما دخل اليأس گلبه من ناحيتي وكل مره يشوفني يگلي احبچ آيسن وانتظر منچ رد واني ما اجاوبه بس بالفاتحة مال ابو من يجي ابد ما يدخل بثالث يوم الفاتحه اجانه تبليغ انه اكو قضية مرفوعه علينه يتبع

Free reading for new users

Scan code to download app

App Store Google Play

Facebookexpand_more