البارت التاسع عشر

3191 Words

عازف الناي صوت الناي أبكاني كأنك تعزف من اوجاع حرماني يا ناي... مهلًا ان الدمع يحرقني كأنه جمر يسكن بين اجفاني آيسن / الأنسان آكثر الاوقات يخسر والخسارة تكون فادحه بسبب إنه ما نعرف قيمة الشخص القريب علينه ألا بعد ما نخسره وهذا چان وضعي ويا يزن ماعرفت قيمة يزن الا بعد ما نحكم بالسجن ساعتها عرفت انه يزن يمثلي الامان الي بمجرد ما نحكم يزن وصل الخبر لبيت لعمه شفت أثار فقد حماية وامان يزن بيوم چان يزن رايح للمحكمة اني أتصل عليه مغلق صار الظهر ويزن ماكو وموبايله مغلق اني بده القلق يسيطر عليه سيطره كامله ويعرب ما اعرف رقمه بس ويا هم راح صارت الساعه 1 ونص وأني فاتحه باب المطبخ وأكفه وأحس روحي تنازع لان اطلع شويه اوگف بالگراج وأرجع أدخل بعدين واكفه يم السنك وأغسل بوجهي احس روحي تلوب شفت واحد من على السياج وطفر للگراج رجلى احسهن يرجفن أريد اوگف عليهن ما اگدر لآن إلي طفر چان سجاد متت بدمي شافني واجتي عيني بعينه وما يفصلني عنه بس شباك المطبخ واني طلعت بسرعه من المطبخ للگراج وأصيح حرامي بعلو صوتي وهو بلمح البصر جرني عليه وخله أيده على حلگي وهو صوته بأذني ويگلي/ اشسشش صوتچ على السريع بدلي وتعالي ويايه بسرعه لإن يزن نحكم وبعد هذا البيت مو آمان الچ اني ادفع بيده أريد بس يوخر ايده من على حلگي وهو يدفع بيه ودخلني للمطبخ وبعد ايده من حلگي ظليت أصيح حرامي وهوجرني حيل ودفعني حتى ردت اوگع چان يگلي/ أمشي بسرعه بدلي ولچ دى گلچ يا بشر نحكم قنادر ويا يعرب هم سجنته لا تعدى عليه بالمحكمه هسه يجون عليچ گتله/ لو تموت ما اطلع منا انتظر يزن العمر كله هذا المسكين راح بالرجلين من ورانه انت واني شنو ذنبه گلي انت اغتصبني هو شعليه باوع عليه وگالي / تحبي ليزن گتله/ مو عيب اذا حبيت يزن إلي وگف بظهري وما عافني لك انت ناقص غيره وشرف من مره تريد تسلمني لأبو مازن ومره حلفت كذب وسلمتني للذ*ح وهسه حامل من أخويه شسمي هذا الوضع انت دمرتني وهسه جاي تگلي تحبين يزن لو هنا مو آمان أمشي ولي أطلع منا بعده سجاد ما حاچي وصار الدگ على الباب عبالك مداهمات ت**ر ت**ر وأسمع صوت الغلط والفشار مال عمتي ومرة يزن وبنت عمتي بعلو صوتهن واكو دگ دى موضع مال المفتاح هذا دگ شلون عبالك مال طابوگه عليه وبعدها نضم الهم صوت ياسين هم نفس وضعهم يغلط ويگلي / افتحي الباب لا والله افلش البيت على راسچ ظليت متصنمه وسجاد يگلي امشي بدلي الى ما بعد الباب إنهار ون**ر ودخلوا كلهم بس أكبر مفاجأة چانت الهم من شافوا سجاد هجم ياسين على سجاد وبده المضارب بينهم واحد يض*ب الثاني واني اخت يزن ومرة يزن موتني كتل وطلعني لشارع بس بملابس البيت وعمتي تگلهن /طلعنها بعدما تلفي بيتي الدايحه ام الرجوله من الض*ب مالتهن ما اعرف احمي وجهي من الض*ب لو من طلعوني لشارع لا ربطه ولانعال واي شي على جسمي بس الگلبيه واني بشهر السابع بدت الوجع يموتني وهنه يض*بن بيه حسيت شي گام ينزل بقوه وحار گمت اعيط والناس ملتمه وخطيه هوايه من نسوان الجوارين ادخلوا وفكوني منهن إما سجاد ض*ب ياسين على وهذا راسه گام يجري دم أنوب الناس احتارت عليمن يروحون والمن يسعفون ياسين لو اني بس تسمع الناس تصارخ والله عبالك يوم الحشر واكو واحد اسمعه يصيح جيبن عبايه لهاي البنيه الله يستر عليها ليستر هاي البنيه ويا ولد الي عنده سيارة أخذوا هاي البنيه للمستشفى حالتها صعبه وصدگ خطيه أجى ولد بسيارة ويا وحده مره يمكن تطلع بالخمسين نزلت غطتني بعبايه وساعدتني صعدتني بالسياره واني الوب من الوجع وصعدت يمي وهي تگلي/ هاي عندچ ولاده گولي يالله حتى تسهل عليچ وصعد سجاد بالمقعد الامامي واني أخذوني لمستشفى واني صرت اعيط وأموت من الوجع وما وصلت للمستشفى ألا وأني طالعه روحي دخلوني على غرفة الولاده فحصتني الدكتوره گالت / عندچ ولاده وتوسع اصبع ونص يعني ما طولين هسه إبره بالمغذي وتولدين ان شاء وهي دكتوره بعدها شابه حتى وجهه يوحي بالارتياح لزمت ايدها وگتلها/ دكتوره الله يخليچ انطيني مسكن والله دى اموووت گالت / حبيبتي شلون إني أريد الوجع يزيد عندچ حتى دفعين وينزل الطفل وتخلصين من الوجع گمت ابچي گتلها/ همه أثنين شلون راح أولد ويا هذا الوجع گالت الدكتوره/ لا تخافين هسه تولدين وره فتره ترجعين تحبلين مره ثانيه هذا الوجع منسي تنسي لعد شلون نرجع نحبل مره ثانيه واجتي ممرضة خلت كانونه بيدي وبعدين خلت مغذي وض*بت بالمغذي إبره وظليت الوب من الوجع أنوب اريد بس أروح للصحيات لإن احس نفسي محصوره ومن خلص المغذي اجتي الممرضة فحصتني گالت / گومي تمشي حتى صير عندچ ولاده گمت رحت للحمامات ومن رجعت جابوا من آكثر من وحده وهم العياط شلون ذوله ألي بالت***ب ذكرت بيوم إلي اغتصبني سجاد وجابوني للمستشفى وچان عمري 11 سنه وشفت هذا المنظر مال الولاده الي يكزبر الجلد دار الوقت وصرت بنفس الموقف واكو وحده خطيه هم مثلي دى تتمشى اني وصلت يمها لزمتني وگامت تعيط اجني عليها الممرضات واخذنها من يمي خطيه ما طولت هوايه ولدت بعدها اني نفس وضعها أريد أتمشى ما اگدر وأحس نفسي غرگت مي والوجع يجيبني ويوديني وهم بالگوه سحبني الممرضات ونيمني على السديه وفتحن رجلي وظلن على دفعي ودفعي قوي والله احس روحي تنازع وراح تطلع والممرضات يگولن ولچ يله دفعي اثنينهم نفس الجاره وجبت واحد وبقت البنيه لان گالت الممرضة/ هذا اجى ولد وبقى الثاني واني ادفع والممرضه تنطيني ابر يله جبت البنيه وراها بعد ما حسيت بشي لان شلون النايمه بس أحس كل شويه يض*بن على وجهي وهن يگولن اگعدي ولچ بعدها الجاره ادفعي حتى نظفچ ومن دى ينظفن بيه حسيت بوجع كلش قوي حتى وعيت على نفسي واسمعهن يگولن الاطفال تعبانين اخذوهم للخدچ وأني كملن تنظيفي وطلعني للردهة وچانت الدنيا ليل وبعدني بين النايمه وبين الگاعده أسمع دموع تحچي يمي فتحت عيني طلعت هي اني ما غلطانه ولا حلمانه وبعدها كتبولنه على خروج وخطيه الممرضه لف*ني بالعبايه وخلتني بكرسي متحرك وطلعتني لگيت سجاد وابويه واگفين بالباب وأبويه اول ما شافني أجى عليه واخذ ت**ي وساعدتني الممرضه وصعدتني لسياره ورجعنه للبيت الي صار هذا البيت نقطة سوده بحياتي من ادخله شكو ذكرى سوده أذكرها دخلتله وأني افكر بيزن بروحي الي راح برجلين ولا إله ناقه ولا إله جمل بالموضوع كله ونسجن المسكين وخسر كل شي بسببي واول شي سويته نمت على فراش أبويه هاي الريحه إلي أعشقها من اني وصغيره بعد ما حسيت بشي وما گعدت ألا ثاني يوم وماكو احد بس أبويه وعندي يصير وجع بطني وهو هم شافني گعدت راح سوه ريوگ وجابه الي واني گاعده اكل دخل سجاد وظل يباوع عليه واني ما رفعت راسي من الاكل أبد بعد عرفت سجاد مسميهم الولد جود والبنيه رودينا بقيت يومين وجابوا الأطفال الي سبحان الله تمنيت من الله ياخذهم واخلص ماكو الله كاتبلهم عمر يبقون حتى ينذلون وانذل بيهم اني ما أعرف شنو الأمومة حتى من حملت لكون حمل حرام ومصايب الدنيا كلها على راسي ما حسيت بأي شي تجاه حملي وحتى من جبتهم ما شفتهم وهم ما حسيت بيهم وبعد يومين جابهم سجاد ألي راد يخليهم بحضني دفعتهم وگمت وگفت وگتله/ وين جايبهم وخلهم بحضني ذوله ولد حرام ما أريدهم روح ذبهم بالزبالة احرگهم اذ*حهم مالي شغل بيهم ودموع واكفه وتگله / يمه شلون تتعاير لعد ما ذبيتيهم عليمن جبتيهم هم ترجع دموع صير ملجأ مال أيتام لا عيني ما تريدهم روحي انتي حرگيهم ذبيهم بالزباله اذ*حيهم احنه شعلينه صاح سجاد بصوت عالي / گعدي رضعيهم لا والخلقچ اشوفچ سجاد منو اذا اشوفچ سجاد على حقيقته والله تندمين على عدد ايام عمرچ يله رضعيهم گتله/ لو تموت ما أريدهم لو تبقى أخر يوم بعمري ذبهم الأطفال على دموع واجى عليه ض*بني وگعدني بالقوه بالگاع وهو يكفخ بيه واجى أبويه يريد يبعده عني وهو دفع أبويه بقوه واجى عليه ما تجي أيده يض*ب على وجهي وعلى راسي وگعدني بالگاع وجابهم وخلاهم اثنينهم بحضني وهو يگلي /يله طلعي ص*رچ ورضعيهم لا هسه اخليچ ما تلحگين تشاهدين على روحچ وخله أيده على رگبتي ويخنگ بيه والله حسيت روحي راح تطلع بيده وذله الأطفال لكون ارافس بيده حتى الأطفال يصرخون وگعوا من حضني ودموع تعيط راح تموتون الجهال وهو يجاوبها اليوم إلا اموتها اليوم الا اطلع بروحچ وانعل أبو طاهرچ وبعد ما حسيت روحي قاربت توصل لسما حسيت بيده رخت من على رگبتي وگع سجاد قريب عليه واني بعدني اگح واجر بكل رئتي هوه لان الاو**جين نگطع مني من چان يخنگ بيه وبعدني اجر هوه واگح أنتبهت أبويه بيده سچينه وهو لكون بعده مو قوي جسمه كله يرجف بسبب عمره الچبير وهو مناك بسبب شلل النصفي ويسحل برجله بدت دموع تعيط وطلعت للگراج مال البيت وعياطها ملأ الدنيا على هذا المخبل قتل أبني والناس التمت ودخلوا آكثر الناس ألي بين يتف*ج وبين الي يسال وبين الي دخل مسعف وأخذوا سجاد وراحوا وياهم وهي تدعي علينه وتغلط وتفشر علينه آني وأبويه وذوله الأطفال إجى أبويه گعد يمي وشال واحد منهم وگالي شيلي هذا الثاني بنتي ذوله شنو ذنبهم أخذت اثنينهم وخليتهم بحضني وطلعت ص*ري وارضع بيهم وهمه يناشغون ويبچون ومره يرضعون وما يعرفون ويبچون والله اني گمت ابچي كل شي ما اعرف وأبويه يگلي / بنتي گومي خلي مي وشويه شكر خلي وانطيهم بالخاشوگه لما يتعلمون يرضعون ذوله روح ما ألهم ذنب گمت سويت إلهم مثل ما گال أبويه وره تقريبًا ساعتين اجتي دورية مآل شرطة من ندگت الباب وخطيه أبويه من طلع ما چان يدري الشرطه عليه لان من ما خذي لسجاد مشتكية دموع على ابويه إنه هو الي معتدي على سجاد لهذا طلع الأمر باعتقال أبويه ومن الباب أخذوا اني من شفت الاضويه ألوان تض*ب على الشباك طلعت وگفت بأب الصاله من شفتهم صعدوا بالسياره مال الشرطه ركضت للباب الخارجي شفت ولد گاعد ليگدام سألته/عفيه وين ماخذي رجال چبير ومريض گال / عليه إلقاء القبض بخصوص بمحاولة قتل سجاد أبنه هنا نسدت بوجهي من كل جهة خسرت من كل الي يساعدوني الي همه بس يزن وأبويه واثنينهم راحوا واني بقيت بهذا البيت ألي أكرهه مثل ما أكره سجاد وخطيه جيرانه اجتي يمي وهاي متعرف شنو مصيبتي بس من شاف*ني جايبه وكل شي ما أعرف گالت/ هسه ادزلچ الحجيه واني اسويلچ شي تاكلي واني هنا اكثر الجوارين ما اعرفهم لان شبه منطويه على نفسي لهذا الحجية هاي شايفتها بس ما اعرفها اجتي خطيه يمي وضلت تعلم بيه شلون أرضع بيهم وحتى خطيه هاي ألي اجتي يمي طلعت چنتها مرة أبنه الچبير وجابت آلي اكل وهنه يسالن وين زوجچ واهل زوجچ واني ما عندي جواب بس گتلهن زوجي مسجون وإي معلومه عن آهله ما نطيت وعلى ثاني يوم ولكون ما عندي احد ما أعرف وين أروح ولا وين أخذوا أبويه ما اعرف المن أروح لهذا فكرت أروح أزور يزن بس شلون أعرف هو وين محجوز لهذا اذكرت من إجى المبلغ لازم يكون جاي من مركز من الي قريب على منطقتنه اخذت خطيه فلوس الدخل مآل أبويه وامنت الاطفال يم جيرانه وخذت ت**ي ورحت على المركز إلي إجى منه التبليغ ودخلت وسالت على القضيه وانطيت اسم يزن دخل ولد شرطي واگف گدام باب المدير ورجع طلع گال / تفضلي للمدير احچي ويا ودخلت للمدير وشرحتله الوضع وانه بس أريد أشوف يزن گال المدير/ انتي زوجة مفوض يزن من گتله / اي زوجته الثانية گال / انتظري بره طلعت خارج غرفته ورجع دگ جرس لهذا الشرطي الواگف بالباب وهذا هم دخل يم المدير ورجع طلع راح ما اعرف وين غاب ورجع ويا شرطي ثاني وياهم يزن ويزن من شافني وتخبل وصارت عيونه مو بمكانها وبعدين جرني من أيدي بقوه وگفنه على صفحه بعد عن ذوله الشرطه الواكفين وگال بعصبيه/ هاي شنو شجابچ هنا وليش جايه وحدچ اكو وحده عاقلة تدخل مركز مال شرطة وحدها گتله/ يزن متعرف ذني الايام الي غبت بيهن عني شصار بيه گال / ممنوع تجين للمركز فهمتي لا ا**رها لرجلچ ليش ما جابچ خالي نزلت دموعي وگتله/ يزن ابويه اجتي الشرطه اخذته ظل صافن وگالي / شبيچ بابا شنو اجتي الشرطه اخذته شنو يبيع تي ان تي هو يبيع خضره گتله / لا صارت هوايه اشياء بذني الايام إلي انت بيهن ماكو ومن ضمنها انه اني جبت يزن باوع عليه وگالي/ شلون جبتي وانتي بعدچ ما مخلصه اشهر الحمل وحچيتله كل شي وهو عاف كل شي وتخبل على ياسين وگالي ولچ آيسن اذا ياسين صار بي شي والله طلعة روح سجاد على أيدي ما سمعتي عنه شي گتله/ والله يزن كل شي ما أدري من طلعت من يمهم وحچيتلك شلون طلعت ما أدري كل شي عنهم گال / ودميعه ما راحت على بنتها ما گالت الكم شي گتله/ ما اعرف اي شي عنهم عفيه يزن وابويه شلون گال / هسه أتصل على المحامي هذا اعرفه واحچي ويا وبالفعل صاح على الولد الشرطي واخذ منه موبايله لان هذا نفس المركز الي يداوم بي يزن لهذا كلهم يعرفهم وطلع من موبايل الشرطي رقم ولد شرطي ثاني وخابر عليه لان الولد هذا اخو محامي واتفق ويا على قضية أبويه ودعت يزن طلعت ورجعت للبيت واخذت الاطفال من جيرانه وگالت / خطيه ماتوا بچي وجبتلهم حليب من جيرانه هم صار شهر من ولدت واخذت منها حليب وسويته بمي دافي وبصحن خليته وبخاشوگه وشربتهم خطيه جوعانين شكرت منهم ودخلت للبيت الي صفى عليه وحدي اني وأطفالي وبعدها بأيام من روحتي على يزن اجتي دموع دگ وتلطم اني بالبداية عبالي سجاد مات گلت بگلبي / وين الله وصدگ مات وخلصت منه بس طلع ما بي شي لكونه عار باقي بس الي عرفته من خلال النواح مالتها وحچيها ويا موج انه ياسين الي هو ض*به سجاد والي چان فاقد ومسوي عنده فطر بالجمجمه وچان فاقد هاي الأيام المضت مشتكين على سجاد وطالع امر بالقبض عليه ولكون سجاد چان مطعون لهذا انتظروا شويه تحسنت صحته اجوي اخذوا على ان يتابعوا بالسجن لان اكو دكاتره ازور السجن وهي اجتي تلوب عليه وتتوسل بموج تقنع ياسين إنه يتنازل عن القضية بس ذيچ شنو جاوبها ما اعرف اما اني حايره بهمي شلون منا ابويه ومنا يزن ومنا ذوله الأطفال ومنا اني ما خذه الدخل مال الخضره مال ابويه على أساس ماخذه الدخل مال البنگ المركزي وهنه قربن يخلصن واني وذوله الأطفال لان ص*ري ما يشبعهم لهذا اضطريت اشتريلهم حليب وغالي حليب مال الاطفال الرضع وملابس خطيه هاي الحجيه جيرانه گامت تلم ملابس مآل أطفال ودزهن ألي بس لشوكت وبعدها مر عليه شهر ونص اني بالمرار لان كله اجيب بالدين من المحلات ودموع ما الها عرض بيه وكثرت عليه الديون والناس تريد فلوسها وبسبب ضعف الحال واني والده جديد لا عرفت أبويه شصار ويا ولا رحت بعد على يزن من تراكمت عليه الديون والله گمت ما أعرف شسوي وصدگ الي گال ما ضيج إلا ربك يف*جها اجتي عليه جيرانه وگالت / ام جود انت بعازة الفلس وأني ابني چان عنده محل مال ملابس داخليه ومال نوم وهسه الله مكنه وتوظف ويريد يسد المحل شنو رأيچ تاخذين البضاعة انتي بنص سعرهن وتبعيهن هنا على الحبايب واكتبي قطعه على الباب وهي الناس تجيچ وتربحين عد تعيشين نفسچ أنتي وجهالچ گتلها / عيني ام أيوب منين أجيب فلوس حتى اشتريهن والله ما عندي واني مطلوبه على عدد شعر راسي گالت / حبيبتي اخذيهن وانطي مناوش شويه شويه مو الا كلهن ولچ والله حرامات گتلها / موافقه جيبوهن وهاي چانت مجازفه مني لان اني كل شي ما أعرف بهذا الشي بس گلت الغرگان يچلب بگشايه قابل شخسر يعني آكثر من عمري آلي خسرته والله لليل جابوهن ألي حتى الأسعار هم كاتبين عليهن بشگد ينباعن ومن الليل جبت كارتونه وكتبت عليها يوجد لدينا ملابس داخليه ونوم وأحدث الموديلات ولزگتها على الباب والله لكون على الله عادل ويعرف اني نظلمت بحياتي بدون ذنب وما سويت شي على ثاني اكثر من وحده اجتي اشترت من عندي واحنه بيتنه هم صاير على طريق السوگ لهذا هاي السالفه نفعتني وگامت جيبلي زبائن لهذا البضاعة ما طولت عندي 3 اسابيع وبعتهن كلهن ونطيت فلوس الولد والديون الي عليه من المحلات والجوارين سددت جزء منهن رجعت ام أيوب خطيه گالت / اذا تردين اخلي ابني يتوسطلچ يم ابو الجمله وهم اخذي منه وعلى عرفته سدديهن اله مناوش شي وره شي اني هم ما گلت باطل گتلها / عفيه گولي لابنچ خلي يجيبلي منه وجبه وهو الولد ما قصر راح عليه بس هو وهناك خابرعلى أمه انه عنده مكياج وا**سوارات ويگول اذا تريد اجيبلها هم وجبه گتلها / خلي يجيب بس مو هوايه حتى اشوفهن يمشن او لا وخطيه جابلي وصدگ خير من الله بهاي الفتره الي اشتغلت بيها صرت ما انتبه على دموع شوكت تطلع وشوكت ترجع ما إلي غرض بيها لان ما فاضيه وذوله الأطفال صاروا روحي من الدنيا وقتي كله لنفسي ولاطفالي ولشغلي بس من صارت عندي فلوس صرت اگدر أتحرك حتى موبايل أشتريت لهذا رحت على يزن للسجن وعرفت بالمركز انه محولي لغير سجن لأنه هو محكوم ومن خلال القضيه الي بالمركز عرفت وين محولي ورجعت على ثاني رحت ولكون المكان بعيد خليت اطفالي يم ام ايوب ولكون اني ما افهم بالسجون شنو نظامها گالولي اليوم ماكو زيارة للمسجونين وانطوني يا يوم الموعد الي يكون بي الزياره ورحت بموعد الزيارة على يزن الي طلع خطيه لمقابلتي وفرح كلش من شافني وسألته على أبويه وگال/ ابوچ آيسن ما نحكم لان سجاد مو اخذ عليه حكم انه مخرف وگع بهذا الفخ لأن المحكمه اعتبرته غير مسوؤل على افعاله لهذا اكتفت المحكمه انه حولته بس على مستشفى الأمراض العقلية سبحان الله وگع بشر اعماله سجاد لان ض*بته لياسين المحكمه اعتبرتها شروع بالقتل لهذا انحكم 5 سنوات بس بعد التمييز صارن 3 سنوات يعني يطلع ورايه بشكم يوم شفتي عظمة الخالق شلون نصفچ گتله/ حمدلله الله عالم بحالي لان ما اذيت آحد والله عوضني عن كل الايام السوده گال/ تعالي شو صايره حلوه شلون مدبره امورچ وحچيتله شلون دى أشتغل واني بالبيت وحمد لله ما محتاجه بس الله گال/ عفيه بآيسن شوفي ربچ ما يخلي حمل مطروح ورجعت سالته على يعرب ليش بيوم الي نحكمت سجنوا يعرب گال / مو يعرب من اني نحكمت هجم على سجاد وض*به واحنه بالمحكمة لهذا أعتبره القاضي تجاوز وآمر القاضي بحجزه لمدة شهر وبعدها طلع رجعت اخذت منه عنوان المستشفى الي موجود بيها أبويه وهو گلي / من طلع يعرب وصيته ياخذ نسخة من قرار مال المحكمه من حكم القاضي بنسب الأطفال يسجلون بسمي لهذا انتي وطالعه اخذي جنسيتي ونسخة القرار وسجليهم بسمي وطلعيلهم جناسي وخطيه حتى دائرة النفوس مالتهم هم دلاني عليها وهو يشجع بيه انه أبقى قويه وما أستسلم ابد واني طالعه من يمه اخذت جنسية يزن ونسخة القرار ورجعت صدگ يزن المسكين ينطبق عليه الي يگول زين لا سوي شرما يجيك وهو هذا سوى زين وگع بيها خطيه خسر كل شي ألي عرفته فيما بعد أنه زوجته مطلگه منه وماخذه ولدها ورايحه واني رجعت على جهالي وبيتي واني كل ما إطلع أخلي جهالي يم ام ايوب وبطريق الرجعة شفت وحده چانت سولف على المدارس گلت ويا نفسي ليش ما أرجع لمدرستي وأدرس أحسن ما اني باقيه ماكملت وصلت للخامس علمي وگعدت بسبب المصايب مال الدنيا الي صارت عليه وبالفعل على ثاني يوم رحت على أبويه لگيته گاعد على السرير وعادي الي يريد وعنده واحد مريض داخل للمستشفى يدخل واني من دخلت كل الذكريات من دموع واخوها سجنوني هنا ومن دخلت للردهه شفت أبويه ظليت أبوس بيده وراسه واني چنت جايبه ويايه ملابس أله وفواكه وهو يباوع عليه ويمشي ايده على راسي وخلصت زيارتي من عنده واني ابچي عليه دم وبعدها رحت للنفوس وسويت هوية أحوال مدنية للاطفال وتم نسبهم الى يزن واني رحت على المدرسة مالتي وظليت أتوسل بالمديره على چنت مزوجه وطلگني زوجي وأريد أرجع أدرس ولا تضيعين عليه الفرصه وهي هم ن**ر خاطرها عليه وقبلت ارجع من يبدي الدوام وگالت / ترى المدرسة صارت دوامين يعني بعد مو كله صباحي الدوام راح يكون صباحي ومسائي گتلها / فهمت بس شوكت الدوام يبدي على الأكثر شهر ونص شكرت منها وطلعت بس الحياة المفاجأت مالتها هوايه وما تخلص بعد ما اني نسبت أطفالي ليزن بأسبوعين حظي الاكشر إلي ملازمني وما يعوفني چنت بصبحيه گاعده وابيع لنسوان ملابس ندگت الباب طلعت وچان مبلغ اجى يبلغني بتبليغ انه ياسين رافع عليه قضية بضم حضانة أطفالي أله لكون ابوهم يزن مسجون واني ( مخبله ومو بكامل قوايه العقلية) يتبع ملاحظه الى جميع متابعيني ألي منورين صفحتي بتعليقاتهم الحلوه ويفرحوني بتفاعلهم تحية لكم من القلب الى القلب دمتم في آمان الله وحفظه اختكم الزهيريه الزهيريه تصويتكم يسعدني

Free reading for new users

Scan code to download app

App Store Google Play

Facebookexpand_more