البارت العاشر

2677 Words

ما دامك ما تحس صعبه اگول احتاجك آيسن/ اصعب **ر بحياة الآنسان هو **ر النفس هذا أقوى **ر يتعرضله الأنسان واني مو بس نفسي ن**رت لا ادمرت دمار لان سجاد يستخدم اسوء انواع الحرب وهي حرب نفسيه ونجح لان صرت احس روحي تائهه بظلمه وهي الظلمه شوكت أشوف من خلالها النور الي بيوم ينور حياتي لو راح أبقى بيها طول حياتي وينطبق عليه المثل الي يگول (من الصبر للگبر) أخذني يزن بعد ما أتصلت بي وهو مره يسب ومره يغلط على دموع وسجاد ومره يكفر يعني سوه الطريق عليه كوكتيل لآن ميعرف شيگول من وصلني للمستشفى وأتصل على دكتوره هو يعرفها وتعرفه ومن اجتي علينه شرحلها يزن وضعي الوضع مالتي ورجع أكد عليها انه تثبت الحادثه لان راح يشتكي على سجاد ويگول/راح اليوم يوگع بيدي الغ*ي بعد ما اثبتها عليه عن طريق الشرطه حادثة أغتصاب أخته ارجع عشائرياً أهدر دمه بعدها والله إلا اتفنن بت***به يله اكتله والدكتوره بقت متعجبه شلون أخوها م***بها وأخذتني وياها ودخلتني يمها بعد ما فحصتني گالت/ گومي حبيبتي لبسي لبست وطلعنه أني وياها بهذا الوقت الي اني بي بالفحص يزن مشتكي بي يم أمن المستشفى حتى يثبت الحالة مبدئياً لهذا واگف يمه ضابط اول ما طلعنه وشافنه گال للدكتوره/ هااا ثبتي الحاله هي جاوبته/ مع الاسف يزن حادثة الممارسة موجوده بس سائل منوي لرجل ماكو لهذا صعب تثبت من قام بهاي الممارسة انصدم يزن من كلامها وگال / آني اريد اوگع واحد نغل مثل سجاد هذا ما يترك آي دليل ورا واللعب ويا مو سهل راح الضابط الواگف وأني سحبني يزن من أيدي وآني أمشي ويا بدون روح لان ما راح أگدر أخلص من سجاد صعدني يزن بسيارته وظل يفر بيه بشوارع آخر شي وگف على جسر ونزل وفتح باب السياره الي من جهتي وجرني من أيدي ونزلني وگفنه يم سياج الجسر واحنه نباوع على مي نهر دجله ويزن يگلي / أنتي روحچ مثل هذا النهر ترفع منسوبه بكثرة الأمطار وأنتي ارتفعت ههمومچ حتى غطت على روحچ من أقرب الناس الچ هنا وعيت على نفسي من گال يزن كلماته الأخيرة نزلت دموعي وگتله/يزن اكو وجع بگلبي اريد يخف هذا الوجع گال / صرخي عيطي هنا لان جسر والسيارات رايحه راده لهذا ماكو واحد يسمعچ ولاتخليها مكتومه بص*رچ گتله/ هذا الوجع ما يطلع بصراخ ولا بدموع باقي بالگلب گلي يزن شسوي گال / آيسن شوفي مال يعوفچ سجاد مستحيل لهذا اگلچ يا بنت خالي اجي اخطبچ واطلعچ من بيت اهلچ بدلة عرس وأنه انتي مزوجه والماضي اقفلي عليه حتى تگدرين تعيشين حياتچ گتله/ يعني شنو لازم اقبل واني ضحية وادمر حياتي لا هذا يسمو تهريج هو يعيش حياته ما عليه شي وأني أدفن روحي بگبر شنو ذنبي گلي گال يزن / اي كلام بعد ما يفيد لان متعرفين شيصير بيچ ويا سجاد واتقي شره ويگول ابو المثل ابعد عن الشر واغنيله وأنتي لازم تبعدين عن سجاد واطمئني ما ألي دخل بيچ تبقين يمي وأصرف عليچ من دينار للمليون ومن تكملين دراستچ بعدها انتي تقررين تبقين لو تروحين باوعت عليه شفته يتأمل بملامح وجهي وگتله/ موافقه نزوج بس ما تتقرب عليه گال/صار أني عند وعدي الچ مالي أي علاقه بيچ واي سيره للموضوع مال اليوم لا تحچين بيها ويا احد وخصوصا ً ويا خالي اصرفي طبيعي گتله/ يزن وابويه شلون يبقى وياهم ما آمن عليه يمهم گال / آيسن ما أگدر أسوي شي لخالي لان تحت وصاية سجاد وبحكم محكمه گتله/ يزن بيوم أبويه من طلع من العمليه چان تحت تأثير البنج شلون چان يذكر اسامينه وهو ما يحچي گال / لا هو صار حدود ألسنه ونص من رجعله النطق بس ناذر ما يحچي ويه آهل بيته الا يرجع مصطفى بس اني ياسين يحچي ويانه لإن نذره بس على اهل بيته موعلينه على هذا الحديث أنتهى الكلام بينه ورجعنه للبيت ومن دخلت لگيت الكل موجودين حتى سجاد وأول ما شاف*ني دموع ظلت تغلط وسب بيه وتض*ب بيه على ظهري وتگلي/وين چنتي دايحه وهسه اجيتي خاف مثل ما ذيچ المره ما ادري منو صخمچ وذبيتي التهمه على سجاد وما أستغرب اذا هسه أعرف بيچ حبله عادي وألا وين تروحين عفتها ورحت وگفت يم أبويه واباوع على سجاد الي چان يغمزلي وما فهمت ليش مركز بنظره عليه وبقت دموع تغلط وتحچي لما صار المغرب أجى يزن على أبويه ومن دخل أني چنت گاعده والكتب گدامي بس حتى ما دى ادرس نظراتي ما مستقره على نظراتي بالفراغ وابويه دى يصلي المغرب صار گدامي يزن من شفته أحس أريد الگاع تنشگ وتبلعني لان اخجل من يزن عبالك گدامه احس نفسي عريانه لآن كل شي يعرف عني گعد وگالي / آيسن چاي راسي مصدع حسيته يريد يصرفني لآن ابويه قرب يخلص صلاة اني گمت من دى طلعت من الصاله شفت دموع واكفه يم باب الصاله ومبينه جاي تصنط اني عبرت من يمها چان تغمني عفتها وفتت لان اي حچي ما يفيد وياها اخذت مي ليزن ورجعت للمطبخ ودموع بنفس وكفتها بعدها دى أسوي بالچاي وگبت العيطه بين دموع ويزن وبده مصايح بينهم وهي تگله/ وشنو انطيها آلك يا الشايب واحنه ناقصين شياب شنو فاتحين دار عجزه شايب واحد عدنه كافي أنوب أنت وهو يزن يگلها / لا اعوفها يمچ انتي وابنچ حتى تگو...عليها وبحجة المتعه وزواج حلال وهي گوا.... تحت مسمى ثاني وهي تگله/ زواج حلال حتى يستر عليها شبي شو على سنة الله ورسوله جاوبها يزن / اي صحيح حلال وعلى سنة أبليس وشياطينه اگلچ آيسن بنت خالي وأني احق بيها من اي واحد وانتي آمنيه عدنه على حقوق الآنسان اني هم ما خذها استر عليها قابل الي جبتوا أنتي وابنچ احسن مني وهي بعد ما عدها حجه لان يزن ضغط عليها وبنفس حججها يعني خ** الحچي أسلوبها ويرجعه عليها گالتله / يجي أخوها سجاد وگله لإن هو رجال البيت ضحك يزن ضحك مو طبيعي وگاللها/ اي صح هو نثية البيت حتى موذكر عيني ابوها موجود واخطب منه مال اخلي أيدي بيد ملحد وارهابي شبيه الا ما عندي عقل ولا آني مخبل ولا مخرف وفاقد الأهلية وهي تخبلت من كلامه گامت شبچ بالحچي بس هو گاللها يوم الخميس اجي اخطبها وبعد أسبوع العرس وعافها وطلع وخلاها تدردم وحدها ومن طلع يزن إتصلت دموع بسجاد ألي بدوره ما اجى الا بالليل ومن عرف بالموضوع اتخبل أني چنت گاعده وسمعته من چان يحچي ويغلط على يزن لهذا غطيت راسي وسويت روحي نايمه بس هذا ما منع سجاد من انه يفتح ضوه الصاله ويجي يسحب المفرش من فوگي وهو يگلي/ گومي أنتي شنو موافقه تزوجين يزن گمت بسرعه على طولي وگتله/ أي موافقه ازوج يزن وهو تخبل أجى عليه خنگني ويگلي لو تموتين الا أخليچ هيچي وما أزوجچ لاي آحد بعدين گال لدموع / تبلغي يزن اني ما موافق وين ما يخلي راسه يروح يخلي رجله ما عندي بنيه للزواج واح سجاد دخل للغرفه وأني بقيت اباوع على أبويه وهو هم على صياح سجاد گعد رجعت نمت بمكاني وبعد جهد ومقاومة الارق يله نمت وگعدت الصبح على أبويه وهو يگعد بيه لان تأخرت على دوام المدرسه گمت على السريع بدلت واخذت جنطتي وطلعت أركض وصلت قريب المدرسه شفت ياسين وصاح عليه بس اني اجاهلته ودخلت للمدرسه وياسين دائماً چان قبل ما يروح على دوامه يوگف قريب على المدرسه وبسبب اني قبل بيوم كل شي ما محضره المدرسه گامت تحچي عليه وحتى أخذوني للمديره وبدت المديره ترزل بيه واتصلت على يزن وبلغته انه هذا حدها لآيسن بعد راح تنقلني بغير مدرسه وبعد مجادله بين المديره ويزن انتهت مكالمة المديره انه ارجع للصف بس باچر ما أرجع للمدرسه ولا أدخلها الا ويايه ولي آمري رجعت على الصف وأني ما اعرف أركز بأي شي بالدراسة ومر اليوم الدراسي وطلعت اسحل بنفسي وكل **ره تن**رها نفسي تخلي قوتي تنهار وما عندي أي مقاومه امشي وما حسيت الا واحد يگلي/ مب**ك شلون ما گتيلي انه انتي بعلاقة ويا يزن وحب وغراميات والله يا عمي شگد عرمه عمرچ 17 سنه وصدتي واحد عمره بالخمسين شتحسين وهو عنده عائلة التفتت ورايه شفته چان ياسين گتله/ لا تحكم من راسك واني ما وعدتك بشي ياسين اني هذا شي بمخيلتك بس لهذا ابتعد عني أحسن گال/ لا مو بمخيلتي بس لان اني كاشفچ بس فضلتي يزن على ياسين ذاك اموره زينه مو مثلي فضلتي يزن لان هو آبو الخبزه بس أنتي مزوجه رجال بالخمسينات يعني احسبي حساب كلها سنتين ثلاتة صيرين ممرضة مو زوجه وراح تعانين من شوفين بنات غيرچ مزوجات شباب إضافةً الى هرموناچ لازم شاب مو شايب حتى حقچ الشرعي ما ينطيچيا فكري آيسن إذا انتي تستحين تگولين ليزن اني ما أريد الزواج منك أني مستعد احچي ويا وباچر اني آجي اخذ منچ الجواب وعافني وراح وأني انعل سجاد الف بگلبي لان هو سبب دمار حياتي حتى ما عشت مراهقتي وحبيت ونحبيت وحتى هسه بزواجي ما مسموحلي اخذ شاب بعمري واعيش حياتي على گولت يزن ماكو شاب يقبل ببنيه ملعوب بيها رجعت للبيت ومن دخلت شفت موج ويعرب گاعدين يسولفون ويضحكون اني دخلت للمطبخ مقري من أبويه ما موجود واني صافنه ليش ألي متريد الرذ*له تجي المصايب والسمعه المو زينه وليش الي أصلاً هي ما مخليه درب اعوج ما داخله بي حظها زين لا والناس الي شوفها بعينها تغطي بذ*لها والشريفه يشهرون بيها شهر بس بدلت ودى أسوي غده دخل أبويه ويعرب شاف أبويه وگام سلم على أبويه وظل يسولف سوالف عاديه وأبويه بس يهز راسه وهو كل ما اجي على أبويه لو انطي مي او خاولي هو نفس نظراته الوسخه يعني أخلص من سجاد هنا يطلع يعرب بيت يزن يعني نفس الطاسه ونفس الحمام بذيچ الفتره يروح يعرب يجي بمكانه يزن ويا ريت من يجون بشي بي خير ولليل أجى يزن بس عيونه بگصته وهو كل شويه ينتر بيه بالحچي في حين هو ما دى احچي شي ويا بس بحجة يصخرني على مي او چاي او اي حجة واني متعجبه عليه شبي هذا شو ساعه يساعد وحتى من يحچي كلامه بحنيه وساعه ينتر نتر بالكلام وبعدين راد يطلع اشرلي تعالي للگراج هذا الگراج صار كازينو الي نلتقي بي طلعت قبله وهو ورايه بس شنو بسرعة جرني من أيدي قوي وصلني يم الباب الرئيسي وگلي ينتر / شعندچ ويا ياسين شو اليوم محروگ عليچ ويدافع وصاير من منظمة حقوق الآنسان ويذكرني اني شايب وحرام عليه اظلمچ ويايه ولا تگليلي ما عندي شي ويا احچي كلام ينعقل والا أ**ر سنونچ بحلگچ جريت أيدي من عنده قوي وگتله /شبيك ما عندي شي ويا شنو تريد حجه عليه هذا شي يخصه آني معليه يعني اني مسؤوله على الي سوى بيه سجاد وهسه مسوؤله على مشاعر ياسين وچان يگلي / ولچ ل**نچ لا أطيح حضچ لا تگولين مسؤوله وما مسؤوله لما شايف من وجهه ما يچي عليچ وگلتي لياسين انتي ملعوب بيچ لو مبقيته على عمى عينه كل رجال اذا ما يشوف وجهه من البنيه وتكون خفيفه أصلاً ما يروح عليها هسه فهمت سجاد ليش آجى عليچ وما اجى على موج لما انتي تلمحين اله بحركاتچ گتله/ أحترم نفسك يزن اني ما اسمحلك لمن انت شوفني هيچ على شنو تريد تزوجني عوفني هنا گرصني من زندي قوي ويگلي / اي حتى ترتاحين وسجاد وتدرين ليش ازوجتچ حتى استر عليچ وأخلص هذا الشايب المسكين لا تحبلين تركبي العار ويموت وهو راسه بالطين من وراچ ظليت افرك بزندي لان گرصته قويه وعفته ودخلت جوه للمطبخ لأن أريد ابچي وإني أعرف هاي حادثة الا****ب راح شكل اكبر عائق بحياتي هو الي يعرف ومتأكد من كل الي صار يظن بيه ويحچي عليه هيچي شحال الباقين لو عرفوا شيصير وأي أحتمال آنه أزوج واحد غير يزن مستحيل لهذاما أقبل أبد بيزن وانچب وأسكت وأتحمل كل نقمه بحياتي غسلت وجهي واذكرت المديره من رزلتني بس گالت جمله ظلت بالي وهي چانت سبب نجاحي واتمنى اشوف هاي المديره الي جملتها چانت اكبر حافز ألي گالت/ بنتي كل شي ملحوگ عليه الموبايل والحب والصديقات بس اذا فات عمرچ بعد ما تلحگين عليه هذا مستقبلچ والله ماكو واحد يفيدچ لا زوج ولا اب ولا اخ بس شهادتچ هاي سلاحچ الي تحاربين بي الدنيا كلها وتحمين بيها نفسچ وصح كلامها بديت احس بواقعية حچيها من خلال معاير يزن إلي اخذت جنطتي وگعدت أدرس واني بداخلي هدف انه دراستي اهم شي بحياتي وعلى ثاني يوم گعدت من الصبح بعد الريوگ والتبديل طلعت لگيت يزن واگف بالباب لآن المديره بلغته من اتصلت عليه انه ما أدخل للمدرسه الا انت وياها لهذا ما حچيت شي حتى ما صبحت عليه گبل صعدت ويا بالسياره وهو هم ساكت لما وصلنه للمدرسه ودخلنه وچان اصطفاف وخلص واجتي المديره دخلت للأداره واحنه وراها وبدت المديره بالرزايل من صباحية الله وتگله ليزن/ كل تحضير ما عدها المدرسات يشكن منها بس صافنه بالدرس شنو عاشگه وتصفن احنه هنا مدرسة متميزات مو **لانات وبعدين أكثر من مره مراقبين اكو شاب يوگف على مودها قرب باب المدرسه وهذا الشي يسيئ لسمعة المدرسة اذا هي ما تخاف على سمعتها احنه نخاف على سمعة المدرسه والطالبات وبقى يتعذر يزن وعدها بخلال أسبوع اذا ما تحسنت بالدراسه تنقلني لغير مدرسه وهي وافقت على كلام يزن بس شنو من گالتله اكو شاب يوگف على مودها تحسه موجر من العصبية بس ما بين شي گدامها والمديره گالت/ روحي للصف وإذا تراجعتي بمستواچ ما تبقين بالمدرسه وأني رحت للصف وبده اليوم الدراسي وچنت زينه ومن طلعت لگيت ياسين واگف وحاولت بكل جهدي أتهرب منه قررت بعد ما احچي ويا ياسين او يزن حتى ما انجرح من كلام احد ولا اصاب بخيبة امل بس هو لحگ بيه وگلي آيسن ليش تتهربين مني اني احبچ والله أنتي روحي اني حاچيت يزن البارحه وهو گلي هي تحبني واني احبها وقررنه نزوج ليش ما گتيلي چان ما حبيتچ ولا تعلقت بيچ ان شاء الله ما تنسعدين بحياتچ وخطيتي برگبتچ حتى ما عرفت شنو اگول ولا أبرر لان عافني وراح بعدني ما مستوعبه كلام ياسين آجى يزن بسيارته وصاح عليه أجي اصعد ويا بسيارته رحت صعدت يمه وهو بده كلامه ويايه بصياح گالي / لچ إنتي تحبين ياسين ومن شوكت عدكم علاقه ليش ما گتيلي واني مال موضوع سجاد اغتصبني ما اصدگ هاي عندچ علاقه بياسين وردتي تخلصين من مشكلة انچ مو بنيه ذبيتيها براس سجاد ولچ أنتي شنو بشر شيطان ما يخطر هذا الشي على باله يمچ الشيطان يتعلم منچ گتله/ ما عندي شي لا ويه ياسين ولا وياك لهذا لا تگول لاحد عندي علاقه بآيسن فهمت وتش*ه سمعتي وهو يگلي/ لچ أنتي كل عقلچ يا سمعه حبابه وانتي ملعوب بيچ بس هين هسه ابلغ ياسين وبعدين شوفي اذا بعد تفل بخلقتچ وجان وصلني لباب بيتنه اني نزلت أركض من يمه وعرفت يزن راح يبدي يشهر بيه حتى لا احد يتقرب عليه لان ما يرضى لأخوه وحده مثلي بدخولي للبيت سمعت دموع تحچي ما أدري ويا من تگول/ يردونها لياسين شنو اني ما عندي عقل وأقبل انطي الهم ظليت أفكر شنو ياسين يريد يخطبني هسه مو چان يحچي عليه گلت بگلبي هذا مسكين هسه يزن يگله ويصدمه صدمة عمره بعد ما فكرت بأي شي ومرت الأيام عاديه الى اليوم الي حدده يزن اني چنت معتقده انه نلغه الموعد ألي حدده يزن لان بعد ما شفته ورحت للدوام عادي ومن رجعت هم البيت هدوء الي يشوفنه ما يگول اكو اليوم وحده راح يجون يخطبوها وأبويه هم أجى من السوگ وتغدينه وگعدت أدرس وقريب الساعة 4 العصرسمعنه صوت هورنات مال سيارات هوايه اني عبالي بالبدايه زفه بفرعنه لبنت من بنات فرعنه لهذا ما گمت من مكاني الا ما فتح يزن الباب ودخل ويا زلم من ضمنهم عمو كريم الي مثل هلال العيد لان ابد ما انشوفه أبد وياهم سيد ومن دخلوا العجيب بي بس زلم ماكو اي نسوان وياهم اني اخذت كتبي ودخلت أركض للمطبخ وهمه دخلوا وماكو بس أبويه دخلوا وگعدوا وماكو واحد يروح يقدم إلهم لا مي ولا چاي بعدني أفكر بهذا الشي دخل يعرب وبيده بيبسي وكيك وهو يگلي / راح صيرين بيتنه انتي راح تكونين الضحية الي راح يضحون بيها واذكري كلامي اني ظليت صافنه عليه هذا شيحچي بس ما اهتميت شنو يگول لان اني مقرره ما اقبل بيزن ما متوازيه وهو يعيرني دائماً شزوج منه وين ماكو اتهام يذبه على راسي وحچى يزن وطلبني من أبويه وعمو كريم وهمه وافقوا واجى عليه يزن للمطبخ وهو يگلي /لبسي عبايه وتعالي ويايه حتى نعقد گتله / اني ما أريدك يزن عوفني وبعد شيصير بيه انت ما مسوؤل عليه گال / لچ امشي گدامي دى أعقد عليچ لا أخلي يومچ أ**د فهمتي بسرعه بعدني اريد اجاوبه وسمعنه صوت سجاد بالصالة وهو يگول / يزن ما الك مره عندي واذا متطلع منا هسه اترسك رصاص عافني يزن وراح على الصاله وصاح بسجاد وگله / سجاد اسكت لا اخليهم يغلفوك فهمت أبوها موجود وخطبت منه أنت شكو گله / يزن انت تلعب على نفسك ابوها مخرف شلون تخطب منه اني ولي امرها ويله انت سيدنه تفضل الله وياك ما عدنه نسوان للزواج هنا الي صار انه يزن هد على سجاد حتى يض*به والموجودين صاروا بينهم حتى لا يضاربون وسجاد گال جمله كلف*ني هوايه ومن ضمنها هد عليه وائل ابن عمو كريم بالسچينه يتبع ملاحظه / اشكر كل متابعيني وتحيه لكم من القلب ألى القلب دمتم في آمان الله وحفظه أختكم الزهيرية الزهيرية تصويتكم يسعدني ا

Free reading for new users

Scan code to download app

App Store Google Play

Facebookexpand_more