Chapter 36: Against
Rox's POV
Nakangiti akong lumapit kay Zeph at Jaz na nakapila ngayon sa canteen. Pero paglapit ko ay nakakunot agad ang noo ni Zeph sa akin.
"Bakit ganyan ang mukha mo? Ano na namang problema mo?"
Nagitla ako sa tanong ni Zeph sa akin, masyado bang halata sa mukha ko na problemado ako? Napabuntong hininga na lamang ako.
"Hayaan mo muna siyang mag-isip Zizi, para saan pa't malalaman mo din 'yon."
Sa pagkakataong ito ay sabay kaming napatingin ni Zeph kay Jaz, bahagyang napakunot ang noo ko. Bakit pakiramdam ko, may alam siya sa nangyayari?
Bago mag-uwian kinukulit ako ni Zeph kung nasaan si Ranz, sabi ko nalang hindi ko alam. Alam kong sa kanilang dalawa ni Jaz, siya ang mas nagdududa sa mga kinikilos ko dahil nababasa ko sa reaksyon ng mukha niya na sa tuwing mag
