BAYOLENTENG napalunok si Summer. Nakatingin pa rin siya kay Colton at gano’n din ang lalaki sa kaniya. Nanatili pa rin itong nakatayo malapit sa private plane, na alam niyang pag-aari din nito dahil sa apilyedo nitong naka-engrave sa gilid n’yon.
Sa gilid naman ng kaniyang mga mata ay nakikita niya ang mga tauhan nitong nakakalat sa paligid. Alertong nagmamasid.
Humigpit ang kapit niya sa handle ng hawak niyang maleta.
Wala mang emosyon ang mukha nito pero ang mga mata nitong nakatingin sa kaniya ay kasingdilim naman ng langit. At kahit may ilang metro pa ang distansya nilang dalawa ay ramdam na niya ang galit na ibinubuga ng katawan nito.
Dahilan para mapaatras siya nang magsimula na itong humakbang palapit sa kaniya.
“Sige, Ma’am, iiwan na namin kayo. Have a safe flight.”
Saka l
