"THANK you, Asunta," wika ni Paige kay Asunta matapos nitong i-abot sa kanya ang pinamimili niya para dito.
Inutusan kasi niya ito na bilhan siya ng pizza na dadalhin niya sa pagpunta niya sa condo ng kaibigang si Aria. Tumawag kasi ito sa kanya kagabi, may gusto itong sabihin sa kanya. At kung hindi daw siya busy, puntahan na lang daw niya ito sa condo nito at doon na sila mag-usap na dalawa.
Sinabi naman niya na after na lang ng taping niya. Saktong malapit lang ang lugar kung saan sila nag-taping sa kinaroroonan ng building ng condo nito. Kaya sa halip na dumiretso siya sa condo niya pagkatapos ng taping nila ay inutusan niya si Asunta na dumiretso kay Aria.
Tinawagan din niya kanina si Greg para ipaalam dito ang pagpunta niya sa kaibigan. Okay naman dito at sinabi lang nito sa kany
