SHANG'S POINT OF VIEW
Nagising ako na kumikirot ang ulo. Malamang ay dahil ito sa alak na ininom ko kahapon. Konti lang naman ang nainom ko pero mahina kasi ako pagdating sa alcohol eh. Bumangon ako at napansing may katabi ako, si Angel pala.
"Ang aga mong nagising." bigkas ni kuya. Sa pagkakaalala ko ay sa sofa siya natulog at kami ni Angel 'yung natulog sa kama.
Mahina akong tumingala sa kaniya sabay hawak sa kumikirot kong ulo. "Nagbibihis ka kuya, bakit? Anong oras na ba?" tanong ko.
"Ala singko pa lang," walang emosyon niyang sagot matapos niyang maisuot ang coat niya.
"Bakit ang aga?" tanong ko kasabay ng pag-alis ko sa kama. Inabot ko ang tsinelas ko na nasa ibaba ng kama at isinuot iyon. Hindi ko ugaling mag-paa sa malamig na tiles. Sumasakit kasi ang tuhod ko. Para na akong
