“Mara? Okay ka lang? Kanina ka pa singhot nang singhot diyan!” takang tanong ni Nancy isang panibagong araw sa trabaho habang nagma-mop kami sa hallway.
“Ayos lang ako, Nancy,” tanging sagot ko at nagpatuloy sa ginagawa kahit namamanhid ang braso at ramdam ang bigat ng mga balikat.
“Napapabayaan mo na naman yata ang sarili mo, ah?”
Inangat ko ang mop at pinigaan sa lagayan nito. “Hindi naman. Nagkataon lang.”
“Uminom ka na agad ng gamot!”
Ngumiti lang ako ngunit napayuko rin noong bumahing na naman. My nose feels runny. Nangangalumata rin.
“Dapat hindi ka na muna pumasok, eh,” sabi ng kaibigan at hindi pa rin mapigilang mag-alala.
“Oh, napaano ‘yan si Mara? Ba’t bahing nang bahing?” sulpot ni Joanne na kakalabas lang sa isa sa mga hotel room at tinutulak ang cart ng mga rest
