Hindi na ako lumabas buong tanghali at hapong iyon. Ginugol ko na lamang ang oras sa aking kwarto. Bandang hapon noong narinig ko ang tunog ng pinto at sinundan ng katahimikan. M-Mukhang umalis na siya…
Pagtapos pakiramdaman ang paligid, nagawa kong unti-unting buksan ang pinto ng aking kwarto para sumilip sa labas. Ang abnormal na t***k ng puso ay dahan-dahang kumalma noong nakita kong wala na ngang tao sa sala.
Bumagsak ang tingin ko at nakaramdam ng kaunting kirot sa aking dibdib.
I realized that he had to leave after a fight… hindi na rin naman ako lumabas kanina at hindi niya na rin naman kinatok pa ang kwarto ko.
Ito naman ang gusto mo, ‘di ba, Mara? Ang tigilan niya ang kahibangan… ang laging pagdikit sa ‘yo, ang pagsunod, kaya wala kang karapatang magkomento kung sakaling g
