Kung paano ako nakahakbang palapit sa kaniya ay hindi ko na alam. Pakiramdam ko ay makakakilos na lang ako kapag nasa paligid siya kapag naging de baterya ako.
Kinunot ko na lang ang aking noo nang nakalapit. Tinatanong ng mga tricycle driver doon kung ako ba ang asawa niya.
“Iyan nga, boss. Wala nang iba,” saad niya at kinuha ang bag ko.
Pumait ang aking ekspresyon lalo pa’t ngiting-ngiti naman ang mga driver sa amin! Nakatambay lang ang mga iyon sa pilahan at kumakain pa. Ano bang ginagawa niya rito? Paano kung may makakilala sa kaniya?
Pakiramdam ko ay nanakit ang ulo ko!
“Bakit ka nandito?” tanong kong ibinagsak ang mga balikat.
Alam kong sinusundo niya ako, pero hindi niya naman ‘yon kailangang gawin. A-And aren’t we… not okay anymore? Hindi ba’t may kahibangan siyang gina
