من خلف الزجاج ( الجزء الأول )

الفصل الرابع ( 4 )

#من_خلف_الزجاج

البارت الرابع

لترى سيارة فرح تقف أمامها

حياة باستغراب: فرح

فرح بابتسامة: انا قولت لازم اجي اخدك بنفسي

حياة: شكرا معايا عربيتى

فرح :لا ماهو الونش خدها عشان ركنتى فالممنوع

لتنظر حياة لها بضجر فهى تعلم بانهم لم تفعل ذلك وبالتأكيد من أفعال فرح لتنال رضاها وتمدحها أمام أخاها وحبيب فرح

حياة بضجر :والله عمري ما عملتها بس اشطه ماشي ..يالايانور

نور وهى تمسك يديها: يلا ايه اركبي معاها

حياة :اركب معاها ايه اسكتى انتى ...روحى يافرح

فرح بدهشة: اروح ..

نور :اركبي يابنتى

حياة :هروح معاكى

نور :انا هاخد الاتوبيس

حياة :اشطه

فرح بصدمة :هتركبي الاتوبيس ياحياة

حياة :اه فيها ايه عملتها كتير

فرح: تعالى هوصلك انتى وصاحبتك

حياة :متشكرين

لتمسك يد نور وتركض بسرعة وهى تشير الاتوبيس هو يتحرك

حياة وهى تركض: بأي يافرح اشوفك فالبيت

تظل تضحك هى ونور وهم يركضوا للاتوبيس معا ويركبوا

نور: هههههههههههههه انتى مجنونة

حياة :جدا على فكرة

نور: امممم معترفة بده كويس

تركب فرح سيارتها وتتصل بهاتفها

فرح بغضب: وصل الخبر لادم بأي طريقة ..

وتغلق الخط بغضب

_________________

تجلس شهد مع سما فالشقة ليدق الباب لتفتح الباب شهد

شهد بسعادة :نونو. ...نور جت ياماما

وتعانقها بشده لتبتسم نور وهى تعانقها

سما :الله حمدالله على السلامه ياحبيبتى

نور بابتسامة : احنا هنعيط ولا ايه اتعودوا على كده

لتمسح دموع سما بأناملها

سما :دى دموع الفرح ياحبيبتى بيكي انك حققتى حلمك

لتمسك شهد يد نور وتديرها حول نفسها وهى تتأملها ف زيها الرسمي للعمل

شهد: ايه الحلاوة دى يابت

نور :هههه شوفتى بقا

سما: هحضرتك الغداء على طول

نور وهى تضع يديها على معدتها: لا مش قادرة ليه ض*بة طبق كشري من اللى قلبك يحبه

شهد وهى تض*بها بضجر :من غيري

نور: ااااه مع واحده صحابتى

شهد: كمان صحابتك لا ده انتى احكيلى كل حاجة بالتفصيل تعالى

وتأخذها لغرفتها وتحكي لها كل شئ

____________________

يدخل عمرو على ادم مكتبه

عمرو وهو ينظر للورق واللاب: فى حاجة ياعمرو

عمرو باستغراب ودهشة :فى ضابط اتصل وعايزك

ادم وهو يرفع نظره له بدهشة :عايزني انا ليه وازاى عايزنى اصلا هو مش عارف انا مين

عمرو: مش دى المشكلة

ادم بعصبية :لا دى بالنسبة لي المشكلة

عمرو :المشكلة أنه بيقول أن عربية حياة عندهم وعليها مخالفة

ادم :حياة ومخالفة مع بعض فجملة ازاى دى حريصة جدا فسواقتها ثم ان حياة فرحلة عملت مخالفة امتى

عمرو: معرفش بقا

ادم وهو يعود للعمل ببرود :اتصرف ياعمرو انت او ابعت يزيد يتصرف لو مش هتعرف

عمرو بضجر :انت بتقلل منى يعنى

ادم: اتصرف سمعت

عمرو :حاضر

ليشير له بأن يرحل من مكتبه ..ليخرج عمرو ف**ت

__________________

تجلس حياة على السفرة تأكل بشراسة

بسنت براحة :يابت محدش بيجري وراكي

حياة وهى تنظر لفرح الجالسة على الأريكة تقرا أحد المجلات وكأنها لم تفعل شئ :اصلى خدت النهاردة حتة خزوق يامامي ..تصورى

بسنت :ومين اللى ادكي الخزوق

حياة بغضب وهى تاكل :حد عايز منى مصلحة غالية عليه بس وحياتك ياست الكل ما هنوله اللى فباله بعد الخزوق ابن الجزمة ده

بسنت :متحوريش عليا يابت اتأخرتي ليه النهاردة

حياة: اصلى جيت مواصلات

بسنت: ليه

حياة وهى تقف: تصورى ركبت اتوبيس المطار مع صاحبتى

بسنت بدهشة: صاحبتك واتوبيس من امتى ياست حياة وتكرمتى وصاحبتى ناس فالمستوي ده

حياة: مش دايما تقوليلى أنهم زينا ادينى سمعت كلامك وصاحبتها ...بس بت حاجة كده كيوتة يامامي وجدعة تصورى لسه جديدة اصلا اول رحلة ليها النهاردة وهتنزل بعد بكرة بدل واحد زميلنا مراته حامله على وشك ولادة

بسنت: ده انتى عمرك ماعملتيها ونزلتى مكان حد

حياة : هى جدعة انا لا هههههههه هعرفك عليها فمرة

بسنت: ياريت ياختى

ليدق باب القصر لتفتح فرح لتجد مريم

مريم: ازيك يا فروحة

وتدخل

بسنت بضجر وغضب: انتي نورتى

مريم :ازيك ياطنط

بسنت: كويسة

حياة: تعالى يامريم قولى لماما مش مصدقة انى صاحبت نور

مريم :ده ض*بوا كشري فمحل فالمعادي تخيلى وركبوا الاتوبيس بتاع المطار

بسنت :بركاتك ياشيخة نور دى الناس اللى تصاحبها مش ناس مصلحجية

مريم ببرود :شكرا ياطنط الله يخليكى مش عارفه من غيرك مين هيهزقنى

لتدخل بسنت لغرفة خديجة

حياة وهى تصعد معاها السلم :فكك ياموزتى تعالى لما احكيلك ..تصورى الواد اسلام اشتغل مع ادم وهيسافر

مريم :قولى وربنا ده واضح أن حصل كتير فالبيت ده فغيابى

____________________

يرن منبه نور لتفتح عيونها بتعب

وعد بضجر وهى نائمة :اقفلى البتاع ده عايزة انام

لتجلس نور على سريرها بضجر لتغلق المنبة وتربط شعرها برابطة الشعر وتقف لتستعد لرحلة جديدة للعمل

لترتدي زيها الرسمي وتستدل شعرها على ظهرها وترفعه من الجانبين وحذاء اسود بكعب وتاخذ شنطتها وتخرج

سما :خلى بالك من نفسك

نور: حاضر

وترحل

_________________

ينزل اسلام من الاعلى وهو يرتدى بدلة سوداء وقميص روز ويمسك بيديه شنطة سفر صغيرة

بسنت بابتسامة :عشيت وشوفتك يااسلام بتشغل ربنا يصلح حالك يابني

اسلام وقلبه ينبض بقوة: يارب

حياة: واد يااسلام لو الضيافة معجبتكش قولى وانا اقطعلك رقبتهم

اسلام :لا هتعجبنى مالكيش دعوة محسسنى انك ماسكة المطار

حياة بغرور: يابنى لو عايزة ادم مش هيقولى لا

ادم وهو يقف ويضع يديه فجيب بنطلونه ببرود وكبرياء: اسلام خد بالك من نفسك ..ومش هوصيك على الشغل ..انا خليتهم يجهزولك ضيافة مع رجل

اسلام وهو يبتسم فهو لا يعلم بأنهم غيره المضيف لراجل :حاضر

ادم: يالا عشان متتاخرش

اسلام :سلام

ويخرج من القصر مع ادم وهو ينظر لساعته يريد الوقت يمر ليري صاحبة هذا الصوت التى جعلت قلبه ينبض بقوة يصل للمطار معه

ادم: خلي بالك من نفسك

اسلام :حاضر

ليدخل اسلام للصالة يقف ادم ينظر عليه ليري فتاة(نور) ترتدى نفس زى اخته فعملها تقف خلف زجاج الصالة من الداخل وتمسك بيديها كوب من القهوة وشاردة وهى تستمتع بقهوتها ......

يتبع.........

#نور_زيزو