Dahil nga at pista ngayon sa aming barangay ay binigyan ako ng leave ni Landon. Ang bait ng putragis sa ‘kin. Hindi ko nga alam kung ano ang nakain niya eh. Tumutulong ako sa paghihiwa ng mga pansahog sa niluluto ni mama.
“Menchie, tanungin mo kaya si, pogi kung anong oras siya pupunta rito,” aniya. Kumunot naman ang noo ko.
“Sinong pogi?”
“Si, Landon. Sabi niya makikipista siya rito eh. Para naman mapaghandaan ko siya at alam mo namang darating na mamaya ang mga bisita natin. Gusto ko may espesyal siyang upuan,” sagot niya.
“Baka mamaya pa Ma, alam mo namang busy iyon at may trabaho pa,” sagot ko.
“Nakita mo na ba ang mga magulang niya ‘nak? Parang ang bait niyang bata eh. Panigurado mabait ang magulang niyan.”
Napaisip din ako. Nakikuwento niya ang parents niya pero hindi ko p
