رواية ليتني لم أكن أنا للكاتبة إسراء محمود

تعريف الشخصيات سديم..بنت عادية،في تالتة ثانوي هي مصرية عايشة في مدينة القدس الفلسطينية،مع باباها ومامتها وأخوها الاكبر منها..عينيها واسعة ولونها بني غامق،وشعرها اسود طويل وملامحها هادية -------------- لين...صاحبة سديم المقربة،في تالتة ثانوي بردو وهي مصرية وظروفها نفس ظروف سديم،عايشة في مدينة القدس مع باباها ومامتها وأخوها الأكبر منها،باباها يبقى رجل اعمال كبير..بس دايما بيصرف فلوسه على الفاضية والمليانة...وشرب المخ*درات ويسهر برا البيت،... أما ملامحها فهي عيون عسلي وشعر بني طوييل. ------------بقلمي إسراء محمود ❤---------- "ليتني لم أكن❤" مقدمة سديم قاعدة على الكنبة حاطة راسها بين كفيها من الصداع الرهيب،خلاص مش قادرة تستحمل..الصوت دة ب*ع،دة كله الناس بتصوت،ايه مبيتعبوش..مش بيبطلوا ليه،قاعدة تايهه...مش عارفة تزعل على موت باباها،وإن اخوها عا** هو اللي هيتكفل بيهم،ولا تفرح إن الشخص اللي بيكرهها في حياته كلها،وبيعاملها أسوأ معامله مات...دخل فجأة عا** أخوها عا** بغضب: وصوت عالي:فيه ايه منك ليها،مسمعش صوت واحدة فيكوا،خلاص الميت اتدفن، بطلوا نياحة على الفاضية والمليانة سهير عمته:فيه ايه يا عا**،اخويا مات مش عايزنا نحزن عليه عا** بضيق:هي كلمة قولتها،هسمع صوت،مش هيحصل طيب. قال كلامه وخرج،أما سديم فمحستش بحاجة غير إيد حنينة بطبطب عليها لين بابتسامة حزينة:البقاء لله سديم:ونعم بالله لين بخفوت:معلش اهدي شوية كدة علشان متتعبيش عدا اليوم والعزاء خلص سديم جت داخلة اوضتها بعد يوم طويل متعب سديم بخفوت:تصبحي على خير يا ماما حميدة"مامتها" بحزن:وانتي من اهل الخير يا بنتي سهير لوت بقها بضيق:فيه ايه يا سديم هانم،ايه مش شايفانا ولا ايه سديم بصتلها من فوق لتحت:لا مخدتش بالي سامح"عم سديم وأخو سهير" بغضب:حطي في بالك مفيش تعليم تاني،معندناش بنات تتعلم،فاهمة ولا لأ شهقت حميدة بصدمة وخوف:ايه اللي بتقوله دة يا سامح،ايه اللي بتقوله للبنت دي سامح بصوت عالي:جرى ايه يا ولية،هو علشان جوزك مات يبقى خلاص ملناش كلمة عليكي ولا ايه، لا افهمي كدة،دة انا اقتلك واقتلها وارتاح منكوا انتوا الاتنين حميدة سكتت وخافت ترد،أما سديم فمدتلهوش أي اهتمام،ودخلت اوضتها وقفلت الباب وراها. سهير بخبث:شوف البنت قليلة الأدب..بترزع الباب في وشك،الله يرحمك يا محسن يا خويا. سامح بغضب:ابعدي كدة،والله لاربيها وقفه صوت عا** الغاضب:فيه ايه يا عمي، باينلك كدة خرفت..هتمد إيدك على اختي في قلب بيتي سامح بتهكم:بيتك عا** بعند:آه بيتي ،وانت عارف كدة اكتر واحد،هتقعد انت واختك اقعدوا بأدبكوا،غير كدة الباب يفوت جملين. سامح بغل في نفسه:مااشي يا ابنت محسن،والله لاوريك ان معلمتكش الادب مبقاش أنا سامح --------إسراء محمود❤--------- الفصل الأول سديم بتنهيدة:أخييرااا خلصنا،الدرس دة ممل أويي لين بشبح ابتسامة:يعني انتي اديلك اسبوعين مجيتيش المدرسة،ودلوقتي بتقولي حاسة بالملل. سديم بتنهيدة:أهو هااانت خلاص،والله أنا خايفة أويي،فاضل اسبوع كدة على امتحانات آخر السنة،ومن ناحية تاني مشاكل البيت كل يوم،ومن ناحية تالتة خايفة أوي الحرب تبدأ لين باستغراب:ليه الحرب سديم:سلامتك،نسيتي ان المنطقة اللي أنا ساكنة فيها قوات الاحتلال عاطيانا فرصة نسيبها،قدامنا شهر،علشان يعملوا ليهم مستوطنة في المنطقة لين بعزم:مستحيل نسيب الأرض ليهم،ربنا يحرر القدس سديم:يا رب سديم باستغراب:مالك كدة النهاردة الحزن باين عليكي أويي لين بدموع:بابا يا سديم سديم بخوف:ماله انكل مروان لين:اديله شهر سايب البيت ومنعرفلوش مكان..ولما ماما وظفت محامي،امبارح عرفنا إنه رجع مصر سديم عقدت حواجبها:طب فيها ايه، أكيد رجع مصر علشان عنده شغل لين بدموع:لأ..دة طلع متجوز على ماما من كام سنة سديم بصدمة:معقولة يعمل كدة،ليه هي طنط رحمة مش مقصرة لين بحزن:بابا بطل يبعت لينا فلوس، وماما اضطرت تنزل هي الشغل وبتصرف علينا،بس أنا مش زعلانة على دة كله سديم:أمال ايه بقا لين بتنهيدة:فارس أخويا،بدأ يتصرف تصرفات مش كويسة،بيزعق لماما، وبيشرب سجاير،وماما بتفكر تبعته لبابا يربيه هو سديم بحزن على صاحبتها:ربنا يهديه لين:عندك شغل النهاردة سديم هزت راسها بمعنى آه...وسلمت عليها ومشت --------------- في الكافيه اللي سديم شغالة فيه نادر مدير الكافيه:حمدلله على السلامة يا سديم هانم سديم بتنهج من الجري:الله يسلمك، آسفة على التأخير نادر بضيق:لو اتكررت تاني هتنطردي. سديم في نفسها:سبحان الله أنا شكلي كدة عندي قوة جذب رهيبة...فيه ناس من أول مرة تشوفني تكرهني،ودة واحد من ضمنهم نادر بغضب:اخلصي،انتي لسه هتقفي هنا كمان سديم:حااااضر ------------ في البيت سديم دخلت البيت عا**:حمدلله على السلامة? سديم:الله يسلمك،مالك? عا** بضيق:فيه واحدة محترمة تطلع من بيتها الصبح بدري وترجع دلوقتي سديم بضيق:انت عارف أنا كنت فين،أخرت على الشغل بسبب المدرسة واضطريت أعوض كدة،وصاحب الشغل دة مش بيطيقني،ومعلق معايا? عا** بتنهيدة:أنا عارف انتي كنتي فين،بس أنا اقصد ان المنطقة هنا خطر أوي،وبيقولوا انهم هيفرضوا حظر تجول هنا من بعد الساعة ٨ علشان ممكن يكون فيه هجوم سديم:ماشي? عا** بابتسامة:على فكرة تقدري تسيبي الشغل خلاص،أنا هتكفل بكل مصاريفك..لأن مرتبي زاد الشهر دة الحمدلله سديم بفرحة:بجد الف مليون مبروووووك يا عا**? حميدة جت عليهم:فيه ايه بتتنططي كدة ليه سديم بفرحة:عا**،يا ماما مرتبه زاد...خلاص اتثبت في الوظيفة حميدة بفرحة:بجد،الحمد لله عا** بابتسامة:خلاص انتي بقا يا سديم من بكرة ترتاحي ومفيش شغل تاني سديم كانت لسه هتوافق بس وقفت مرة واحدة وردت بجدية:عاصم..انت عارف موضوع الشغل دة منتهي بالنسبالي،وانت عارف كويس ليه عا** بضيق:سديم انتي عارفة ان اللي حصل زمان دة كان غلط مني،وأنا فقت دلوقتي، واعتذرت كتير،حتى ماما سامحتني،انتي ليه مش راضية تسامحيني لحد دلوقتي سديم:والله أنا مسامحاك،كل الحكاية إني بحب اشتغل،واعتمد على نفسي. حميدة بتنهيدة:خلاص يا بنتي براحتك. --------------- في بيت لين لين رجعت من برة ملقتش مامتها رجعت من الشغل،اتن*دت لين:مش فاهمة ايه المانع إني اشتغل،قال لا،خدي بالك من دراستك..أساعد..لا متساعديش،بردو خدي بالك من دراستك،سديم اهي بتشتغل وما شاء الله متفوقة في كل حاجة،وبالذات تصليح التليفونات...مش عارفة من غيرها تليفوني كان عمل ايه كل ميبوظ? دخلت غيرت هدومها وصلت وراحت المطبخ تعمل أكل. رحمة مامتها:السلام عليكم لين:وعليكم السلام ورحمة الله وبركاته، اخبارك دلوقتي، بصي جهزت الاكل اهو وانتي ادخلي غيري هدومك ويلا ناكل رحمة باسمها من خدها:حبيبتي يا لينو،معلش عارفة إني تاعباكي أوي الفترة دي،وامتحاناتك قربت لين بابتسامة:بس متقوليش كدة ولا تعب ولا حاجة والله، وبالنسبة للدراسة متقلقيش، كله تمام دخل فارس أخو لين رحمة:فيه ايه يا فارس،ايه اللي بتعمله دة،داخل كدة لا مساء الخير ولا السلام عليكم حتى? فارس ولع سيجارة،وحطها في بقه:نسيت رحمة اتعصبت وعلت صوتها عليه:انت ايييه،بااارد،شيل الزفته دي من بقك كدة وكلمني كويس،اعمل ايه تاني،فيه ايه تاني معملتهوش، قولي انت عايز ايه،ايه الحل معاك. فارس:سفريني مصر رحمة بعصبية:لم هدومك وروح عندك ابوك وحااالا. لين بدموع:ماما خلاص،علشان خاطري،خليه قاعد هنا. رحمة:هو اللي عايز كدة مش أنا فارس دخل خد شنطة هدومه وطلع من الشقة كلها. لين دخلت اوضتها بتعيط وفتحت الفون واتصلت بسديم لين بدموع:سديم....فارس،مشي،رجع مصر. سديم بتنهيدة:يا لين لو دة هيريحه،خلاص متزعليش نفسك ---------إسراء محمود❤--------- الفصل الثاني سديم بابتسامة:صباح الفل حميدة:صباح النور يا احلى سوسو...يلا النهاردة أول امتحان،شدي حيلك..عايزاكي دكتورة قد الدنيا. سديم بلعت ريقها:ان شاءالله، ادعيلي حميدة:ربنا يوفقك يا رب عا**:انتي أملنا،شدي حيلك سديم:حاااضر. ------------- سديم بخوف:والله انا خايفة أويي،أنا راجعت كويس وعملت اللي عليا،بس والله الفترة اللي فاتت كنت مضغوطة جااامد لين:مش مشكلة، اتوكلي على الله وان شاء الله خير سديم:المشكلة إن ماما وعا** حاطين أملهم عليا،أنا لازم اجيب المجموع لين:متخافيش، وأهم حاجة متتوتريش علشان تعرفي تحلي. سديم بتنهيدة:حاااضر....قوليلي هو انتي مراجعة كويس لين:ايوة الحمد لله، بصي هو أنا محددة هدفي بصراحة، نفسي أويي ادخل كلية فنون جميلة ونفسي ارجع مصر وادرس هناك سديم بابتسامة:انتي عارفة أنا نفسي ابقا ايه لين باستغراب:دكتورة سديم هزت راسها بنفي:لأ،أنا بحس ان طب مش مجالي أنا مش بحب الأحياء والكيمياء خااالص...كل اللي في الموضوع إني عايزة أفرح اهلي بس...أنا نفسي ابقى مهندسة كمبيوتر، وكمان اشتغل في شركة مصرية لين بابتسامة:تعرفي...أنا نفسي أويي اشتغل في شركة الخطيب،انتي عارفة الشركة دي ليها فروع كتير،هي مصرية....الشركة تخص عيلة كاملة،كلهم شغالين فيها....وكل فرع ليه تخصص ومجال...بما إني حابة الفنون الجميلة،نفسي اعمل معاهم ت**يمات،انتي عارفة ان الشركة الأم تخص هندسة الكمبيوتر وهم أصلا ليهم أسهم كتييير جدااا في شركات عالمية...زي فيسبوك وتويتر وانستجرام ويوتيوب....وليهم نسبة سنويا من أرباح الشركات دي...دة غير صفقات مع شركات زي أمازون وميكروسوفت. سديم بفرحة:بجد،والله أنا حلمي إني اشتغل في شركة زي دي.. ثم أكملت بحزن:بس للأسف مش هينفع،لأني ان جبت مجموع عالي هضطر إني ادخل طب لين:طيب كفاية أحلام...ويلا علشان أخرنا على الامتحان -------------- سديم دخلت البيت حميدة:عملتي ايه سديم:الحمد لله دخلت اوضتها سديم بعزيمة:لازم أذاكر كويس، يا إما ماما أملها هيخيب فيا "دائما كن محاطا بالأمل في حياتك..لتستمر بكل قوة وثبات مع متغيرات دنياك?" ------------- سديم بنعاس:يا عمتو وطي صوت التليفزيون شوية معلش،عندي امتحان بكرة. سهير بغضب:فيه ايه يا سديم هانم،أنا قاعدة في شقتي،اعمل اللي يعجبني،أنا حرة. سديم بغيظ:أنت حر ما لم تضر،وبعدين أنا تعبانة من الصبح،وبكرة آخر امتحان ليا وانتي مصرة بردو تعلي التليفزيون...بقولك ايه، اطفي الخربان دة أو وطيه،بدل اقسم بالله أنادي عا** يجي ي**ره فوق دماغكوا.....سابتها ومشت سهير شهقت بصدمة ودخلت لسامح أخوها:الحق يا سامح..حتى سديم بتهددنا،بتقولي اقفلي التليفزيون يا إما هكره فوق دماغكوا،أو هنادي عا** يطردونا عا** بغضب:اهي طلعتلنا في البخت سديم هانم...والله أنا جايب آخري منها،ومش عارف اعمل معاها ايه هي والزفت عاصم...وفيه مشكلة أكبر من كده...محسن كاتب كل ورثه لعا**،واحنا كدة نطلع من المولد بلا حمص سهير بخبث:لأ...وليه نطلع بلا حمص،تعالى اقولك تعمل ايه وكدة نخلص من سديم وأمها...وان الموضوع احتاج إننا نخلص من عا** ابن اخوك في داهية سامح بفضول:قولي سهير:........ ___________ لين:اخبار الامتحان ايه سديم براحة:الحمد لله كان كويس أويي،سهرت الليل كله امبارح اذاكر لين:ربنا يجبر بخاطرك ويوفقك سديم:يا رب....بصي أنا هروح دلوقتي...أخدت اجازة من الشغل النهاردة،علشان ارتاح شوية بقا لين بضحك:روحي نامي. --------إسراء محمود❤-------- الفصل الثالث سهير:عاملة اية يا سديم..اخبار الامتحان معاكي ايه سديم استغربتها:الحمد لله سهير:ربنا يوفقك يا حبيبتي وتحققي اللي عايزاه. سديم رفعت حاجبها:حبيبتي...اللي عايزاه..هو فيه ايه جت طالعة على السلم وقفها صوت سامح:سديم سديم بضيق:نعم سامح:فيه ايه بس يا سديم،مش تيجي تسلمي عليا وتقوليلي عملتي ايه في الامتحان سديم:لا بجد،مهو أكيد فيه حاجة غلط،هو انتوا شاربين ايه على الصبح كدة سامح بزعل:أخص عليكي يا سديم، يعني لما أتوب وارجع لربنا وأقول اولاد أخوك ويتامى وملهمش إلا أنت بعد ربنا،تقولي كدة...خلاص يا سديم أنا غلطان سديم صعب عليها،ولامت نفسها وراحت عنده وباست إيده وراسه:أنا آسفة..والله مكنتش اقصد،بس أنا استغربت التغيير دة مش أكتر،بس حقك عليا سامح بابتسامة:حبيبتي هو انتي مرحتيش الشغل النهاردة سديم:لأ،واخدة أجازة سامح:بقول بلاش شغل وتتعبي نفسك وأنا موجود أهو،سيبك من الشغل واللي انتي عايزاه اعملهولك سديم بأسف:لأ..أنا آسفة،بس مش بحب أكون عبأ على حد سامح:يا بنتي انسي اللي حصل زمان،دة حتى عا** اتغير. سديم بضيق:عمو الموضوع دة منتهي سامح بتنهيدة:براحتك يا بنتي. سديم طلعت شقتهم ودخلت سلمت على مامتها وبعدها دخلت أوضتها وقفلت الباب...وبدأت تفتكر اللي حصل قبل سنتين. -----------باااااااك---------- حسني بصوت عالي:اسمعي كويس الكلام اللي بقوله بقولهولك دة...الفلوس دي كلها ميراثك، كل دة يبقا باسم عا** ابني في البنك،فاهمة حميدة بدموع:ب بس سديم مهي ليها حق زي عا** بردو حسني بصوت عالي:فيه ايه انتي هتناقشيني..أنا مكرهتش في حياتي قد خلفة البنات،وانتي بقا عايزة تديها من الفلوس وتروح هي لما تتجوز ياخذهم الغريب...عايزة تدي الغريب ومستخسراهم في ابنك...حطي في بالك ان معملتيش اللي بقوله هتترمي انتي وبنتك في الشارع وابقي شوفي حته تلمكوا،وبردو الفلوس هتتكتب باسم عا** وفعلا حميدة مكانش في إيدها حاجة غير إنها تكتب كل ورثها لعا** ...أما عا** في الوقت دة فرح جدااا بالفلوس اللي اتحطت تحت إيده وبدأ يصرف فيها على الفاضية والمليانة سديم بضيق:ليه لأ يا ماما حميدة بحزن:والله يا بنتي مش في إيدي فلوس وانتي عارفة إني كتبت فلوسي كلها لعا** ،وأد*كي شايفة حاله سديم بشك:ماما...ايه اللي اتغير الشهر دة، مانتي دايما بتديني حتى بعد عا** مخد الفلوس وانتي بتديني حميدة بدموع:كنت شايله شوية فلوس ،بس والله خلصوا سديم بتنهيدة:أنا طلبت من بابا فلوس وهو رفض كالعادة...مش قدامي أمل غير عاصم حميدة بخفوت:روحيله،ممكن يد*كي سديم راحت لأوضة عا** سديم:عا** لو سمحت عا**:ادخلي، سديم بخفوت:كنت طالبة فلوس عا** ببرود:ليه سديم:فيه تدريب تطوير مهارات استعمال الكمبيوتر كنت ناوية اقدم فيه،لو أخدت شهادة التدريب دة هيديني الفرصة إني ادخل جامعة مصرية كويسة جداا عا**:مامتك تد*كي سديم بتوتر:مانا طلبت منها،وهي قالت إنها مش معاها عا**:لأ معاها،دي بتزوغك سديم بشك:وايه يخليك متأكد إنها معاها فلوس،مهي كتبتلك كل حاجة عا**:اهو عارف...أمك دايما معاها فلوس سديم بضيق:من الآخر هتديني ولا لأ عا**:لأ سديم عيونها دمعت وخرجت من أوضته بسرعة وراحت على اوضتها سديم ببكاء:يعني محدش عايز يديني حاجة....بس أنا من هنا ورايح مش هطلب حاجة ،أنا هشتغل وهجيب كل حاجة لنفسي ومن ساعتها سديم بتشتغل وبتصرف على نفسها..وعا** أخوها ضيع كل الفلوس بتهوره، وفاق بس بعد فوات الأوان...صحيح إنه اعتذر كتير من سديم وهي سامحته،بس لسه الموقف دة مأثر فيها جاامد،الوقفة اللي وقفتها وهي بتطلب حاجة و**رة نفسها لما مطالتهاش...شعور صعب،مش بتحب إنها تتحط فيه تاني. ---------باااااااك--------- __________________ سديم بتوتر:أنتي متأكدة إنها ظهرت. لين بنفس التوتر:ايوة والله البنت صاحبتي جابتها سديم:طب الموقع مش راضي يفتح...حتى ماما وعا** بيحاولوا بس مش فاتح لين:ضغط على الموقع،هو مش بيفتح معايا حاولي كمان سديم:تمام....حاولي وانا هحاول وربنا يستر. لين:سديم، أيا كانت الدرجة ايه ...نحمد ربنا عليها،ربنا دايما بيختارلنا الصالح،مش هنزعل على درجات..اتفقنا سديم بتنهيدة:ان شاءالله سديم بتحاول تفتح الموقع:ارجوك افتح ...وبالفعل فتح نادت على مامتها وعاصم حميدة بتوتر:فتح سديم:عا**،أنا دخلت البيانات، شوف انت كدة وقولي. عا** خد منها التليفون:هاتي أشوف عا** بص للتليفون عا** بصدمة:ايه سديم بخوف:فيه ايه عا** بصلها:٨٦% -----------إسراء محمود❤---------- الفصل الرابع عا** بص للتليفون عا** بصدمة:ايه سديم بخوف:فيه ايه عا** بصلها:٨٦% سديم بدموع:أ انت بتهزر صح...اوعى كدة وريني سديم بصت في التليفون لقت فعلا إنها جايبة كدة حميدة بصدمة ودموع:ليه يا بنتي كدة،قصرت معاكي في ايه أنا .....وبدأت تصوت? سهير وسامح طلعوا على الصوت سهير بخضة:فيه ايه حميدة بدموع وصراخ:بنتي...كتير عليا تدخل طب،جابت ٨٦% مش هتطول حتى صيدلة ولا هندسة ويمكن متطولش علوم. سهير بتهكم:والله البنت كتر خيرها،اهي بتشتغل وبتصرف على نفسها،وبعدين اللي ميلاقيش حظه في التعليم يلاقيه في مكان تاني. سامح:وبعدين انتي هتاخدي من وراها ايه غير إنهم يقولوا بنتها دكتورة،اهدي على البنت شوية،وان مطالتش كلية نجوزها...هو احنا هنغلب فيها. احتل ال**ت المكان....عا** بيحاول يهدي سديم،وحيدة بدأت تستوعب الواقع وتهدا..ففي الأول وفي الآخر دة مستقبل بنتها مش مستقبلها هي..الكل بدأ ينسحب ويسيب سديم لوحدها. -------------- سديم مش مستوعبة اللي بيحصل،سمعت صوت تليفونها سديم بصوت مبحوح:٨٦% وانتي. لين بسماجة:٨٥% سديم:وفرحانة لين:سديم انتي عارفة اني عملت اللي عليا،وكمان أنا قولت نفسي ادخل كليه فنون جميلة....والدرجة دي كويسة جدااا ويدخلني فنون جميلة في جامعة مصرية كمان سديم:أنا ضيعت طب لين:سديم،هو انتي بجد عايزة تبقي دكتورة .....اقصد إنك قولتي إنك عايزة بتعملي كدة علشان مامتك مش أكتر سديم بتنهيدة:فعلا..صحيح إني مش زعلانة على الكلية اللي ضاعت، بس زعلانة على ماما...وفوق دة كله مجموعي مش كويس. لين:بصي مامتك فترة وهتعدي ان شاءالله وترجع زي الأول...بس انتي ارضي باللي ربنا كاتبه كاتبهولك علشان تركزي في الجاي...وافتكري دايما ان الثانوية العامة دي مجرد فرصة من فرص الحياة،عدتيها وربنا كاتبلك فرص تاني كتييير سديم بتنهيدة:ربنا يصلح الحال. ____________ عدى اسبوع....سديم بتحاول ترجع زي الاول ومامتها تقبلت الوضع،وفهمت إنها كانت غلطانة من الاول، أما سديم فقررت إنها ترجع الشغل تاني سديم بتتكلم في التليفون:قصدك ايه يا لين لين بفرحة:مش قولتلك ان فيه فرص كتير في الحياة....شركة الخطيب اللي حكتلك عنها،عاملة تدريب للطلاب اللي داخلين أولى كلية،لأ وكليه أيه...حاسبات ومعلومات...يعني اللي زيك...وخدي الصدمة بقا،إنهم هيعملو التدريب دة هنا في مدينة القدس، والأجمل من كدة إنك بعد متخلصي التدريب هتبقي مؤهلة إنك تشتغلي في الشركة أو أي شركة عالمية كمان لأن الشهادة دي معتمدة عالميا سديم بفرحة:انتي بتتكلمي جد...الله..طب أنا عايزة اقدم،امتا التقديم،وانتا التدريب هيبدأ...لأ استني هو كام اشتراك التقديم لين:بصي يا ستي...التدريب هيبدأ بعد شهر بالظبط،وكمان التقديم هيبقى لمدة أسبوعين من دلوقتي...أما فلوس التقديم فهي ألف جنيه مصري، ودة يعتبر قليل خاالص بالنسبة لمميزات التدريب سديم بحزن:ألف جنيه مصري..وأنا أجيبهم منين دول،دة أنا حاليا اللي معايا يدوب يكملوا خمسمائة جنيه مصري، ممكن اشتغل شهر كامل بالخمسمية التانية لين بحزن:والله انتي شايفة...أخويا مش بيشتغل وسابنا ومشي،وماما يدوب بتجمعلي فلوس الجامعة، كان نفسي اساعدك سديم:حبيبتي تسلميلي يا لينو...أهم حاجة انتي ركزي وجمعي الفلوس اللي هترجعوا بيها مصر،وأنا هتصرف حتى لو هطلب من عا** فلوس _________ سديم:السلام عليكم ورحمة الله وبركاته نادر بصلها بق*ف:وعليكم السلام ورحمة الله وبركاته، خير سديم باستغراب:خير ..جاية شغلي نادر بتهكم:لسه فاكرة،وبعدين احنا صفيناكي. سديم بصدمة:ايه...ليه أصلا نادر:اولا كدة انتي اديلك أسبوعين مجيتيش.....ثانيا احنا بنصفي العمال علشان فيه مشاكل في المنطقة زي مانتي عارفة،وفيه حظر هيتفرض قريب،ومش هنستحمل الميزانية سديم بدموع:ارجوك لأ...أنا كنت مستأذنة إني مجيش...أرجوك،أنا محتاجة الفلوس ضروري. نادر بتريقة:كلنا محتاجين فلوس،ايه الجديد،يلا بقا اتفضلي برااا ------------إسراء محمود❤---------- الفصل الخامس سديم مشو في الشارع بتعيط..روحت البيت عا** بخضة:فيكي ايه يا سديم....مالك سديم حكتله كل حاجة عا**:بس كدة خدي الفلوس اللي انتي محتاجاها سديم بدموع:بس انت مش معاك فلوس...هتجيب منين،والفلوس دي كتيرة أويي عليك عا** بابتسامة:متشيليش هم...هيسلف الفلوس دي وهبقى أردها سديم باسته من خده:بجد شكراا... مش عارفة كنت هعمل ايه من غيرك __________ سديم بجدية:لو سمحت أنا جاية اقدم على التدريب. الموظف:تمام....خد منها الورق والفلوس......المواعيد يوم....الساعة.... سديم:تمام ،شكراا خرجت وتليفونها رن سديم:الو لين بانهيار:س سديم......فارس أخويا سديم بخوف:م ماله...فيه ايه لين ببكاء:عمل حادثة في القاهرة و... سديم بخوف:حصل ايه يا لين لين بدموع:دخل في غيبوبة، وأنا وماما رايحين مصر بكرة إن شاءالله... حجزنا على أول طيارة سديم بخوف:ط طب بصي هيجيلك اسلم عليكي...أنا معرفش اذا كنتي هترجعي هنا تاني ولا لأ...وكمان معرفش إذا كنت أنا هقدر أسافر مصر ولا لأ لين:خلاص أنا هعدي عليكي، علشان أنا خرجت احجز التذاكر وقريبة من بيتك...تمام سديم دخلت البيت لقت عا** وعمها سامح خارجين سديم باستغراب:رايحين فين كدة عا**:هنروح نشتري طلبات للبيت علشان احتمال الحظر يتفرض قريب سديم:أمممممم ...طيب تعالى أقولك عملت ايه النهاردة وبعدين روحوا عا** وسامح:ايه سديم حكتلهم عن يومها وإنها قدمت واتقبلت وعن فارس إنه عمل حادثة عا** بحزن:يا ربي،طب هو هيبقى كويس سديم بحزن:مش عارفة والله....ربنا يقومه بالسلامة عا**:يا رب سامح:يلا طيب علشان الوقت أخر عا**:يلا سديم طلعت فوق علشان تستنى لين....وعا** وسامح خرجوا....بس وهما خارجين لين شافتهم لين باستغراب:عا** ماشي مع سامح....من امتا دة،أنا أعرف إنهم مبيحبوش بعض.....أنا همشي وراهم يمكن أعرف حاجة....لأ لأ..وأنا مالي،مشاكل عائلية وأكيد اتحلت.....لا همشي فضولي واكلني ____________ وفعلا لين خدت تا**ي وراهم..فجأة العربية وقفت في مكان ونزل عا** وسامح ولين دفعت للتا**ي واستخبت علشان تشوفهم سامح:بص الشارع دة الحاجات اللي بيبيعوها رخيصة أوي...ادخل وأنا هعمل مكالمة وجاي وراك عا**:تمام عا** دخل الشارع ولين شافت سامح بينادي على واحد لين بصدمة:ايه دة....دة عسكري اسرائيلي،هو بيعمل معاه ايه،دي جريمة وطلعت فونها وصورته كذا صورة وهو بيحاول يتكلم معاهم بالانجليزي علشان هما مش فاهمين بعض...وكمان سجلت فيديو سامح:أيوة متأكد...الراجل اللي دخل دة ...دخل منطقتكوا...أنا قولت لأ بس هو أصر...روح شوف شغلك معاه وفعلا الظابط نادى على اصحابه ودخلوا ولين داخلة بالراحة وراهم،وفجأة لين بصراخ:عاااا** .....خد بالك الظباط قبضوا عليه وهو حاول يقاوم بس مقدرش وقعوه في الأرض وبيحاولوا يكتفوه...على الرغم من محاولة الأهالي تخليصة إلا ان الظباط كانوا أقوى منهم وض*بوهم....وأسروا بعض الشباب ولما أهلهم حاولوا يخلصوهم الظباط موتوهم بالمسدسات أما عا** فض*ب الظابط اللي مكتفة في بطنه وجري بسرعة بس....سرعة الرصاصة أكبر من سرعته لف وراه لقى الظابط اللي انض*ب في بطنه مصوب مسدسه ناحيته بغل ....هو اللي ض*ب عليه...الرصاصة اخترقت بطنه ووقع مات. أما لين كانت بتشوف المعركة دي من بعيد بعيون دامعة....امتا وتخلص الحرب...ليه،ليه دة يحصل ...بصت على المكان اللي واقع فيع عا** وحواليه الجثث لشباب حاولوا يخلصواه....حاولوا يدافعوا عن أرضهم، بس ايه التمن...الموت..بصت على الستات اللي بتصوت على اولادهم وازواجهم،لسه مجاش الوقت اللي هيرتاحوا فيه،شافت اطفال بتبكي على فقدان آباءها تخيلت نفسها مكانهم...زعقت بصوت عالي:حسبي الله ونعم الوكيل? ----------إسراء محمود❤--------- الفصل السادس لين قاعدة بتتنفض من اللي شافته...مامتها جت وبتحاول تواسي حميدة اللي بتصوت من أول مسمعت الخبر....أما سهير بتحاول تهدي سمير،،قال هي مش خططت لكدة،،? لين بصوت مهزوز:سديم انتي كويس سديم بضعف:اطلعي برة...سيبيني لوحدي في أوضتي لين بتنهيدة:حااضر لين خرجت من الأوضة وراحت ناحية رحمة مامتها لين بخفوت:ماما...سافري انتي مصر بكرة علشان فارس وطمنيني عليه،بس أنا هفضل شوية مع سديم لحد متتخطى الأزمة رحمة بحزن:بقول كدة بردو فجأة سمعوا صوت صويت جاي من الشارع الكل طلع يشوف فيه ايه....وكانت الصدمة...سديم واقفة على البلكونة وخطوة كمان وهترمي نفسها لين بصراخ ورعب:سديييم...لاااا حميدة بانهيار:انزلي....ارجوكي..انزلي...متعمليش فيا كدة? وطلعت تجري على السلم وجرت بسرعة على أوضتها،ودخلت وفي اللحظة الأخيرة لحقتها لين ماسكة إيد سديم اللي جسمها كله برة البلكونة ولين ماسكة إيدها سديم بصراخ:سيبيني سيبي ايدي لين بقوة:أبدااا.....مش هتموتي كافرة لأ الناس طلعوا ولحقوا سديم سديم بدموع وصراخ:سيبيني أروح وراه...هو ملوش ذنب يتقتل،معملش حاجة....حسبي الله ونعم الوكيل فيهم لين برقة:ممكن تسيبونا لوحدنا دلوقتي الكل خرج ولين قعدت سديم على السرير وقعدت قصدها لين بجدية:أنا عارفة إنك قوة...ثم أكملت بدموع...أنا شفته بيتقتل قدام عينيا،بس لازم نبقى أقوياء...الدنيا مبتقفش على حد،وانتي لازم تقوي وترجعي زي الأول كمان سديم بدأت تهدى سديم بشك:وانتي شوفتيه ازاي لما انتي كنتي جايالي أنا لين بخفوت:تعالي اقولك اللي حصل لين حكتلها كل حاجة حصلت من لما شافتهم خارجين من البيت وورتها الصور اللي صورتها لسامح سديم بحقد:سامح الكلب...والله لأوريك هموته لين:اهدي....احسن حل ان احنا نقدم الصور والتسجيل للحكومة الفلسطينية علشان دي جريمة سديم بتنهيدة:يلا لين:لا اهدي....لازم ترجع كل حاجة زي الأول....وكمان لما هنقدم الورق هياخد وقت لحد مالقاضي يحكم...فمش عايزين حد يشك فينا سديم بتنهيدة:حاااضر ___________ عدى الوقت بسرعة....رحمة سافرت مصر علشان تاخد بالها من فارس،ولين قدرت ترجع سديم وحميدة زي الأول أما سهير وسامح بيمثلوا دور البراءة على حميدة وسديم اللي فاهمة كل حاجة،وقدمت هي ولين الورق ....وسديم بدأت تدريب ومتفوقة جدااا...حتى ان المدرب بتاعها اللي هو سراج الخطيب دايما بيثني عليها --------- في القاهرة فارس بيحاول يفتح عينيه واخيرا فتح رحمة بخوف ومسكت إيده:فارس انت كويس...متخافش الدكتور جاي دلوقتي. فارس بيخرف أو بيحاول تجميع كلامه:أ انا....ه هي ....عيانة....ق قتلت....مينفعش....أفضل دكتور. رحمة بدموع:انت أكيد بتخرف بس متخافش هتبقى كويس...وفعلا جه الدكتور وطمنهم وخرج مروان جوز رحمة وأبو لين وفارس:حمدلله على السلامه يا بطل ثم أكمل بتهكم:استنى اسبوعين علشان تجيبلي نقلة الم**رات دي... رحمة بصدمة:انت كنت باعته يجيب م**رات لما عمل الحادثة مروان بضيق:آه بعته...بس يا ريته ناصح...لأ رايح يعمل حادثة. رحمة قامت زعقت:انت ايه جبروت....ازاي تعمل كدة في ابنك ....ابنك دة دكتور ومتفوق جدااا في شغله...ازاي تعمل فيه كدة مروان:هو أنا غصبته على حاجة ....هو كبير ويتحمل مسئولية نفسه رحمة بغيظ:حسبي الله ونعم الوكيل فيك ---------- في القدس ضياء الخطيب"من عيلة الخطيب واكبر احفاده":سديم...أنا بجد مبهور...انتي ما شاء الله عليكي ممتازة،اتعلمتي في شهر اللي أنا اتعلمته في سنه سديم بخجل:شكراا ضياء:على فكرة بقا..انتي مؤهله جداا إنك تدرسي في مصر وكمان أنا بنفسي هاتأكد إنك هتشتغلي في الشركة سديم بفرحة:احلف. ضياء بضحك:والله انتي تستاهلي سديم شكرته وروحت البيت حميدة بخوف:حمدلله على سلامتك سديم باستغراب:فيه ايه لين:الحرب بدأت والحكومة طلبت اننا نخلي المكان أو نفضل في بيوتنا سديم بخوف:ربنا يستر --------إسراء محمود❤------- الفصل السابع عدى أسبوع الكل محبوس في بيته...وطبعا لين قاعدة مع سديم في البيت....أما سديم فبتاخد الكورس دة اون لاين مع ضياء وبعض المتدربين اللي مش بيقدروا يحضروا... لين:خلصتي التدريب سديم بابتسامة:آه....عندي مفاجأه روووعة لين بفضول:قووولي سديم:ضياء قالي إني أول ماخلص التدريب هشتغل عندهم في شركة الخطيب ولما قولتله عليكي قال آه هتفيدنا وهيختبرك وبعدين يدخلوكي الفرع الخاص بالت**يمات. لين بفرحة:بجد سديم:آه...هو قال إن عمه المسئول عن قسم الت**يم وهيد*كي فرصة لين باستغراب:هم موزعين الشركات بينهم سديم بضحك:لأ يا ذكية....العيلة مكونة من جدهم ودة كبير العيلة اسمه خطيب والعيلة متسمية على اسمه...خطيب دة عنده ابنين اتنين ....عماد ودة عم ضياء وعماد دة ماسك الت**يمات هو وابنه علاء...أما أبو ضياء ودة اسمه خالد وعنده ضياء ودة أكبر احفاد الخطيب،وأخو ضياء اللي بعده اسمه مراد،واللي بعده اسمه سراج....خالد وضياء وسراج ماسكين شركات الكمبيوتر...أما الوسطاني اللي هو مراد دة ماسك الت**يمات مع عمه وبن عمه....ودي العيلة. لين ضيقت عينيها وقالت بمكر:وانتي ما شاء الله واخده تقرير مفصل عن العيلة سديم بتوتر:ق قصدك ايه.. لين بمكر:انتي بتروحي تشتغلي ولا ضياء يحكي عن حياته سديم:لا طبعا...هو بس بيفهمني الدنيا ماشية ازاي لين ضيقت عينيها:هبعلها المرادي ____________ الباب بيخبط جااامد سامح:مين ....مين بيخبط كدة أول مفتح الباب.....دخلت الشرطة الظابط:فين المتهم سامح سامح برعب:م متهم الظابط بغضب:ايوة انت....مقبوض عليك بتهمه التعاون مع قوات الاحتلال البيت كله جه على الصوت سهير بزعيق:فيه ايه...مين دول يا سامح وعايزين ايه منك... الظابط:اتفضل معانا...البيه معانا تسجيلات ليه وهو بيتكلم مع ظباط الاحتلال وكمان بيحرضهم على القتل...ودة أدى لمقتل حوالي عشر شباب وإصابة عشرين شب وتلات اطفال...ومن ضمن الشباب اللي ماتوا الأستاذ عا** حسني حميدة بصدمة:أ انت....منك لله يا سامح سديم بقوة:استنى ....انت عملت كل دة علشان ورث عا** من بابا....بس لأ فين ورثي من بابا سامح بحقد:انتي اللي بلغتي عني لين ببرود:وأنا اللي سجلت...أي خدمة يا برو سامح بغضب:هنتقم منك...والله يا سديم لوريكي انتي وهي هنتقم سديم بجدية:فين ورثي سامح بتريقة:ورثك حميدة بصوت مهزوز:سديم بس تعالي جوة وكفاية كدة سديم بقوة:لأ...مش هسكت مش هبقى ضعيفة زيك...أنتي عملتي اللي بابا عايزه وانتي مغصوبة واية النتيجة...بس لأ..أنا مش هسكت واللي يحصل يحصل سامح بتريقة:طيب يا شاطرة عايزة تعرفي الحقيقة...أولا كدة أبوكي استلف مني فلوس علشان تدريبك...وأنا لما قتلته خدت الورث كله وسجلته في حسابي في بنك القاهرة،عارفة ليه عملت كدة وطلعتك من الحسبة...لأنك مش بنت محسن أخويا سديم بصدمة:ايه...بطل الهبل اللي بتقوله دة حميدة بصراخ:كفاااية...اخرس يا سامح كفاااية الظابط خد سامح وسهير بتبص بحقد لسديم ولين سديم بغضب:ايه اللي قاله دة حميدة بانهيار:غلط كل اللي قاله غلط سديم بقوة:عايزة اعرف الحقيقة...أنا بنت مين سهير بتهكم:هقولك يختي انتي بنت مين حميدة بزعيق:سهير....فيه ايه اخرسي...انتي بنت محسن،واللي يقولك غير كدة كداب سديم بغضب:اسكتي انتي....أنتي بتكذبي عليا ايه....قولي يا عمتي...دة إذا كنتي عمتي أصلا ----------إسراء محمود❤---------- الفصل الثامن سديم بغضب:اسكتي انتي....أنتي بتكذبي عليا ايه....قولي يا عمتي...دة إذا كنتي عمتي أصلا سهير بخبث:أمك كانت متجوزة واحد تاني غير حسني...وانتي بنت الراجل التاني دة، لين بصدمة:طب ازاي...عا** أكبر منها حميدة بدموع:سديم اسمعيني....أنا آسفة إني مقولتلكيش من الأول..بس والله أنا سديم بعصبية ودموع:انتي ايه...بعدتيني عن بابا وجبتيني لناس مش بيحبوني...وضيعت فرص كتير بسببهم...دة كله علشان ايه حميدة بانهيار:والله أبوكي هو اللي رفضك.....أنا هحكيلك القصة من أولها لاخرها....أنا كنت متجوزة حسني بس حصل خلافات بينا وطلقني...سبتله ابنه وسافرت مع أهلي القاهرة وهناك شفته أبوكي....اتجوزنا وبعد حوالي سنة حملت بيكي...ولما عرف إنك بنت اتعصب...أنا صراحة سكت قولت يمكن مبيحبش خلفة البنات....وبعد مولدتك أكتشفت إنه متجوز أصلا ومعاه ولد....بس مراته مش هتخلف تاني،فهو اتجوز من وراها علشان يجيب الولد التاني علشان أخوه معاه ولاد أكتر منه..ولما عرفت كدة اتعصبت لأني حسيت إني سلعة مش أكتر ...وطلبت الطلاق، طلقني ورماني في الشارع أنا وانتي وقال مش عايز اشوفكوا ....وكان بيبعتلك مصروفك كل شهر لحد مكان عندك ١٦ سنه وساعتها بطل لأنه ضمن خلاص إني رجعت لحسني تاني ومش هفكر أرجعك ليه....دة كله علشان ميزعلش مراته...ودايما حسني كان بيكرهك لأنك مش بنته ومن عيلة كبيرة...أما عا** لما كان معاه الفلوس وانتي طلبتي هو كان عارف إن أبوكي بيبعتلك فلوس مكنش يعرف إنه بطل وبعد مالفلوس كلها ضاعت زعل جداا من نفسه....بس علشان تعرفي أنا عمري ماتمنيت ابعدك عن أبوكي...بالع** ساعات كنت اتمنى ترجعيله...بس هو اللي مش راضى ____________ رحمة بابتسامة:ايه رايك في الأكل يا فارس...أنا عاملاه بنفسي فارس ببرود:عادي...كله أكل رحمة بدموع:فارس....متكذبش عليا،ايه اللي حصل،قولي...انت مكنتش كدة، دة مش أنت...انت كنت شاطر في دراستك ودكتور كبير...كنت دكتور جراح قد الدنيا....انت نسيت...فين فارس القديم فارس بغضب:فارس القديم مات خلاص....مش موجود،دلوقتي أنا حابب الحياة اللي أنا عايشها واللي أنا استاهلها. رحمة بعياط:لا....مينفعش انت لازم ترجع زي الأول،متمشيش في سكة أبوك...هيضيعك فارس قام بغضب وسابها وطلع من الشقة كلها. رحمة أفتكرت آخر يوم فارس كان طبيعي معاها "باااااااااك" فارس بابتسامة:صباح الفل يا رحوووم رحمة:صباح النور يا قلب رحوووم،مستعجل ليه أقعد افطر لين باعتراض:ايه دة يا أستاذ فارس....هو أنا لابسة طاقية الأخفى ولا ايه فارس بمكر:مشوفتكش يا حنفي لين بغضب:قولتلك متقوليش يا حنفي..اسمي لين...لينو..لي لي..ان شالله عنيات...أي حاجة غير حنفي دي فارس بضحك:ماشي يا عنيات....ثم وجه كلامه لرحمة...النهاردة عندي شغل كتييير أوييي..يلاا سلاامووز عدى اليوم والليل جه وفارس لسه مرجعش. رحمة بخوف:لين...أنا خايفة أويي...يكون حصله حاجة لين بهدوء:اهدي تلاقيه اتأخر في الزحمة بس رحمة بدموع:طب مش بيرد على التليفون ليه لين:ممكن يكون صامت ومسمعهوش رحمة:لين أنا قلبي مقبوض...علشان خاطري انزلي شوفيه.. لين بملل:حاااضر.. اصبري أغير هدومي لين جت داخلة أوضتها باب الشقة اتفتح رحمة بخوف:فارس...انت كويس،أخرت ليه فارس بصلها بغضب:انتي هتحاسبيني..ولا ايه رحمة بصدمة:احاسبك...فيك ايه...ايه دة...ايه الريحة الزباله دي..وريني جيبك فارس:اهو جيبي لين بصدمة:هيروين...شارب هيروين يا فارس فارس دخل أوضته:مش عايز حد يتكلم معايا "باااااااااك" رحمة بدموع:ربنا يهد*ك يابني ___________ سديم منهارة من العياط...ولين بتحاول تهدي فيها،هي وحميدة.....وسهير بتبصلها بسورية سهير بسخرية:ايه يا سديم هانم...ايه اللي مزعلك....ان باباكي متخلي عنك..ولا إنك مش عارفة هتطولي ازاي ورثك منه...ولا لأنك كنتي عايشة في وهم...ولا لأن اخوكي مات...ولا ايه بالظبط لين بغضب:قولي كلمة خير او اخرسي خالص...ماكنتش ناقصاكي حميدة بدموع:علشان خاطري اهدي...ارجوكي سديم رفعت راسها:اسمه ايه بابا حميدة:ارجوكي انسيه... سديم:أنا مش عايزة اعرفه حبا فيه ولا حاجة...عايزة اعرف اسمي ايه حميدة:اسمه....آآآآآآه ايه دة ايه اللي بيحصل سهير بفزع:يالهوي....بدؤا ض*ب النار... وفجأة سمعوا صوت مدفعيات بتضرب سديم برعب:ماما...لازم نمشي من هنا حميدة:نمشي نروح فين...دة مكانا ملناش حتة تاني صوت ض*ب النار بيزيد لين:طنط سديم معاها حق..البيت هنا مش أمان...تعلي نروح حتى شقتنا ...بس بلاش المنطقة دي...انتي مش سامعه سهير بخضة:يالهوي.. البيت بيتهد....اطلعوا بسرعة الكل جري ناحية الباب وسديم ولين خرجوا برة بسرعة حميدة وسهير جم يخرجوا سهير:آاااه...هنخرج منين دلوقتي..الدنيا بتت**ر علينا. حميدة:الشباك أهو....يلا ننزل منه حميدة طلعت على الشباك ونزلت منه...بس سهير لسه هتطلع والبيت اتهد فوقيها سديم بصراخ:عمتووووو...لااااا لين بتمسكها:اهدي....لو حد من العساكر شافنا هيموتنا حميدة بحزن:يلا نهرب...شوفي البيوت كلها اتهدت هنا،خلينا نمشي بسرعة من هنا وفعلا طلعوا يجروا بس فيه صوت وقفهم العساكر:أهم...لقينا ناس"الحوار بينهم مش بالعربي" الكل بدأ يجري ومكانوش سديم ولين وحيدة لوحدهم...دول كانوا كل اللي نجا من الموت وض*ب النار بيحاول يهرب العساكر:محدش يتحرك أو هض*ب نار سديم بخفوت:لين لين بهمس:أيوة سديم:اجريييي العساكر:وقفي عندك...هنض*ب نار طبعا دة كله وسديم بتجري....العسكري ض*ب نار وسديم وقفت مكانها من الخوف والرعب...وفجأة حميدة بزعيق:لاااااا سديم برعب:مامااااا -----------إسراء محمود❤----------