Chapter 12: Palibre
KAPWA tahimik si Karissa at Bruce nang makabalik sa inn na tinuluyan. Halos maghahating gabi na rin. Ang problema, ang matanda ulit ang nagbabantay sa reception kaya wala na naman silang choice kung hindi ang magsama sa iisang silid.
Tumikhim ang lalaki bago nagsalita. “I hope okay lang sa'yo ang set-up natin. Uuwi na rin naman tayo bukas."
"Walang problema, boss. Magpapahangin lang po muna ako." Pinauna na niya ito sa kuwarto.
"Please make sure na sumunod ka agad para makapagpahinga ka."
Tumango siya bilang pagsang-ayon dito. Nagpaiwan siya doon sa puno na nasa gitna ng compound kung saan siya sumabit nang umagang iyon. Gusto niya kasing mapag-isa sandali. Gusto niyang timbangin ang damdamin niya para kay Bruce Wang.
Hindi na niya nagagawa pang abalahin an
