أسير صورتها

الفصل الثاني

الفصل الثاني

--------

بمكان اخر تجلس فتاة على فراشها.. تزين الإسدال المخصص للصلاة برسمة رقيقة تصنعها بنفسها بخيط الكنفا الملون..كما زينت اسدال ش*يقتها الأصغر سما .. لأرتدائه بصلاة عيد الفطر!

ومن مذياع صغير بجانبها تنبعث آيات الذكر الحكيم مؤنسة لها في هذا الوقت ليلا..

تململت بجوارها ش*يقتها سما قائلة:

_انتي لسه صاحية يا لافندر ..كفاية كده وكملي بكرة تطريز إسدالك عينك هتوجعك يابنتي!

لافندر : انا خلاص ياسما قربت انتهي منه عشان بكرة هنعمل حاجات تانية .. انتي عارفة مرات ابوكي بتهد حيلنا في البيت ومش هلاقي وقت اكمله براحتي .. نامي انتي وهصحيكي اما احضر السحور..

ده اخر سحور بقي كل عام وانتي بخير ياقلبي

سما : وانتي بالصحة والسلامة يا لافي

ثم انتصبت على فراشها فجأة تقاوم اثار النوم قائلة بحماس..

_هنروح فين أول يوم العيد يا لافي!

لافندر ضاحكة: يابنتي نامي وبعدين نبقي نفكر نروح فين ..

سما: لا مش هنام هقعد معاكي لحد ماتخلصي

ونحضر السحور سوا وبعدين نصحي بابا والبرنسيسة بتاعه ..الساحرة الشريرة ههههههههه

لافندر : عيب ياسما .. دي بردو مرات بابا وأم اخونا الصغير خالد ..

سما بتذمر: مش قصدي اغلط ..بس أنا مش بحبها يا لافندر!

اجابتها: عارفة إنك مش بتحبيها.. ومعروف يعني إن مرات الاب عمرها مابتكون ام تانيه ابدا

لأولاد زوجها خلينا واقعيين .. بس إحنا مش هنفضل هنا علي طول.. مسير يجي يوم هنتجوز وكل واحدة فينا هتكون في بيتها

سما : بس كان نفسي بابا مايتجوزش بعد ماما ويعيش لينا وبس

لافندر : تفكيرك اناني .. من حقه يعيش حياته..

سما: يعني محدش عملها ؟؟؟ كتير مش بيتجوزوا ويعيشوا لولادهم وبس .. اشمعني بابا يعني ؟

لافندر: لان معندوش القدرة علي التضحية دي ياسما

كل واحد ادرى باحتياجاته في الدنيا ..

سما بتنهيدة : عندك حق ..عموما دي كانت مجرد امنية مش اكتر.. وواصلت رافعة كفيها بدعاء:

_يارب يا لافندر يرزقنا بأتنين مزز يحبونا وياخدونا من الساحرة الشريرة.. قصدي من مرات بابا..!

لافندر بتهكم: مزز ؟ طب بذمتك دي دعوة تستجاب منك يافاشله انتي..قولي ربنا يرزقنا زوجين صالحين وطيبين... قولي امين بضمير بقى!

سما ورافعه كفيها بحماس : امين امين امييييين ..

________________

الله اكبر كبيرا والحمد لله كثيرا وسبحان وبحمده بكرة واصيلا ، لا اله الا الله وحده صدق وعده ونصر عبده واعز جنده وهزم الأحزاب وحده ن لا اله الا الله ولا نعبد الا اياه مخلصين له الدين ولو كره الكافرون ، اللهم صل على سيدنا محمد وعلى ال سيدنا محمد وعلى اصحاب سيدنا محمد وعلى انصار سيدنا محمد وعلى أزواج سيدنا محمد وعلى زرية سيدنا محمد وسلم تسليما كثيرا .

الله اكبر الله اكبر الله اكبر ، لا اله الا الله ... الله اكبر الله اكبر الله اكبر ، ولله الحمد .

__________________

انطلقت اصوات تكبيرات العيد المباركة من كل مكان ..

ناشرة السكينة والفرح بكلماتها المهيبة ..وجو من المودة والمحبة بين الناس..وبإحساس مملوء بالسعادة والبهجة ...

استقبل الجميع ساعات الصباح الاولي بفرحة متجلية علي الوجوه البشوشة مرددين جميعا تلك التكبيرات بسعادة بالغة..

وبأيادي متصافحة ..تبادلوا التهاني فيما بينهم ..

__________________

ما ان انتهي جواد من أداء صلاة العيد ومعه ابنة اخته الصغيرة

حتي توجه بها اللي المنزل.. ممني نفسه ببعض النوم

حتي يستطيع مواصلة يومه ووفاءه بوعده لاخته وابنتها

بالتنزه بهما طوال اليوم ...

وبعد ان عاد اللي بيته ..

مقبلا ايادي والديه مهنئا لهما بعيد الفطر المبارك

ومستمتعا بدعواتهما له هو واخته نهي ..

نال قسطا من النوم .. واستعد للتنزه مع اخته وحبيته الصغيرة ريناد

ام جواد : بقولك ايه ياحبيبي .. قبل ماتتفسحوا عايزاك الاول تصورلي

حبيبة جدتها بفستان العيد .. اعملها كام كارت في الاستوديو ..

عشان احتفظ بيهم لما تسافر مع نهي لابوها..

جواد : هو في حد لسه بيصور في الاستوديو يا امي غير صور اوراق رسمية .. ممكن اعملك ليها علي التليفون فيديو كليب مش بس كام صورة. ده غير اننا بنكلمهم فيديو من ماسينجر وبتشوفيهم براحتك ..

ام جواد باعترض : كليب ايه وماجينجر ايه يابني

انا ماليش انا في اللخبطه بتاعتكم دي

انا بعملها ألبوم صور من يوم ولادتها .. وبحب اصورها كتير عشان لما تكبر يبقي الالبوم ده ذكري حلوة ليها وتفتكرنا بيها ...

جواد ضاحكا علي نطقها لكلمة ماسينحر : ماجينجر ؟؟؟

لا خلاص سيبك من الكلام الفارغ ده ..ولا يهمك ياست الكل انتي تؤمري وانا انفذ ...حاضر .. هروح الاستوديو واصورها ...!

لافندر : يابنتي أمشي انتي وهي..

صور ايه اللي نتصورها في الاستوديو .. امال الاختراع اللي طلع ده بيعمل ايه .. ملوحه لهما بهاتفها ..

سما : وفيها ايه بس يا لافي .. صور للذكري ..نحتفظ بيها اضمن

التليفونات مالهاش امان وفي ثانية بتقع و بتبوظ ..

قاطعت هدير صديقتهم سما قائلا :

كلامك صح يا سما ..ده انا حتي سمعت ان المفروض البنات مايتصوروش بتليفوناتهم عشان لو اتسرق هتكون صورهم فيها مباحة

ودي حاجه مش كويسة ..

لافندر بنفاذ صبر : خلاص انتي وهي هتدوني محاضرة..

اتفضلو نتصور وامري لله ....!!!

وبعد ان انتهي المصور من ألتقاط صور احترافية لثلاثتهم ..

اخبرهم بالحضور لاستلام الصور بعد يومين .. نظرا لزحمة العيد

سيكون صعب الانتهاء منها باسرع من تلك المهلة ....

________________

توجه جواد اللي الاستوديو.. وقام بتصوير ريناد

كما طلبت والدته .. ثم انطلق بهما كما وعدهم وقامو بالتنزه

ومضي نهار العيد الاول بفرحة وسعادة مرتسمة علي وجوه الجميع ...

وختاما لهذا اليوم ذهب لقضاء سهرة مع اصدقائه في مكان ما ...

______________

هدير مهاتفة صديقتها سما :

ايه يابنتي مش هتيجي انتي ولافندر عشان نروح نستلم صورنا ..

عدي يومين اهو والمفروض نروح ناخدها ...

سما : معلش يا هدير مش هنعرف نخرج انهاردة ..

بابا تعبان شويه ولازم نراعيه .. خصوصا ان مرات بابا سافرت يومين

عند اهلها .. ومافيش غيرنا

استلميهم انتي بالنيابه عننا .. واما اقابلك اخدها منك ..

_ ______________

ذهبت هدير لاستلام صور ثلاثتهم ..

ولكن فوجئت بطلب صاحب الاستوديو بان تسمح له

بعرض صورهم علي زجاج فاترينة الاستوديو الخارجية ..

فملامحهم جميله دون ان يضعوا اي ادوات للزينة مثل مثيلاتهم

اراد ان يستغل ذلك ليثبت ان ليس من الضروري

استهلاك مستحضرت الزينه المبالغ فيها علي الوجوه لتكون الفتاة جميلة ..هدير ولافندر وسما كانو مححبات بوجوه خالية من اي مساحيق تجميلية ومع هذا يتمتعون بجمال رباني رقيق ..

فاقنعها صاحب المحل بذلك و انه سوف يعرضهم

لاسبوع فقط ولن يضيرهم هذا بشيء..

لم تفكر هدير كثيرا ..

وافقت دون الرجوع لاستأذان سما ولافندر ...!!

وبعد انقضاء ايام العيد الثلاث ..

ذهب جواد باليوم الرابع لاستلام صور ريناد .. كما وعد والدته ..

___________