TASHA
Parang isang panaginip lamang ang lahat.
Hindi ko inaasahan na mas magiging makabuluhan ang silebrasyon ng kaarawan ko.
Kahit pa nga alam kong may kinakaharap kaming matinding problema.
Saglit na nawaglit ang lahat ng takot at pangamba ko.
Siguro kung mayroon mang isang pangyayari sa buhay ko ang hindi ko makakalimutan, ay isa ito sa mga iyon.
Muling umalis si Lucio saglit.
Pagbalik nito ay may dala ng gitara.
Maang akong napatingin sa kanila ni Samuel.
Wala pa man sinasabi si Zat pero--
Nagtuturuan na ang dalawa kung sino ang kakanta sa kanila.
Pigil na pigil ang tawa ko.
“Boss, baka pweding yong dvd player na lang sa loob, madali lang naman e-set up ‘yon e, ” ang ani Samuel.
Nakita ko nang tignan siya ni Zaturnino ng masama.
“Gusto ko ‘yong mas romantic pa ang dating
