[“Mukhang nag-e-enjoy ka nang mag-stay riyan ah? Sabihin mo nga sa ‘kin, nagkabalikan na kayo ‘no?”]
Kasasagot ko pa lang ng tawag ng bruhang ‘to ay ‘yan na agad ang bungad niya sa akin.
“Walang nangyayaring ganyan. Ikalma mo nga ‘yang bagang mo. Nagpapagaling ako rito, okay?” hindi ko maiwasang mapaikot ng mata nang marinig ang pag-ingos niya.
[“Asus. Tigilan mo ‘ko, Ida. Kilala kitang babae ka. Mas gugustuhin mo pang tiisin ‘yang sakit sa paa mo at makalayo sa kanya kesa ang manatili riyan kasama siya. Kaya hindi ako naniniwalang pagpapagaling lang ang nasa isip mo.”]
Bwisit talaga ang babaeng ‘to. Ito ang isang disadvantage kapag kaibigan mo ang isang Evelyn Rose Rivera.
“Tigilan mo nga ako. Wala ka bang trabaho at ako ang napili mong buwisitin?”
Narinig ko ang tawa niya sa kabil
