"Sabi ni Eugene gusto mo raw uminom?" tanong ni Lola Sol at napalingon ako.
Binilin ko kay Eugene na huwag niya sasabihin kay Lola dahil sigurado magtataka siya. Hindi naman ako palainom pero naisip ko na masarap uminom habang pinagmamasdan ko ang magandang tanawin.
"May problema ka ba? Pagabi na hindi ka pa ba susunduin ni Joshua?" tanong ni Lola Sol at natatawa napailing naman ako.
Nagpahatid ako kay Joshua kanina kasi gusto ko mapag-isa. Wala naman akong schedule para sa araw na ito at kung mag-stay naman ako sa bahay pakiramdam ko mas naguguluhan ako. Ilang araw na ako balisa, hindi makapag-focus at parang wala sa sarili. Hindi ko naman maipaliwanag sa mga kaibigan ko kung bakit.
"Umiinom lang po ba ang tao kapag may problema? Hindi po ba nasa mood lang ako. Sa tono mo Lola parang
