“Um, pwede bang makisali sa usapan ninyo?” ngiti niyang tanong nang madatnan ang mga lalaki na masayang nagkukwentuhan. Hindi napansin ng mga ito ang paglapit ni Emerald sa kanilang lamesa.
Medyo natarantang napatayo ang limang lalaki, lalo na si Gold na tila nagunguna pang umalis sa kinauupuan para ibigay ang sariling pwesto sa babaeng kadarating pa lang.
Hindi naman ito pinansin ni Emerald, bagkus ay pumasok ito sa pinakagitna ng mahabang pabilog na upuan at doon ay nagdesisyon na umupo. Kasalukuyan nang pinaggigitnaan ito ng apat na kabarkada nito. Laking pasasalamat niya na hindi pa pala nakakauwi ang mga ito, at least may dahilan siya para ipagpaliban pa ang pagkausap sa lalaki. Kung suswertihin nga naman, ang tadhana na ang nagsasabi na, hindi pa talaga ito ang tamang panahon pa
