سندريلا العرب

(شمس بنت جميلة و عنيها زرقه لسه فى المدرسه الاعداديه مخلصتش تانيه اعدادى) اصحى اصحى شمس: إيه يا ماما فزعتينى. الام: العريس تحت. شمس: عريس مين!!؟ الام: دا عريس تبع ابوكي جي يتقدملك قومى يلا. شمس: عريس إيه و هباب إيه محدش قالى على الموضوع دا انتو بتهزروا. الام: بصى الناس تحت مت**فيش ابوكى على الاقل قومى. ( سما دخلت الاوضه بنت عندها عشر سنين طويله و جميله زى اختها) سما: ماما بابا عايزك تحت كلميه. شمس: سما تعالى اقولك هو مين تحت؟ سما: ماما بتقول ان دا عريسك هو معاه امه و ابوه و اخته. شمس: طب هو عامل ازاي؟ سما: يوو بقى ما تنزلى تشوفي بنفسك. ( شمس لبست لبس عادى و نزلت و هى مش عارفه هو فى ايه مسكت الموبيل و اتصلت على صحبتها ضحى اعز صديقة ليها) شمس: الوو ضحى بصى ماما انهارده صحتنى و بتقولى ان فى عريس متقدملى، انا مش عارفه اعمل ايه، انزل ولا لأ . ضحى: طب انتى شوفتي شكله عامل ازاى؟ شيك يعنى ولا مبهدل، قمور ولا وحش، طويل ولا قصير، كده يعنى. شمس: بصراحه انا مش عارفه انا لسه مشفتهوش، ماما بتقولى انزلى ونا مش عارفه اعمل ايه دلوقتي؟. ضحى: طب انتى متعصبه ليه دلوقتي. شمس: علشان محدش خد رأيى فى اى حاجة. ضحى: طب بصى اللبسى حلو و انزلى و لما يمشوا اتصلى عليا تمام. شمس: تمام. ( شمس لبست ونزلت ) الاب: شمس تعالى سلمى على احمد. ( دخلت سلمت و خرجت وقفت على الباب تسمع هما بيقولوا ايه، ) الأب:طب هتصل بيك لو فى نصيب انشاء الله مع السلامه. سما: كلمى بابا يا شمس. شمس: نعم. الأب: بصى دلوقتى دا ابن صاحبى فى الشغل هو انهارده جيه يتقدملك انا مش هضغط عليكى، اعرفى هو مين شغال اى عندو كام سنه وبعدين قولى رأيك. شمس: عنده كام سنة؟ الأب: هو اسمه احمد عنده ٢٥ سنة هو مدرس ولد محترم ونا شايفه راجل هيحافظ عليكى و كمان عنده شقه. شمس: ده اكبر منى بعشر سنين انا عندي خمستاشر سنه. الأب: انا مش شايف ان السن مشكلة مدام هيحافظ عليكى. الأم: كمان لازم تعرفى ان انتى مش مهتميه بالدراسه فمصيرك هتتجوزى و احمد شب كويس و محترم احنا مش هنجبرك بس لو انتى هتذاكرى و هتهتمى بالدراسة ومش عايزة تتجوزى احنا معاكى فى كلا الحالتين. شمس: طب انا معرفهوش ولا حتى اتكلمت معاه. الأب: لما تتجوزيه هتعرفيه اكتر فكرى بعدين ردى. ( شمس مش عارفه تفكر و اول حاجه عاملتها راحت كلمت ضحى و كانت بتفكر و قالت لى نفسها مدام انا فعلا مش هكمل دراسه ممكن اوافق انا استريحت لما شفته بس انا لسه متعرفتش عليه اكتر ) شمس: الوو يا ضحى. ضحى: حصل اى عرفتى اى حاجه عنه. شمس: اه هو عنده خمسه و عشرين سنه هو مدرس هو مش وحش ومش حلو قوى بس انا مش عارفة اوافق ولا لأ الصراحه لما ماما قالت ان فى النهايه انا هتجوز وانا اصلا مش مهتمه بلتعليم فكرت ان اوافق بس انتى رأيك ايه. ضحى: بس دا اكبر منك بعشر سنين. شكله مش هيبقى كبير؟ شمس: هو سنه كبير بس شكله صغير مش باين عليه. رأيك اى؟. ضحى: رأيى لو انتى شايفة ان هو كويس وافقى لأنك فعلا مش بتحبى الدراسه و مدام كده و هو مش وحش وانتى تقبلتيه لما شوفتيه يبقى ماشى. هاا. شمس: خلاص انا هفكر تانى، سلام. ضحى: تمام سلام