Nang pabalik na kami sa classroom ay halata ang pananahimik ni Jade pero naroon pa rin ang matatalas niyang tingin sa `kin sa tuwing mahuhuli ko siyang sumusulyap sa `kin.
“Served you well,” bulong ko pa sa kanya bago kami tuluyang makapasok ng classroom. OA na pinaikot niya ang eyeballs niya at saka dumiretso sa kanyang upuan.
Ako naman ay nakangiting umupo na rin sa upuan ko. Ganado ako sa buong araw na `yon. For the first time ay naramdaman kong hindi ako kawawa.
Kaya naman nang sumapit ang hapon at oras na ng uwian ay hindi na ako masyadong nagtaka nang makita ko si Tita Soledad na naghihintay sa labas ng gate kasama ang dalawa niyang anak na masama ang tingin sa akin. For sure, nakapagsumbong na si Jade kaninang lunch break. Hindi ko kasabay si Zach dahil bago mag last period ay na
