[CAPTAIN HAMZA CAMERON’S P.O.V.]
“Handa na ba ang lahat? Ang mga kagamitan na gagamitin natin ay nadala niyo na ba?” tanong ko sa mga kasamahan ko. Nakasampa na kami ngayon sa bawat roro. Ito ang maliit na barko na gagamitin namin. Para mapabilis ang biyahe namin papunta sa kinaroroonan ng army naval base ship. Hindi namin maaaring gamitin ang mga normal na bangka lamang. May posibilidad na anudin ang mga bangka namin lalo na at gabi na ngayon at malakas ang pag-alon ng dagat.
“Nadala na namin ang lahat ng mga kagamitan. Maaari na rin tayong umalis ngayon,” sagot sa akin ni Cade. Bakas pa rin sa kaniyang mukha ang pag-aalala para kay Presley. Miski ako ay nag-aalala para sa kalagayan niya. Tinanguan ko naman si Cade.
“Mabuti naman. Hindi pa rin ba talaga nakakuha ng signal ang barko
